Jone 8:6 - BAṈARA KO VAIRU AMA LEVELEVEO

⁶ Seta so kikelake tu seta ke madoevo, tu seta kevai zuakaeko ko titizato kikelake sole. Melai Jisu ta ota loquloqutake puliama pesio sate ni ota rikitake miduku topi voko ṉase kale ama seseu kale.

Jone 8:6 교차 참조

Matiu 10:16

“Meta didielomo! Aṉata a joroemela me omadeuvo sipi jaria mela piru ama ni kade ama biaṉabiaṉa ko tiania. So sole meta balauvomo ni ibuibumu emo meko saevo kale sekasi.

Matiu 15:23

Melai vo Jisu ta pui o kati tiorikake ko, melai obeta olake talio. Nio se kebeta talia keru inio voko disaipeli madu ta kevai olake ni ke bazuevake vo Jisu, tu vota o soroeko koa rekoreko, ako kota ko luluemake se ni kota tibaraputake sole, kikelake.

Matiu 16:1

Ni kake Parese madu ni Sadiusi madu ta ke olake Jisu kasi ni keka zariake zara ivo vo Jisu seko madoevo kale, so sole seta ke soroevake vo tu oma ereko ko aqasiele ama iruruputo, tu seta tuvevo ke iko ta vo Baṉara ta ovai zoleiva vo Jisu.

Matiu 19:3

Ni kake se Parese madu ta ke olake Jisu kasi tu zara ke ivo seko madoevo kale, ni eri kikelake, “Animeko Bazu kale vo Mosese o katimelema ta zarizari ama tu kala ta o vaekou voko reko kama kalo poso kale?” kikelake.

Matiu 22:18

Melai Jisu ta lula obe tamai nianiia seko ruqe ama vatolo, sole vota eri ma kiolake, “Me meqai lipalipaitani mela ko sidopu! Meta mela zaria pala inio madoelo aṉa.

Matiu 22:35

Ni kala se azo ta vo Mosese ko Bazu okai nianiiekatani sole vo inio ovai zariake tu zaraevo ni madoevo vo Jisu voko kuimanao kale ni eri kiolake,

Matiu 26:63

Melai Jisu ta pui o pesiake. Nio vo Nisa Siama ta mata eri kiolake vokasi, “Vo saevola Baṉara ko ṉikale aṉata maulu aṉa pika. Tu ṉota bazueṉela eṉe, ṉo inio voa Pakio ṉa vo Baṉara vo Meqora ṉa?” kiolake.

Maka 10:2

Ni kake Parese madu ta ke olake Jisu kasi tu ke madoevo vo tu keta va kelo kama sarueko kikelake. Ni seta eri kikelake, “Animeko Bazu kale vo Mosese o katimelema ta zarizari ama tu kala ta o vaekou voko reko ma pui?” kikelake.

Maka 12:15

Melai Jisu ta lula obe tamai nianiia seko ruqe ama vatolo, sole vota eri ma kiolake, “Meta mela zaria pala inio madoelo aṉa! Kati kuemoni ka pado koa siliva seleni tu a qelo,” kiolake.

Maka 3:2

Ni kake maba poso ta inisiana sai se kevai zariani vai kuiriko ko ruqe vo Jisu. So sole seta ke vati vailavailaike vo Jisu tu keta va kelo esa vota o urikatou Sabati ṉaṉiu kale.

Maka 8:11

Ni kake Parese madu ta ke olake Jisu kasi ni kekai zariake madoevo vo, tu keta va kelo kama saruilo. So sole seta ke soroevake vo tu oma ereko kama aqasiele ama iruruputo, tu seta tuvevo ke iko ta vo Baṉara ta ovai zoleiva vo Jisu kio.

Luke 10:25

Ni kala maba Mosese ko Bazu okai nianiiekatani ta o kuevake ni o madoevake sipativo vo Jisu. So sole vota eri kiolake vo Jisu kasi, “Tanala, Nianiiekato ko maba ṉa! Loma quli a erekou nio aṉata a qovou ko noqola kama saevo?” kiolake.

Luke 11:16

Ni mata kake se pui ke tuvevo puevani ta keka zariake sipativo vo Jisu so sole seta ke bazuevake vo tu vota o ereko kama pado aqasiele ama iruruputo tu o puratiko vo Baṉara ko pizato vokasi ama kikelake.

Jone 8:2

Ni omadeu lekito koko raneo kale inio vota o vaitake Jelepade kasi. Sai nio sea matu padopadoilo ta mata kevai uburake vo, nio vota ota papuake ni o taniekake nianiiekimo se.

1 Koriniti 10:9

Animeta pui me madoevo vo Karisito tu tava kelo vota o titizimelou ma pui kio, omadeuvo kake seke iveni jari. Seta so ke kae nio ko dole poso ta ko vouvaemake se.