Jone 7:28 - BAṈARA KO VAIRU AMA LEVELEVEO

²⁸ Ni Jisu ta obeta nianiiekatake Jelepade kale nio vota o opatikake seko pesio ni eri kiolake matuma kora kale, “Meta uria lai nianiio me eva aṉa, ni meqai nianiia sai aṉa a quevikoi kazo, kio? Melai aṉata pui a queva a ṉaviko pizato kale, melai vo tuvetuve ala inio o soroeleni aṉa. Melai meta pui mevai nianiia vo,

Jone 7:28 교차 참조

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Matiu 2:23

Nio vota Nazareti peuru kale o evake, tu vo Baṉara kiovevo se poropita madu kale kude ta tuvevo ko elo, ko eri kikovema, “Voa Pakio ta Nazareti ala o elou,” kikovema.

Matiu 26:55

Ni so keru inio Jisu ta mata eri ma kiolake sea vaki, “Meko kerukeru kale ta aṉata kala matu ruqe ala kuiloa lala ni pazokinio ko maba lala la kimela inio meta meda kueva benisi poso ni kubau poso sate tu noqoelole aṉa, kio? Aṉa inio abeta papua ni a nianiiekatani lala kiadama ṉaniu poso ubutiania Jelepade kale melai pui me noqoela sai.

Luke 10:22

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo,” kiolake.

Luke 2:11

Vairutu komia ipu kale mevo Pakio ta lula o alilala vo Devita ko peuru kale; vo inio vo Lekasa ni vo Baṉara o soroevani Pakio!

Luke 2:39

Ni so keru nioqa lula qo paika keru ereko koa kiadama quli koko kaseima tu qo ereko meqora ko kovo ko tova vo Baṉara ko Bazu kale, nioqata qota vaitake Qalili, nioqako ṉisa peuru kale Nazareti.

Luke 2:4

Nio Josepa ta o olake Nazareti peuru kale azo, sai Qalili azo, Betelihema peuru kale, sai Jiudia, vo Aikovakova Devita o alile ni o rapukekoi. Josepa ta o olake sai ako vota kala pado vo Devita ko toutou kale ala sole.

Luke 2:51

So sole Jisu ta ota vaitake Nazareti nioqa sate, sai vo o zorikekoi nioqa. Ni voko niania ta ko tukiekake kiadama quli koko bulo kale.

Jone 1:46

Nio Nataniala ta o kuimanaoke, “Kama uri ama quli ta ko roveovou purato Nazareti peuru kale, kio?” kiolake. Melai Pilipi ta o opativake vo ni eri kiolake, “Kua tani tu pa vea,” kiolake.

Jone 10:36

So sole aṉa kale avo, vo Mama ta o pitoele aṉa ni o soroele aṉa peuru ma peuru kale. Sole noi nio meta eri kimela aṉata a ruqe kaseva vo Baṉara kimela, aṉako aṉata Baṉara vo Meqora lala kio kale?

Jone 12:49

Ako tuvevo avole aṉata pui a bazubazuta a ṉaviko pizato kale, melai aṉavo Mama vo o soroeleni aṉa ta o bazuele tu aṉata a besio ni a qaseko ko.

Jone 14:10

Ṉota pui tuvevo ṉo ika kio, Pilipi, ko aṉata a Mama tona lala ni vo Mama ta aṉa tona, kio? Ako koa bazubazu ko aṉa lula a melai bazuekako ta pui a qaseka a ṉaviko pizato kale, melai vo Mama vo obeta evani aṉa tona, vo inio ovai bazutani ko ni o erekani o ṉaviko iruruputo aṉa kale kude.

Jone 14:31

melai aṉata a qalou a Mama lati kiovevo ko lulueko kale, tu kiadama maba poso peuru ma peuru kale amu ta kekai nianiiovou ta aṉata a roqueva a Mama, ni a zorika voko bazu. “Uri. Lojomo, tu meda zio komia zaekale azo,” kiolake.

Jone 16:3

Se maba madu ta ke melai erekou ko quli ako seta pui kevai nianiiani aṉavo Mama ni aṉa sole.

Jone 17:25

Sidopu ala Mama, peuru ma peuru kale amu ta pui keṉai nianiia ṉo, melai aṉata aṉai nianiia ṉo, ni nia maba poso aṉako madu ta kelai nianiia ta ṉo inio ṉo joroeleni ṉa aṉa kio.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Jone 3:2

Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Jone 3:33

Melai kala ta o tuvevo puekou voko bazubazu inio vota o patapataevou vo Baṉara ta tuvevo ala inio.

Jone 5:32

Melai vo aṉa olai bazubazutani ta obeta eva aṉa sase, ni aṉata aqai nianiia ta vo la kiolani aṉa ta tuvetuvevo avo.

Jone 5:43

Aṉata a quevi a Mama ko vatolo kale, melai meta pui me baroekila aṉa, melai kala maba vo o kilo ala o ṉaviko vatolo kale ta me baroekivou vo.

