Kolosi 1:10 - BAṈARA KO VAIRU AMA LEVELEVEO

¹⁰ Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

Kolosi 1:10 교차 참조

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Jone 15:8

So inio aṉavo Mama ta o ṉaṉaidara puilou, meko matu epamato kale, ni so inio meta aṉako disaipeli mela me elou.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Romu 1:13

A visi poso mela, aṉata aqai zaria tu melai bazueko ko eri, aṉata aqa zariani lala inio kilo soipimelole me, tu aṉako iruruputo ta ko epamatou mekasi, omadeuvo kota lula ko epamata jari se pui Jiu amu kasi. Kubo taku aṉata aqa zaria soipimelo me, melai koko noqoelako quli aṉa ta ikoana.

Romu 4:12

Vo inio mata se movemove amu vo taite seke luluekani Ebarahami ko oqu ko keve, vo animevo taite, ko vo okai saevema oqu puliako vo moveilo.

Romu 6:4

Ni animeko bapitaiso elo kale animeta meqai zomana voko mutailo, tu vo Karisito ko mata saevo voukale azo vo Mama ko ṉaṉaidara kama pizato kale, animeta mata so jaria saevo me elou vairu ama saevo kale.

2 Koriniti 2:14

Kala solodia madu vo kuleto ala ta o rajaema piripiri ama kana poso peuru kale tu kasa oma iko se maba poso voko koqo imo voko kana madu. So jari nio vo Baṉara ta kasa o ika voko koqo imo voko kana madu eṉeko omadeu vati elo kale vo Karisito. Ni se siama madu ta ke lulueva sea solodia madu vo kuleto ala siqaekole ko bube tu ke puratiko seko kai zoleilo voko koqotaemo. So jari nio eṉeta ṉe olani ṉela kiadakoi kai bazutole vo Karisito ko Uri ama Bazu tu ṉe buratiko eṉe kai zoleilo vo Karisito ko koqotaemo voko kana madu. Aṉata a ilusiva vo Baṉara,

2 Koriniti 4:6

Voa Baṉara vo eri kioveni “Zakaremu ta ko talolou kutumana kale!” kioveni, vo inio voa Baṉara vo o taloekikeni voko zakaremu eṉeko kerukeru kale, tu ṉe baqumuko vo Baṉara ko ṉaṉaidara eṉe ṉe qerukerueva keru vo Karisito, omadeuvo se Izireli amu ta ke paqumukake jari koa ṉaṉaidara seke keve keru vo Mosese ko loilo.

2 Koriniti 5:9

So inio kiadama quli kale azo, eṉeta ṉeqa zaria tu zolevo vo so keru ṉeqai saeva keru eṉeko koi zama tupu ma sai zama tupu melai.

2 Koriniti 9:8

Ako vo Baṉara ta o roveovou katimelo me voko matu kubo mauruto, so inio meta me qovou kiada keru ko meme male ama quli tu me ṉavi kaqe ni koko topi tiniavo tu kiadama meko uri ama iruruputo kaqe.

Epesasi 1:17

Ni kiada keru aṉata a vararaita Baṉara kasi, animevo Lekasa Jisu Karisito vo ṉaṉaidara kala Mama, tu vota o katimelou vo Tabu ala Auvana, vo o nianiiekimelo ala ni kasa o mela ivo ala vo Baṉara tu meta mevai uria nianiiovou vo.

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Epesasi 4:13

Ni komia iruruputo ta kobeta ziovou ti kobeta barolou so keru animea kiada mela omadeu me elou keru animeko vai oqu kale vo Karisito, ni omadeu vai nianiio me elou keru vo Baṉara vo Meqora. Ni animeta muqaro ama maba mela me elou, ni animeta me rapukou tu Karisito jari me elou ni me ṉeamukou kiadama voko sidopu.

Epesasi 5:10

Ni meta madoekomo tu kai nianiimo loma quli kio ko zolevo ama vo Baṉara.

