Jone 7:31 - BAṈARA KO VAIRU AMA LEVELEVEO

³¹ Melai kubo madu koa padopadoilo kale amu ta ke tuvevo puevake vo, nio eri kikelake, “Nei tivoine voa Baṉara o soroevani Pakio o kuevini, vo puliala ota vai paloasani vo o erekako aqasiele ama iruruputo,” kikelake.

Jone 7:31 교차 참조

Matiu 12:23

Ni sea padopadoilo ta aqasiele kekai evake Jisu o erekako iruruputo. Ni seta eri kikelake, “Esa nei nio vo Devita ko vikuvikula kale ala, voa Pakio vo Baṉara mai opa soroevo ala?” kikelake.

Luke 8:13

Ni koa rui koko piako buturuakoi ta se inio seke viqani ko bazu ni zoleilole ke koani ko. Melai kota pui ko matu saqora seko kerukeru kale, sole pui tu ko keuva. Seta ke tuvevo pueka puju ama taku, melai so keru ko zolizolito ko kueva keru, seta ke vaeka seko oqu.

Jone 11:45

Ni kubo madu sea maba poso seke kuevini Mere soipikole ta ke keake vo Jisu o erekema aqasiele ama quli, nio seta ke tuvevo puevake vo.

Jone 12:11

ako voko kio kale kubo Jiu amu ta ke vaemake se siama madu ni ke tuvevo puevake vo Jisu sole.

Jone 12:42

Melai kubo se Jiu ama tanatanamu ta ke tuvevo pueve vo Jisu, melai seta pui kepa kai erierite ubutiana ako seta keta ma ṉake se Parese madu sole, tu pui ke tizaemou se zio ilusato ko pade kale.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Jone 3:2

Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Jone 4:29

“Kuemo tu pa vemo voa maba vo olai bazuekalani kiadama quli ko aṉa lula a erekema quli! Vo inio vo Baṉara o soroevani Pakio esa?” kikolake.

Jone 4:39

Ni matu kubo Sameriama maba madu koa peuru kale amu ta tuvevo ke ivake vo Jisu, koa rekoreko kokai bazutema kale, eri ka kikovema, “Vota olai bazuekala kiadama quli aṉa a erekema quli,” kio.

Jone 6:2

Ni matuma vaki ta ko luluevake vo, ako seta lula ke keve voko aqasiele ama iruruputo se vere amu ko urikimo sole.

Jone 7:26

Keatini! Vota o nianiiekata ubutiania, ni puliala ta o kaqariva vo! Esa ke vakakuva sea tanatanamu ta vo inio vo Baṉara o soroeveni Pakio, kio?

Jone 9:16

Ni kake Parese madu ta eri kikelake, “Voa maba vo o erekalani ta maba pui o kuevani Baṉara kasi azo, ako vota pui o zorikani ko Sabati ko bazu sole,” kikelake. Melai mata kake ta eri kikelake, “Vo sarueko sala maba ta pui opa roveovou ereko eri ama aqasiele ama iruruputo poso,” kikelake. So sole seta omuqa pitasa keta evake seko kerukeru kale.

Iruruputo 8:13

Ni Saimone melai ota tuvevo putake; ni voko bapitaiso puilo ko tova, vota o evake Pilipi ko sipole ni vota okai matu vuzeike vo o keve keru ko aqasiele ama iruruputo ni urikato ko ereima.

Jemisi 2:26

So inio, ko auvana pide ama tupu ta vouma, ni so jari nio ko iruruputo pide ama oqu ta mata vouma.