Jone 6:42

Sai nio seta eri kikelake, “Pui nea maba inio vo Jisu, vo Josepa vo meqora? Vo eṉe ṉeda vai nianiiani voko mama ni niania kidi. Noi sole inio vota so kiola, vota o saqoreni aukale azo?” kikelake.

Jone 7:14

Ni sipole kota tianiaoke koa ṉojola ko taku pado inio Jisu ta o olake Jelepade kale ni o taniekake nianiiekato.

Jone 8:14

Ni Jisu ta o mati tiorikake, “Abe bazuilou a ṉavi melai, aṉa kialani ta tuvetuve avo, ako aṉata aqai nianiia sai aṉa a quevikoi kazo ni aqai nianiia sai aṉa a ziovoa koi sole. Meta pui meqai nianiia sai aṉa a quevikoi kazo ni pui meqai nianiia sai aṉa a ziovoa koi.

Jone 8:16

Melai aṉata a ditizata tea, aṉako titizato ta tuvevo ama ikio, ako kokale ta aṉata pui a qiada kalala; ako aṉavo Mama vo o soroeleni aṉa ta aṉa sase tu vota o tauvelo sole.

Jone 8:19

Nio seta eri kikelake, “Lai ta vo ṉovo mama?” Ni Jisu ta eri kiolake, “Meta pui melai nianiia aṉa ni pui mevai nianiia aṉavo Mama. Meta lula melai nianiia aṉa tea meta mevai nianiio nio mata aṉavo Mama,” kiolake vo Jisu.

Jone 8:26

Kubo quli kio aṉata a melai kuirikou me ko sarueko kale avo. Melai vo o soroeleni aṉa ta kerula kala, ni aṉata ama kaseka se peuru ma peuru kale ama maba poso ko quli aṉa a viqema vokasi,” kiolake.

Jone 8:42

Nio Jisu ta eri kiolake sekasi, “Tuvevo avole Baṉara inio mevo mama tea, meta me roquelo inio aṉa, ako aṉata a quevi Baṉara kasi azo, ni erisaṉa aṉata koi. Aṉata pui aba kuevi a ṉaviko vatolo kale, melai vo inio o soroeleni aṉa.

Jone 9:29

Eṉeta ṉeqai nianiia ta vo Baṉara ta o pesiovi Mosese kasi, melai voa maba ta eṉeta pui ṉeqai nianiia sai vo o kuevikoi kazo!” kikelake.

Iruruputo 17:23

Ako aṉata a dalia meko peuru kale ni lula a qea koa zae poso meme ilusikakoi azaazama baṉara poso, ni lula a qea ko sara ko eria rikizio ko evema, ‘Vo puliala ovai nianiiani baṉara kasi’. So sole vo me pui paqumuvole melai mebe ilusivani, vo inio aṉa a melai bazuevani me.

Romu 1:28

Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko.

Romu 3:4

Maba pui! Melai vo Baṉara ta matu tuvevo ala se lipalipa kama maba madu kasi azo. Ko Tabu ama Riki va kikovevo jari, “Noko sidopu ta ko tuvevo puilou ṉoṉo besiovou keru, ṉota ṉo bizatou se maba poso ṉo kuiripato saṉa iṉo kale ṉo.”

2 Koriniti 1:18

Vo Baṉara ta o tuveanani ni aṉa melai a duveanani lala. Aṉata pui aba pilapaqo putou!

2 Koriniti 4:6

Voa Baṉara vo eri kioveni “Zakaremu ta ko talolou kutumana kale!” kioveni, vo inio voa Baṉara vo o taloekikeni voko zakaremu eṉeko kerukeru kale, tu ṉe baqumuko vo Baṉara ko ṉaṉaidara eṉe ṉe qerukerueva keru vo Karisito, omadeuvo se Izireli amu ta ke paqumukake jari koa ṉaṉaidara seke keve keru vo Mosese ko loilo.

Taitasi 1:2

Ako koa seko uri ama lotu saevo ko raki ta seta ke tuvevo pueka ko seta ke kovou ko noqola kama saevo sole. Vo tuvetuve ala Baṉara ta o mela inainaeke anime komia noqola kama saevo puliako peuru ma peuru ereilo,

Hiburu 6:18

So sole omuqa quli ta ikoana, voko leveleveo ni voko kejo sama pesio topi ama, ko pui kopa roveovo ama besizio, vo Baṉara pui opa kai roveovo ama lipalipato. So sole anime lula me qoani mela ko pakiezato vokasi ta me rovea matu zuvario tu pizaka noqoeko me elo koa keru ko meqai tarekake ko quli Baṉara o ereko ama quli tu anime kaqe.

1 Jone 5:10

Ni vo tuvevo o ivani vo Baṉara vo Meqora, vo inio koa qulepo ama bazu sala voko bulo kale ko vo Baṉara o melai bazuekako. Melai vo pui o tuvevo putani ta ovai kuirika vo Baṉara ta lipalipa kala, ako vota pui tuvevo o ika sole vo Baṉara o melai bazuekako vovo Meqora kale avo.