Jone 7:43 - BAṈARA KO VAIRU AMA LEVELEVEO

⁴³ So sole sea matu padopadoilo ta keta pitasiake voko kerukeruevo kale.

Jone 7:43 교차 참조

Matiu 10:35

Aṉata a queva tu saidi poso ta ke zolizoliekiniou, lasive meqora poso ta ke kanaekimou seko mama poso, ni reko meqora poso ta ke kanaekimou seko niania poso, ni se niania ravaza poso ta ke kanaekimou seko reko meqora ravaza poso, ni se reko meqora ravaza poso ta ke kanaekimou seko niania ravaza poso, ako kake sea saidi kale ta tuvevo ke ilou aṉa, melai kake sea saidi kale ta pui tuvevo ke ilo amu aṉa sole.

Luke 12:51

Meta me qerukeruta ta aṉata a quevi tu bulekole ko peuru ma peuru kimela, kio? Pui, pui bulekole, melai aṉata a quevi tu pitasimole se peuru ma peuru kale amu.

Jone 10:19

Sai nio se Jiu amu ta mata omuqa pitasa keta evake seko kerukeru kale koa voko pesio tava viqo kale.

Jone 7:12

Ni koa padopadoilo maba poso melai moizavole kebe kasevake vo Jisu. Kake ta “Vota sidopu ala maba,” kikelake, melai mata kake ta “Pui. Vo inio o lipalipaemani se maba poso,” kikelake, sole seta omuqa kerukeru kevai koake vo.

Jone 9:16

Ni kake Parese madu ta eri kikelake, “Voa maba vo o erekalani ta maba pui o kuevani Baṉara kasi azo, ako vota pui o zorikani ko Sabati ko bazu sole,” kikelake. Melai mata kake ta eri kikelake, “Vo sarueko sala maba ta pui opa roveovou ereko eri ama aqasiele ama iruruputo poso,” kikelake. So sole seta omuqa pitasa keta evake seko kerukeru kale.

Iruruputo 14:4

Ni sea maba poso koa peuru kale amu ta keta pitasiake seko kerukeru kale: kake ta uria kerukeru kema evake se Jiu amu, kake ta uria kerukeru keka evake nioqa apositolo kidi.