Jone 6:7 - BAṈARA KO VAIRU AMA LEVELEVEO

⁷ Nio Pilipi ta o vati tiorikake vo, “Koe, varimuja kaboso ko tabara kale ko tatabarailo ama bereti melai pui kepa kai malezou nia vaki!” kiolake.

Jone 6:7 교차 참조

Matiu 18:28

“Melai voa maba ta o saqorake ni o toraevake kala vovo baerebaere vo o kativeni sike dola, nio vota o olake ni o noqoevake vo ni eri kiolake, ‘Ṉota taukavo besieka noko lipulipu,’ va kiolake.

Maka 6:37

Melai vo Jisu ta o mati tiorikake ni eri kiolake, “Me inio me niaemou sea maba poso,” kiolake. Nio seta eri kikelake, “Noni ko kalou inio animeta me roveovou niaemo nia vaki, ako varimuja kaboso ko tabara kale me qovo ama bereti melai pui me male,” kikelake.

Jone 1:43

Ni koko raneo kale inio Jisu ta ota zio kiolake Qalili rana, so sole vota o zolaike ni ota olake. Ni vota o veake vo Pilipi sai ni eri kiolake vokasi, “Luluela aṉa!” kiolake.

Jone 1:44

Pilipi ta Betiseida peuru kale ala, koa omadeuma peuru sai Aduru ni Pita qo evakoi zala.

Jone 1:45

Nio Pilipi ta o luluevake vo Jisu, ni koko tova inio vota o veake vo Nataniala ni o bazuevake vo, “Eṉeta ṉe veala vo tivoine vo o kaseini vo Mosese ko Bazu kale, ni se poropita madu ko riki kale. Vo inio vo Nazareti ala Jisu, Josepa vo meqora,” kiolake.

Jone 1:46

Nio Nataniala ta o kuimanaoke, “Kama uri ama quli ta ko roveovou purato Nazareti peuru kale, kio?” kiolake. Melai Pilipi ta o opativake vo ni eri kiolake, “Kua tani tu pa vea,” kiolake.

Jone 1:48

Nio Nataniala ta ota va viqake vo kiolani ni o kuimaevake vo, “Nonia lai nianiio nio ṉoṉo eva?” kiolake. Nio Jisu ta ova opatake vo, “Aṉata lula abe ṉeala ṉo so keru piqi ore ko vima ṉo bapula keru, puliako Pilipi nokaeṉo ṉo,” kiolake.

Jone 12:5

“Noi sole inio komia uria tui ama lumu ta pui meqai tatabaraova tu kai kovo matu kubo seleni tu koa seleni ta ko katizio se ozaoza kamu kasi?” kiolake.