Jone 9:22 - BAṈARA KO VAIRU AMA LEVELEVEO

²² Voko mama ni niania ta so kiqolake, ako nioqata qota ma ṉake se Jiu ama tanatanamu sole. Ako se inio lula ke nakatikani vo Jisu ta vo Baṉara o soroevani Pakio kio okai eraeraovo ala ta keta va kaitikou voko zomano ilusato ko pade kale kio sole.

Jone 9:22 교차 참조

Luke 6:22

Meda zoleiva tisoiko so keru se maba madu ke melai kideipou keru, ni ke kupemelou keru me, ni ke maulumauluemelou keru, ni ruqea mela mela kikevou keru meko luluelo kale avo aṉa maba a eveni lala!

Jone 1:19

Se Jiu ama tanatanamu Jerusalema peuru kale ke eveni ta ke soroemake kake se siama madu ni se Livai toutou kale amu Jone kasi, tu kepa vai kuimaeko ko eri, “Bazueṉela, lala ṉa inio ko ṉo?”

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Jone 19:38

Ni koko tova inio kala pado maba ta o kuevake sai, vota Arimatiala Josepa. Vota kala pado vo Jisu o tuvevo pueveni, vo pui kasa opa eveni ako vota ota ma ṉae se Jiu ama tanatanamu sole. Ni vota o pasekake Paelati kasi Jisu ko tupu tu o zarieko tu o kati zio. Nio Paelati ta ova zariekake koa tupu tu vota o kati zio, so sole Josepa ta o olake nio opa borikake.

Jone 20:19

Ni koa Sade raisiraisi ama taku kale inio sea disaipeli poso ta ke padoivake tibutibuli ama lose kale, ako seta keta ma ṉake se Jiu ama tanatanamu sole. Sai nio Jisu ta o kuevake ni o lojoake seko tiania nio, “Bule mekasi,” kiolake.

Jone 7:13

Melai puliala ta ovai pesipesitake vo ubutiania keta ma ṉake se Jiu ama tanatanamu sole.

Jone 9:18

Melai sea Jiu ama tanatanamu ta kebeta evake lipato iko ta voa maba ta leqa o eveni ni ota rovea keazato erisaṉa kio, so sole seta ke nokaekake voko mama ni niania kidi

Jone 9:21

Melai eqeta pui qekai nianiia noi nio vota ota keazata erisaṉa ni lala inio voko vilu ota va leqosikalani. Kuimaevomo o ṉavi ako o ṉavi ta lula qole ala inio tu, ni o ṉavi ta o roveovou opato,” kiqolake.

Jone 9:34

Sai nio seta ke vati tiorikake vo seko korakorailo kale, “Ṉota ṉo alile ni ṉo rapukeni ṉa ṉoko niania ko sarueko sate, melai ṉota ṉoqa zaria nianiiekiṉelo eṉe kio?” kikelake. Nio seta ke kupevake vo ilusato ko pade kale azo.

Jone 9:35

Ni Jisu ta o viqake se Parese madu ko kupevo voa maba nio vota opa veake ni o kuimaevake vo, “Ṉota tuvevo ṉo iva vo maba o eveni kio?” kiolake.

Iruruputo 4:18

So sole seta ke nokaekake Pita ni Jone ni ke tova amaqikake nioqa pesipesito ko lose kale, ni seta ke bazuekake tu nioqata pui qo kasekou ni qo nianiiekatou kala kasi vo Jisu ko ṉikale kikelake.

Iruruputo 5:13

Ni sea kiadamu se pui koa poqala kale amu ta keta ṉake nio pui ke mati zomanake se, melai sea kiadamu sea maba poso ta ke rauraemake se.

Iruruputo 5:40

Nio seta ke amaqimako se apositolo madu, ni ke sisiparu puemake se ni bazu saṉa ke imake tu seta mata pui tova bazubazuto ke elou vo Jisu ko ṉikale kikelake, saita inio seta ke rupasimake se.

Kelokelozato 21:8

Melai se pui ke palaitani, ni seke vaekani seko tuvevo puto, ni seke erekani kuvaruvaru ama kalo, ni seke vouvatani, ni seke pauvekani ko ruqe ama iruruputo, ni seke kakokakotani ni ke ilusikani ko beku poso, ni kiadama se lipalipa kamu ta ke risaemou koa matuma nai sama uza ko urusana ko tiania, ko ikio ko omuqama vou.”