45 Meta pui eri kimevou, aṉata a melai kuirikou meko pui tuvevo puelo a Mama ko tanama kale, ako pui aṉa melai Mosese inio voa maba vo me o melai kuiriko ala sole, voa Mosese vo o rikiekeni ko me meqai oquima Bazu.
“Nio vo Ebarahami ta eri kiolake, ‘Noko tamania kale amu ta ikoana vo Mosese ni se poropita madu kikevevo tu ko katimo ko balauvato seko riki poso kale. Sole se kikevevo inio ṉoko tamania kale amu ke viqou,’ kiolake.
Melai vo olai kaikuapani aṉa ni vo pui o viqani aṉako bazubazu ta koa bazubazu ikio ko titizivou vo. Ako koa bazubazu aṉa a qasekako ta ko titizivou vo tovama ṉaniu kale sole.
Mosese ta o katimele me vo Baṉara ko Bazu, ma pui opa katimele? Melai puliala kala pado me azo ta o zorika koa Bazu. Sole noi sole inio meta meqa zaria vouvaelo aṉa?” kiolake.
Ni so keru seke viqa keru koa pesio poso, nio sea kiadamu ta keta tuluaziake padopado zolailo kale, qoleqole amu ta kuleto ni se vairuvairu amu ta koko tova. Ni o kiada Jisu ta ke vaevake sai, ni koa reko ta sai kobeta lojoake.
Se pui Jiu amu ta puliama vo Mosese ko Bazu samu, sole seke sarueka keru seta ke koqotaiva, melai pui koa Bazu kale. Melai se Jiu amu ta ikoana koa Bazu samu, so sole seke sarueka keru koa Bazu ikio kuiripato saṉa ko ima.
Melai se kekai qaraqaraivani Mosese ko Bazu ko lulueko kikelani ta ke leveziovou, ako ko Tabu ama Riki kikovevo ta eri nio sole, “Vo pui o lulueko ala koa kiadama Bazu koko rikiziovima vo Mosese ko Bazu kale ama ta o leveziovou,” kikovema.
