Kolosi 1:17 - BAṈARA KO VAIRU AMA LEVELEVEO

¹⁷ Karisito ta o eve puliako ereilo kiadama quli, ni kiadama quli ta noqola korokoroti ko eve vokale kude.

Kolosi 1:17 교차 참조

Jone 17:5

Erisaṉa Mama, ṉota ṉaṉaidara ila ṉoko tanama kale, koa omadeuma ṉaṉaidara kale aṉako ko evema ṉo sase puliako peuru ma peuru ereilo.

Jone 8:58

Nio Jisu ta eri kiolake sekasi, “Aṉata a bazuemela me tuvevo avole. Puliako Ebarahami alilo ta ‘Aṉa inio,’” kiolake.

Iruruputo 17:28

omadeuvo kala mevo rikito maba kiovevo jari, ko eri, ‘Vokale inio animeta me jaeva ni me vatuta ni me eva.’ Omadeuvo kama pado meko kera kikolani jari, ‘Anime melai voko meqora poso mela.’

1 Koriniti 8:6

so melai animevo Baṉara ta omadeu pado inio, animevo Mama. Vo inio o erekeni kiadama quli ni animeta me jaeva vo kaqe. Ni animevo Lekasa ta omadeu pado inio, Jisu Karisito. Vokale inio ko erei kiadama quli ni animeta me jaeva vokale.

Kolosi 1:15

Karisito inio vo kasa o ivani vo mutamuta kala Baṉara ko kalo anime kasi, vo lula o eveni Meqora puliako peuru ma peuru ereilo, vo raura kala kiadama vo Baṉara o erekema quli kale azo.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 13:8

Jisu Karisito ta omadeuvo ravi, ni vairutu ni kiada keru. Vota pui o besiziani.

Kelokelozato 1:11

Nio kota eri kikolake, “Rikieka ko ṉoṉo qeako quli, ni soroeka koa riki koa sikeura lotu qoqono kasi ko kobeta evako Epesasi, Samena, Peqamami, Taiataira, Sadisi, Piladelepia ni Leodisia,” kikovema.

Kelokelozato 1:17

So keru aṉa a veve keru vo, aṉata ada bousarake voko kiti raki kasi ni aṉata kala voula maba jari ada evake. Sai nio vota olai ivikake voko palo ṉase ni eri la kiolake, “Pui ṉalo! Ako aṉata kiadama quli ko tanitanila ni koko paitopaito lala sole.

Kelokelozato 1:8

“Aṉata kiadama quli koko tanitanila ni koko paitopaito lala,” kiola vo Baṉara, vo koko tanitanila kale o eveni, ni vo erisaṉa obeta evani, ni vo mainio opa kilo ala, vo kiadama pizato sala.

Kelokelozato 2:8

“Ni ṉota eria rikito eve sai Samena ama lotu qoqono ko mateana kasi: Eri nio koa bazu koko kuevako vo kiadama quli ko tanitanila ni koko paitopaito sala kasi azo, vo o vovini ni mata o tova saeveni voukale azo.