Jone 6:27 - BAṈARA KO VAIRU AMA LEVELEVEO

²⁷ Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.

Jone 6:27 교차 참조

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Matiu 25:46

Nio soama ruqe ama maba poso inio ke kovo amu ko noqola kama tolailo, melai se sidopu amu ta ke ziovou noqola kama saevo kale,” kiolake vo Jisu.

Matiu 3:17

Ni vota o viqake ko kora aukale azo ama ko eri kikovema, “Ṉota a ṉavivo Meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikovema.

Matiu 6:19

Nio vo Jisu ta obeta olake bazubazuto ni eri kiolake sekasi, “Meta pui padoeko meko batiro miduku kale, ako sai nio kota moatakou ni ko narakou, ni sai ta se kuilokuilo amu ta ke puraekou ko pade, ni ke kuilikou ko batiro sole.

Matiu 8:20

Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake.

Maka 1:11

Ni vota o viqake ko kora aukale azo ama ko eri kikolako, “Ṉota a ṉavivo Meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikolako.

Maka 9:7

Nio kama pado lei ta ko boulumake se, ni seta ke viqake Baṉara ko kora koa leikale, ni eri kiolake, “Nei nio vo a ṉavivo Meqora, vo aṉa a matu roquevani, tu tava viqomo vo ni luluekomo vo kiolani,” kiolake.

Luke 3:22

ni vo Tabu ala Auvana ta o saqorake vo tona, ni voa Auvana ko velo ta ova kurou jari ala. Ni vota o viqake ko kora aukale azo ama ko eri kikolako, “Ṉota a ṉavivo meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikolako.

Luke 9:35

Ni seta ke viqake vo Baṉara ko kora koa leikale, ni eri kiolake, “Nei nio vo aṉavo Meqora vo aṉa a bitoeveni; tu tava viqomo vo ni luluekomo vo kiolani!” kikolako.

Jone 10:28

Ni aṉata a qatima se noqola kama saevo, ni seta pui kepa vouvou, ni puliala ta opa rapemou aṉa kasi azo.

Jone 11:42

Aṉata lula aṉai nianiia ta ṉota ṉoda la viqa aṉa kiada keru, melai aṉata so kiala, tu nia maba poso koi ke evani ta ke tuvevo puekou ko ṉo inio ṉo joroeleni ṉa aṉa kio,” kiolake.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 15:24

Aṉata pui aba ereke koa iruruputo sekasi ko puliala maba opa roveovima ereko tea, puliama ikio seko sarueko. Melai seta lula ke kea aṉa a erekako quli melai inio seta ke qelai kideipa aṉa ni a Mama.

Jone 17:2

Ako ṉota ṉo lekasa puele aṉa kiadama maba poso kaqe, tu aṉata a qatimou ko noqola kama saevo sea kiadamu ṉoṉo qatileni.

Jone 3:15

ni sea kiadamu ke tuvevo puelo amu aṉa ta ke kovou ko noqola kama saevo.

Jone 3:33

Melai kala ta o tuvevo puekou voko bazubazu inio vota o patapataevou vo Baṉara ta tuvevo ala inio.

Jone 6:40

Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.

Jone 6:47

Aṉata a bazuemela me tuvevo avole, vo o tuvevo puelani ta lula noqola kama saevo sala.

Jone 6:51

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Jone 6:53

Nio Jisu ta eri kiolake sekasi, “Tuvevo avole aṉata a bazuemela me: meta pui me quovou aṉa maba a eveni lala ko marabau ni pui me nozuekou aṉako dara ta meta pui meba kovou ko tuvevo ama saevo meko saevo kale.

Jone 6:54

Vo o kuani aṉako marabau ni o nozuekani aṉako dara ta o koa ko noqola kama saevo, ni aṉata a jaevivou vo tovama ṉaniu kale.

Jone 6:58

Aṉa inio voa bereti aṉa tuvevo avole a jaqoreni lala aukale azo, pui se meko taite poso kepa kiema bereti jaria lala. Ako seta ke kie ni pui noqola saevo kepa eve, melai vo o kuovo ala komia saevo ko bereti ta noqola saevo o elou,” kiolake.

Jone 6:62

Sole noi nio meme dova lelou keru aṉa maba a eveni lala ko tova koilo aukale sai aṉa a quevikoi kazo!

Jone 6:68

Nio Saimone Pita ta o vati tiorikake, “Lekasa, lala kasi nio eṉe ṉeba ziovoa koi? Ako ṉoṉo qiada inio ṉo buarikani ṉa ko ṉisa saevo ko pesio sole.

