Jone 8:44 - BAṈARA KO VAIRU AMA LEVELEVEO

⁴⁴ Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Jone 8:44 교차 참조

Matiu 12:34

Meta dole jaria ruqea mela, me ruqe ama maba poso mela ta pui me rovea kaseko ko uri ama quli. Ako ko quli vo maba ko bulo kale ko sukatako quli kio vota o rukueka voko suto kale sole.

Matiu 13:15

Ako seko kerukeru ta kutumana ni seko taliṉa ta tibutibuli ni seko vilu ta imaimadi sole. Melai seta pui so ke kava tea seko vilu ta ko keazatou ni seko taliṉa ta ko viqaviqazatou ni seko kerukeru ta ko paqumukou ni ke titiziovou ni ke kilou aṉa kasi tu aṉata a urikimou se,’ ka kiovema.

Matiu 13:38

Ni ko kiaro ta ko mamola pueka komia peuru ma peuru, ni ko uri ama rui ta sea maba poso vo Baṉara ko lekasa puo kale amu, ni ko rabu ta ko mamola puema se maba poso seke luluekani vo Setani ko vatolo.

Jone 6:70

Nio Jisu ta eri kiolake sekasi, “Aṉa a ṉavi nio lula a bitoemela mea toni omuqa, melai kala me azo ta Setani vo maba inio!” kiolake.

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Jone 8:38

Aṉata a qaseka ko quli a Mama ola kasekema quli, melai meta mebeta erekala vo mevo mama melati kiovevo,” kiolake.

Jone 8:41

Meta mebe ereka inio ko quli mevo mama o erekako quli,” kiolake. “Baṉara inio omadeu pado eṉevo Mama, eṉe inio voko tuvevo ama meqora poso ṉela, pui buniu meqora ṉela,” kikelake.

Jone 8:55

Meta maba pui me baqumuva vo, melai aṉata avai nianiia vo. Melai aṉata pui avai nianiia kiala tea, aṉata kala lipalipa kalala inio, me jari. Melai aṉata avai nianiia vo ni a zorika voko bazu.

Iruruputo 13:10

ni eri kiolake, “Noa Setani vo meqora ṉa! Ṉota kiadama sidopu ama quli vo kana ṉa inio. Ṉota koṉai sukata ko ruqe ama ubeubezato ni lipalipato, ni kiada keru ṉota ṉo madoekani ṉa lipato tava iko vo Baṉara ko tuveano!

Iruruputo 24:9

Ni se Jiu amu sai ke zomaneni ta ke kasekake koa kiadama quli ta tuvevo ama, kikelake.

Iruruputo 5:3

Nio Pita ta eri kiolake vokasi, “Ananaiasi, noi sole inio ṉota ṉo lekasa pueva vo Setani ṉoko bulo kale ni ṉota ṉo lipalipaeva vo Tabu ala Auvana ṉo taka ṉeamuko kale kama kobu seleni ṉo ṉoqai tatabaraolama lomaloma kale azo ko puratalama kale azo?

2 Koriniti 11:3

Melai aṉata ada ṉava ako meko kerukeru ta esa kota saruilou sole ni meta me vaekou meko tuvevo ama ni bulebule ama roquano vo Karisito kasi ama, omadeuvo ko Ivi o ikevoa lipaeko vo dole voko ubeubezato kale.

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

2 Pita 2:4

Ako Baṉara ta pui opa utu zarieme se mateana madu boutare ke erekeni, melai vota o soroeme se heli kale ni sai nio seta piripiri amu kutumana kale ke tarekani titizato ko ṉaniu.

1 Jone 1:8

Ni animeta eri kimevou, animeta puliama sarueko samela kimevou, ta animeta meda lipalipaiva inio me ṉavi, ni animeta puliama tuveano samela.

1 Jone 2:21

Noi sole inio aṉata a mela rikita me? Aṉata a mela rikita me ako meta pui meqai nianiia ko tuveano sole, kio? Maba pui, melai aṉata a mela rikita me ako meta meqai nianiiani mela sole ko tuveano, ni meta meqai nianiiani mela ko eri, puliama lipalipato ta ko kuevako tuveano kasi azo kio.

1 Jone 2:4

Ni kala ta eri kiovou, “Aṉata avai nianiia vo Baṉara” kiovou, melai pui o zorikou vo Baṉara ko bazu, ta vota lipalipa kala, ni puliama tuveano sala.

1 Jone 3:12

Melai animeta pui Keini jari me qalou, vota Setani vo meqora ni o vouvaeve vovo visi. O ṉavi Keini ta o erekake ruqe ama kalo, ni vovo visi Ebolo ta o erekake uri ama kalo, ni Sokale avo inio vo Keini ta o vouvaevake vovo visi.

1 Jone 3:15

Ni vo ovai kaikuapo ala vovo lolo ta o vouvatani jari ala inio, ni meta meqai nianiia ta puliala maba vo o vouvatani ta noqola kama saevo sala.

Jiudi 1:6

Ni kerukeruekomo kake mateana madu ta pui kepa kai zolei seko koidi ni pizato vo Baṉara o katimema, ni seta ke vaekake seko ṉisa peuru, nio sea mateana madu ta ke piriziake noqola kama piri kale kutumana kale ti kobeta barou koa matuma ṉaniu kale seke titiziovou keru.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

Kelokelozato 13:14

Ni vota o lipalipaemake kiadama maba poso seke evani miduku kale voko ereko kale koa aqasiele ama iruruputo ko kova zariziako voa kuleto ala biaṉa ko tanama kale. Voa omuqala biaṉa ta o soruemake se maba poso peuru ma peuru kale ke evani tu seta ke erevo kala beku tu keta va ereko ko mamola vo kuleto ala biaṉa benisi kale tabi o eveni, ni vo o saeveni.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Kelokelozato 21:8

Melai se pui ke palaitani, ni seke vaekani seko tuvevo puto, ni seke erekani kuvaruvaru ama kalo, ni seke vouvatani, ni seke pauvekani ko ruqe ama iruruputo, ni seke kakokakotani ni ke ilusikani ko beku poso, ni kiadama se lipalipa kamu ta ke risaemou koa matuma nai sama uza ko urusana ko tiania, ko ikio ko omuqama vou.”

Kelokelozato 22:15

Melai koa matu peuru ko kupekupe ta inisiana se siele jari ke kavani ruqe ama kalo ke luluekani, ni se kakokakoto ke erekani, ni se ruqe ama iruruputo ke pauvekani, ni seke vouvatani, ni seke ilusikani ko beku, ni seke lipalipatani seko pesio poso kale ni seko iruruputo poso kale.

Kelokelozato 9:11

Seta ke aikovakova oma lekasa puani samu inio, vo inio vo mateana koa rosia saqoroma soqili o kati vailani. Voko ṉi Hiburu pesio kale ta Abadoni, Quriki pesio kale ama ṉi ta Apolione, ni koa ṉi ko kio ni kale ta “Vo o ruvuzatani” kio.