Jone 9:24 - BAṈARA KO VAIRU AMA LEVELEVEO

²⁴ Nio omuqama taku kale sea tanatanamu ta ke nokaevake voa leqa alilo o eveni maba nio eri kikelake vokasi, “Tuvevo ama quli kaseka Baṉara ko tanama kale! Ako eṉeta ṉevai nianiia ta voa maba ta sarueko sala sole,” kikelake.

Jone 9:24 교차 참조

Maka 15:27

Ni so jari seta ke patoekake omuqa kuilokuiloa nioqa omuqa korosi topi Jisu sate, kala ta voko palo rana ni kala ta voko made rana.

Luke 15:2

nio se Parese madu ni se Mosese ko Bazu kekai nianiiekatani ta ke taniekake ṉuruṉuruo ni eri kikelake, “Nea maba ta o baroekima se ruqe ama maba madu ni o mati palaita se!” kikelake.

Luke 19:7

Nio kiadama maba poso ke keve keru koa kalo, seta ke taniekake ṉuruṉuruo, ni eri kikelake, “Nea maba ta ota ola ni ota eva vo ruqe ala maba ko pade kale!” kikelake.

Luke 7:39

Ni so keru voa Parese o kea keru koa iruruputo inio vota eri kiolake voko kerukeru kale, “Nea maba ta tuvevo ala poropita tea, vota okai nianiio nio komia reko koko tibaevako vo, ni ota kai nianiio nio koko matu ruqe ama ni sarueko sama saevo koko elo kale!” kiolake.

Jone 14:30

Erisaṉa azo aṉata pui matu kubo quli mata aba kasekou mekasi, ako vo Setani vo peuru ma peuru ko kutumana kale ala lekasa ta obeta kueva sole. Vota maba pui opa roveovou koqotaelo aṉa,

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Jone 18:30

Nio seta ke vati tiorikake vo, ni eri kikelake, “Nea maba ta puliama ruqe ama quli lula o ereka tea, eṉeta pui nio ṉeba vati kilo ṉokasi,” kikelake.

Jone 19:6

Ni so keru se raura kama siama madu ni se Jelepade ke kati vailani maba madu ke vea keru vo seta ke velavelaoke, “Patoevomo korosi topi! Patoevomo korosi topi!” kikelake. Ni vo Paelati ta eri kiolake sekasi, “Aṉata puliama sarueko ada va kea tu a vati tuamuko ko vou, sole meta vati olamo me ṉavi ni patoevomo.”

Jone 5:23

so sole kiadamu ta ke rauraelou aṉa vovo Meqora lala omadeuvo vo Mama ke rauraeva jari. Vo pui o rauraelani aṉa vovo Meqora lala ta pui o rauraevani aṉavo Mama, vo o soroeleni aṉa.

Jone 8:46

Lala me azo ta olai kuirikani aṉa ko sarueko? Puliala! So sole noi sole inio meta pui me duvevo puela aṉa, so keru aṉa a melai bazueka keru ko tuveano?

Jone 8:49

Nio Jisu ta o mati tiorikake se, “Aṉata puliama ziolo salala, aṉata a rauraeva a Mama, melai meta me zarazaraela aṉa.

Jone 9:16

Ni kake Parese madu ta eri kikelake, “Voa maba vo o erekalani ta maba pui o kuevani Baṉara kasi azo, ako vota pui o zorikani ko Sabati ko bazu sole,” kikelake. Melai mata kake ta eri kikelake, “Vo sarueko sala maba ta pui opa roveovou ereko eri ama aqasiele ama iruruputo poso,” kikelake. So sole seta omuqa pitasa keta evake seko kerukeru kale.

Jone 9:25

Ni vota eri kiolake, “Aṉata pui a uria vai nianiia vota sarueko sala ma pui kio. Omadeu quli pala kio aqai nianiia, aṉata lula ta leqa kalala, melai erisaṉa ta ada kelokelozata,” kiolake.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Kelokelozato 11:13

Koa taku kale inio matuma nunu ta kota evake; ni matu kubo pade matu peuru kale ama ta kota biresuake, tonitoni pade kale azo inio omaomadeu pade kota biresuake, ni sikeura vuro maba poso ta keta vouvake. Koa pado ama vaki ta keta polosake ni ke ilusivake vo aukale ala Baṉara.