Epesasi 5:15

So sole meta kati matu vailomo meko saevo, ni pui saevo se sarube ama maba poso jari, melai meta saevomo nianiioma maba jari.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Pilipai 4:18

Ni erisaṉa aṉata a qoa kiadama quli ko me mela soroekako quli ni kota ko korotila aṉa. Ako vo Epaparoditasi ta lula olai baroekika sole kiadama meko puaro poso. Ni kota kama uria tui ama siqasiqa jari vo Baṉara kasi, ni vo Baṉara ta o koa ni oka zoleiva koa meko puaro.

Kolosi 2:19

Melai seta keta pitasia Karisito kasi azo, vo o mati vailani se voko lotu qoqono kale amu, omadeuvo ko lezu ko kati vaila jari ko tupu. Karisito ta o kati vaila voko lotu qoqono ni o pizatika ko tu kota ko pizato omadeuvo ko tupu ta sailao kale ko uria pizata ni ko rapuka jari. So inio vo Baṉara ko zario.

Kolosi 2:6

Meta lula mevai nianiiovi vo Lekasa Jisu Karisito, so sole meta sidopua elo emo vo omadeu vati elo kale.

Kolosi 3:20

Ni me meqora poso mela, meta zorimomo meko mama ni niania poso kiada keru, ako ko ikio vo Baṉara ko zolevako quli sole.

Kolosi 4:5

Meta nianiio emo meko iruruputo kale se pui ke tuvevo putani maba poso kasi, tu meko taku ta pui ko ṉamuilo meko kaseko keru ko Uri ama Bazu.

1 Tesalonaika 2:12

Eṉeta ṉe zuvarimele me, ni ṉe batukimele me, ni ṉebeta eve nokaemelo me tu meta meqai saevo koa saevo koko zolevako vo Baṉara, vo o nokaemelani me voko lekasa puo kale tu meta me zomanou voko ṉaṉaidara kale.

1 Tesalonaika 4:1

Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

2 Timoti 2:4

Ako animeta meqai nianiia sole vo pazokinio ko maba vo o erekani dikidauputole voko koidi ta omadeu vatolo kale oka zaria tu zolevo vovo kuleto ala, ni vota pui opa kati valuvaluekou o ṉaviko riteraite.

Taitasi 3:1

Mai kerukerue ṉoko maba poso tu ke uria zorimou se lekasa poso ni se matuma maba poso, ni keka zariovou ereko ko uri kiadama keve kale.

Taitasi 3:14

Mata animeko lotu qoqono poso ta ke male tu kekai nianiio tu dikidauputole uri ke ereko, tu seta ke tauvezato koa maba tuvevo ama zario poso kale, maba poso ko saevo ko korotikako, tu seta pui ke saevo utu ama saevo kale.

Hiburu 11:5

Oqu kale inio Inoke ta pui opa vovi, melai Baṉara ta o koivieve vo saevola aukale. Puliala ta mata opa veve vo, ako Baṉara ta o koivieve vo aukale sole. Tabu ama Riki kikolani ta puliako Inoke vati koilo, vota o zoleve vo Baṉara.

Hiburu 13:16

Pui ukaka iko meko uri ereko edolomu kasi, ni meko tauvekinio, ako ko ikio koa siqasiqa vo Baṉara ko zolevako sole.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

2 Pita 1:8

Ni komi quli ta ko elou me tona ni ko rapukou ni matu ko elou ta ko ikio ko tauvemelou ni meta pui utua mela melai ko ikio ko tauvekou meko vai nianiio animevo Lekasa Jisu Karisito tu kokale meko saevo ta uri ko elou.

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.

1 Jone 3:22

ni vo Baṉara ta o katimelou ko quli anime me baseko ama. Animeta me qovou ko, ako animeta me zorika sole vo Baṉara ko bazu, ni me ereka sole vo ko zolevako quli.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

3 Jone 1:6

Ako nia lotu tamania madu ta kemai bazueka sole se lotu kale amu ṉoko roquano. So sole matu uri tu ṉota beta ola tauvemo se tu seta kebeta zio seko talio kale, ako so inio ṉo zolevou sole vo Baṉara.