Jone 8:32 - BAṈARA KO VAIRU AMA LEVELEVEO

³² ni meta meqai nianiiovou ko tuveano, nio koa tuveano ta ko rupasimelou me,” kiolake.

Jone 8:32 교차 참조

Matiu 11:29

Meta lekasa puelomo aṉa, tu aṉata a nianiiekimelo me, ako aṉata a zarazaraivani lala ni inobea lala auvana kale sole, ni meta me qovou ko mamazo.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:17

Vo Baṉara ko lulama bazu ta ko katiziovi Mosese kale kude, melai roquano ni tuveano ta ko katiziake Jisu Karisito kale kude.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 16:13

Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

Jone 17:17

So sole ṉota ṉo ṉaviko madu ima se ṉoko tuvevo ama bazu kale, ako ṉoko pesio ta tuvevo ama sole.

Jone 6:45

Ako se poropita madu ta ke rikieke ko eri, ‘Kiadama maba poso, Baṉara ta o nianiiekimou!’ So sole kiadamu keta va viqani vo Mama ni ke koani ko nianiio vokasi azo ta ke kilou aṉa kasi.

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Jone 8:36

So sole vo Meqora ta o rupasimelou me, inio meta tuvevoa ruparupasia mela me elou.

Romu 6:22

Melai erisaṉa meta lula meda rupasia sarueko kale azo ni meta vo Baṉara ko mabaku mela inio. Ni meta tabu meda eva meko saevo kale vokasi, ni koko reketekete ta noqola kama saevo.

Romu 8:15

Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

1 Koriniti 7:22

Ako kala mabaku vo Lekasa Jisu lula o nokaevani ta kala ruparupasi ala vo Lekasa vo maba, ni so jari nio vo ruparupasi ala maba vo Karisito lula o nokaevani ta vovo mabaku.

Qelesia 5:1

Vo Karisito o rupasimelo anime tu animeta meqai saevo koa ruparupasi. So sole meta piza kavole lojomo ni pui mata vo Mosese ko Bazu ko mabaku me elou.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

2 Timoti 3:7

Sea rekoreko ta kiada keru keka zariani viqo kama vairu ama nianiiekato melai seta puliako keru kepa paqumuko amu ko tuveano.

Jemisi 1:25

Melai vo o vinaivani sidopu ama bazu kale, maba poso ko rupasimako, ni vo pui o lalamatani ereko ko, ni pui o utu viqani ni o ukaka puekani, ni vo okai iruruputani, vo inio voa maba vo Baṉara mauru o ivo ala vo o erekako quli kale.

Jemisi 2:12

Meta uria pesimo uri ama kalo sate, ako meta maba madu ko rupasimako bazu kale inio me ditiziovou sole.

1 Pita 2:16

Ni meta saevomo ruparupasi ama maba poso jari; melai meta pui eri kimevou, “Eṉeta ruparupasia ṉela, so sole ṉe rovea ereko ko ruqe.” Melai meta vo Baṉara ko mabaku emo.

2 Jone 1:1

Aṉa lotu ko vilua pikopiko lala, ta a rikieka komia riki ṉoa pitopito ama rekoreko ṉa vo Karisito kalea laṉa kasi ni ṉoko meqora poso kasi: Aṉata tuvevo avole a roquemela mea kiada mela, ni pui aṉa a qiada melai sea kiadamu se kekai nianiiani ko tuvevo ama bazu melai ke roquemela me.