Jone 6:40 - BAṈARA KO VAIRU AMA LEVELEVEO

⁴⁰ Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.

Jone 6:40 교차 참조

Matiu 10:15

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo ni Qomora peuru kale amu ke kovo ama koqotato.

Matiu 25:46

Nio soama ruqe ama maba poso inio ke kovo amu ko noqola kama tolailo, melai se sidopu amu ta ke ziovou noqola kama saevo kale,” kiolake vo Jisu.

Maka 16:16

Ni vo tuvevo o iko ala koa Uri ama Bazu ni bapitaiso o elo ala nio o pakiovou. Melai vo o kapakapato ala ta Baṉara inio o titizivou vo.

Luke 2:30

Ako aṉata a vea ṉovo Pakiezato a ṉaviko vilu kale sole,

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 10:28

Ni aṉata a qatima se noqola kama saevo, ni seta pui kepa vouvou, ni puliala ta opa rapemou aṉa kasi azo.

Jone 11:24

“Aṉata aqai nianiia, vota mata ota saevou tovatovama ṉaniu kale,” kikolake.

Jone 11:25

Nio Jisu ta eri kiolake kokasi, “Aṉa inio ko tuvevo ama saevo ni voukale azo ama mata saevo lala. Vo o tuvevo puelani aṉa ta o saevou, vota o vouvou melai mata o saevou,

Jone 12:45

Ni vo o leani aṉa ta o vea vo aṉa o soroeleni.

Jone 12:50

Ni aṉata aqai nianiia ta koa Baṉara ko soru kale ko kaseivako ta noqola kama saevo sama. Ko quli aṉa aqai bazubazutake ta ko ikio aṉavo Mama lula olai bazuekako aṉa tu a qaseko,” kiolake.

Jone 14:19

Kama puju ama taku ta ikoana ti se maba poso komia peuru ma peuru kale amu ta pui mata kepa lelou aṉa. Melai meta mata me lelou aṉa, ni aṉako mata saevo voukale azo ama kale ta me melai me jaevou.

Jone 17:2

Ako ṉota ṉo lekasa puele aṉa kiadama maba poso kaqe, tu aṉata a qatimou ko noqola kama saevo sea kiadamu ṉoṉo qatileni.

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Jone 5:24

“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale.

Jone 6:27

Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.

Jone 6:39

Vo Baṉara vo o soroeleni aṉa ta ola zaria aṉa tu aṉata pui a mumaevo kala sea kiadamu vo o katileni azo, melai vota ola zaria tu aṉata a jaevimou sea kiadamu tovama ṉaniu kale.

Jone 6:44

Puliala ta o roveovou kilo aṉa kasi, aṉavo Mama pui o odievou tu o kilo aṉa kasi, vo o soroeleni aṉa. Ni aṉata a jaevivou vo o kilo ala aṉa kasi tovama ṉaniu kale.

Jone 6:54

Vo o kuani aṉako marabau ni o nozuekani aṉako dara ta o koa ko noqola kama saevo, ni aṉata a jaevivou vo tovama ṉaniu kale.

Jone 8:56

Mevo taite Ebarahami ta ota zolei so keru vo o paqumuke keru ta vota o kelou aṉako kilo miduku kale. Ni vota o keve ko ni ota zoleike,” kiolake.

Romu 5:21

So sole omadeuvo ko sarueko ta ko lekasa pui voukale, so jari nio mata vo Baṉara ko pakiezato sama roquano ta ko lekasa pua voko sidopu ko puariko kale, koa roquano koko odiemelako anime noqola kama saevo kale animevo Lekasa Jisu Karisito kale.

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

2 Koriniti 4:6

Voa Baṉara vo eri kioveni “Zakaremu ta ko talolou kutumana kale!” kioveni, vo inio voa Baṉara vo o taloekikeni voko zakaremu eṉeko kerukeru kale, tu ṉe baqumuko vo Baṉara ko ṉaṉaidara eṉe ṉe qerukerueva keru vo Karisito, omadeuvo se Izireli amu ta ke paqumukake jari koa ṉaṉaidara seke keve keru vo Mosese ko loilo.

Hiburu 11:1

Oqu saṉa elo ta kai nianiio animeko ṉeamuko ko quli anime meqai keruako tu me qovo, ni kota kai nianiio ta tuvevo ama quli kio ko anime pui me qeako quli.

Hiburu 11:27

Oqu kale inio Mosese ta o zolaike Ijipi peuru kale azo pui taka ṉalo kale vo Ijipi ala aikovakova ko korakorailo kale. Vota ota pataitake ako vota o veve jari vo mutamuta kala Baṉara sole.

1 Pita 1:8

Meta pui me veani nio vo, melai mebe roqueva. Ni meta pui me roveani mela inio velo erisaṉa, melai tuvevo mebe iva. So sole meta ko melai sukata ko ṉaṉaidara kama zoleilo puliala maba opa roveovo ama kaseko.

1 Jone 2:25

Ako o ṉavi Karisito leveleveo o ikema tu o katimelo anime ta noqola kama saevo ikio sole.

Jiudi 1:21

ni meta emo vo Baṉara ko roquano ko poro kale, meko tarevo kale vo animevo Lekasa Jisu Karisito tu o katimelo me ko noqola kama saevo voko akoekato sama roquano kale.