Jone 6:51 - BAṈARA KO VAIRU AMA LEVELEVEO

⁵¹ Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Jone 6:51 교차 참조

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Luke 22:19

Ni vota o koake ko bereti, ni o kasekake voko uriavo sama pesio Baṉara kasi, ni o palamukake ko, ni o katimake se, ni eri kiolake, “Komi ta ko mamola pueka aṉako tupu, ako aṉata a mela vouvou me sole. Meta me erekou komi aṉako kerukeruelo kaqe.”

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:29

Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!

Jone 11:26

ni vo o saevani ni o tuvevo puelani aṉa ta pui opa vouvou. Ṉota ṉo duvevo pueka komi, kio?” kiolake.

Jone 3:13

Ako puliala me azo ta opa koivi aukale, melai aṉa maba a eveni lala inio a jaqoreni aukale azo.

Jone 3:14

“Ni omadeuvo lulavo vo Mosese ta o zolaeke o ṉavi o erekema lipalipa dole kotoku topi lealea kama zaekale, se maba madu ke kevema ni ko saevimema, so jaria zolailo inio a elou aṉa maba a eveni lala,

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

Jone 5:24

“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale.

Jone 6:33

Ako koa bereti vo Baṉara o puarikake ta ko kueva aukale azo ni kota ko katima ko saevo peuru ma peuru kale amu,” kiolake.

Jone 6:35

Nio Jisu ta eri kiolake sekasi, “Aṉata saevo ko bereti lala, sole vo o kilo ala aṉa kasi ta pui opa luapou, ni vo o tuvevo puelo ala aṉa ta pui opa rokauvou.

Jone 6:41

Nio sai ke lojoani Jiu amu ta ke taniekake vai ṉuruṉuruo vo, ako vota eri kiolake sole, “Aṉa inio voa bereti aukale azo a jaqoreni lala,” kiolake sole.

Jone 6:47

Aṉata a bazuemela me tuvevo avole, vo o tuvevo puelani ta lula noqola kama saevo sala.

Jone 6:48

Aṉata saevo ko bereti lala.

Jone 6:50

Melai voa bereti vo o saqoreni aukale azo o vuovo ala ta pui opa vouvou.

Jone 7:38

Ko Tabu ama Riki kikovevo jari, ‘Vo o tuvevo puelo ala aṉa, ko saevo ko ju ta ko rereovou kiada keru orori jari voko bulo kale azo,’ ” kiolake.

2 Koriniti 5:19

Koa eṉeko koidi ta kai bazubazuto ta vo Baṉara ta pui omai vaitoeka se maba poso ko sarueko poso ko vaitotola, ni vota lula o katiṉela eṉea apositolo ṉela koa bazu voko ka zario mati odouvikinio sea kiadama maba poso seko omadeu vati elo vo Karisito kale ko sama.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Epesasi 5:25

Ni me tanama lasive poso mela, meta roquemomo meko tanama reko poso omadeuvo vo Karisito ta o roqueka jari ko lotu qoqono, ako vota maba oka vovi voko lotu qoqono

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 10:20

Jisu ta lula o mela veuke kama pado vaini ama keve saevo ko voko tupu siqasiqa iko kale. Sokale avo inio pulia quli ta kopa tizaemelou tu amaqeo vo Baṉara ko kuleto omadeuvo ko suma otu ko tizaeme jari sea maba poso, ko omuqa teze ko evema.

1 Pita 2:4

Vo Lekasa Jisu inio kala saevola lado jari ala, ni vo inio se maba poso komia peuru ma peuru kale amu pui kepa vai zarini. Melai vo inio voa lado vo Baṉara o pitoeveni ako vota matu qulepo ala vokasi sole. So sole meta kuemo vokasi.

1 Jone 2:2

Ako vo Jisu kale inio animeko sarueko ta ko akoiva. Ni pui animeko sarueko ko kiada melai kiadama maba poso ko sarueko melai ko rovea akoilo.

1 Jone 4:10

Ni tuvevo ama roquano ta vo Baṉara ko roquano anime kasi ama ikio, ni pui animeko roquevo vo Baṉara. Ako vo Baṉara inio o roquemele ni o soroeve vovo Meqora tu ota mela akoeko animeko sarueko poso vovo Meqora ko voukale.

1 Jone 4:14

Ni eṉeta ṉe qeve ta vo Mama ta o soroeve vovo Meqora tu o pakiemo se peuru ma peuru kale ama maba poso. Ni ko ikio eṉe ṉemai nianiiekikako quli.