Jone 8:18

Ni koa Bazu ko lulueko kale avo inio aṉata ada bazuiva a ṉavi, ni aṉavo Mama vo o soroeleni aṉa melai olai bazuta,” kiolake.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Romu 4:11

Koko tova vasi inio vota o moveike, ni koa voko moveilo ta kama pado mamola ko evake koko kasa puekema voko oqu kale ama sidopu elo Baṉara ko vilu kasa. Nio vo Ebarahami ta sevo auvana kale ala taite o evake, seke tuvevo puevani vo Baṉara se sidopu ma kiolani, se pui movemove amu melai.

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

1 Koriniti 6:13

Kala ta mata eri kiovou, “Baṉara ta o ereke ko sailao tu siapa kaqe, ni vota o ereke ko siapa tu sailao kaqe.” Kota tuvevo melai vo Baṉara inio o epeziko ala koa omuqa quli. Baṉara ta pui opa katimele ko tupu tu kai pauvezato kaqe, melai va nabuluputo kaqe vo, ni animeta voko mela.

1 Koriniti 9:2

So sole esa kake ta pui kepa tuvevo puekou ko aṉata kala apositolo lala inio kio, melai meta me male tu matu tuvevo iko aṉako apositolo elo. Ako meko omadeu elo kale animevo Lekasa Jisu sase me ṉavi ta kasa me ika koa aṉata kala apositolo lala inio kio.

2 Koriniti 4:18

Ako eṉeta pui ṉeqai lilitani ṉela ko kasale ama quli koko keazaivako vilu kale, melai ko pui ko keazaivako quli kio. Ako koko keazaivako quli vilu kale ta puju ama taku kale pala ko evako, melai ko pui ko keazaivako quli ta noqola ko elou.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Pilipai 2:13

Ako vo Baṉara ta obeta iruruputa mekasi tu zarizari o imelo me tu meta me zorikou voko vatolo.

Kolosi 1:29

Aṉata a matu iruruputa tu a ereko koa iruruputo ni a matu madoeka vo Karisito ko pizato kale ko aṉa ko matu pizatilako.

Kolosi 2:22

Ako soama tabu poso ta ko niumaema se maba poso so keru se kekai iruruputa keru. Koa tabu poso ta maba poso pala ke kasekako tu kekai nianiiekato.

Kolosi 3:2

Meta kerukeruekomo koa keve aukale ama kiada keru. Ni meta epezomo kerukerueko pala koa keve poso komia peuru ma peuru kale ama.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

2 Timoti 2:19

Melai vo Baṉara ko maba poso ko vinavina kama vola vo Baṉara lula o erekema ta puliala o rovea vezokiko, ni ko topi ta ko rikiziake komia pesio: “Vo Baṉara ta omai nianiia o ṉaviko madu” ni “Se eṉe inio ko vo Baṉara ko maba madu ṉela kikelani ta ke lilizio ko ruqe ama iruruputo ko ereko kale azo.”

Hiburu 12:16

Balauvomo tu puliala maba ta o ereko jou kama iruruputo ni kutumana iruruputo. Ako kutumana iruruputo ikio vo Isoa o erekema so keru vo okai tatabaraovi keru vo kuleto ala meqora ko puaro vovo visi Jekopi kasi, tu o kovo silo pala sailao.

Hiburu 4:11

So sole animeta me matu madoekou tu me qovo koa pakio ko mamazo, tu puliala ta se kekai evevoa kabao okai elou ko, ako seta ke bikobikoirate sole.

Jemisi 1:11

Vo ṉaniu ta o purata voko vualavuala kama urusana sase ni ko zulueka ko papapapa; koko sisusisu ta kota ka vuzara, ni koko olaupo ta lula kota ka niumaiva. Omadeuvo so jari nio vo batiro ala maba ta o niumailou voko batiro elo kale, ni riteraite kai elo kale voko iruruputo.

1 Pita 1:24

Ako ko Tabu ama Riki kikovevo ta eri nio sole, “Kiadama maba madu ta seulele jari, ni kiadama seko pizato ta lea kale ama sisusisu jari. Ni koa seulele ko vouva ti koa sisusisu ta kobeta pia inio,

2 Pita 1:17

Ni eṉe sai keru inio Jisu ta ota va viqake vo qulepo ama ṉaṉaidara sala Baṉara ko kora. So keru inio Jisu ta o koake ko matuma raurailo sama pesio vovo Mama Baṉara kasi azo koa kora eri kikovema kale, “Nei nio aṉavo Meqora, vo aṉa a matu roquevani ni avai matu zoleivani.”