Jone 5:39 - BAṈARA KO VAIRU AMA LEVELEVEO

³⁹ Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa,

Jone 5:39 교차 참조

Matiu 22:29

Nio vo Jisu ta eri ma kiolake se, “Meta meda saruiva meko kerukeru kale, ako meta pui meqai nianiia ko Tabu ama Riki kikovevo, voukale azo mata saevo ko bazu, ni Baṉara ko pizato melai pui meqai nianiia sole.

Maka 10:3

Ni Jisu ta oma opatake ni eri kiolake, “Loma quli Bazu ikio vo Mosese o katimelema me?”

Maka 12:10

Ni Jisu ta mata o erevake kala podepodeti o ṉavi kale avo ni eri kiolake sekasi, “Meta pui me ataekako ikio ko Tabu ama Riki kikovevo? Ko eri kikolako, ‘Koa lado se pade ke erekani kekai keduima pui uri ama ka kikevema, ko ikio erisaṉama qulepo ama pade ko lado kiadama lado poso azo.

Luke 16:29

“Nio vo Ebarahami ta eri kiolake, ‘Noko tamania kale amu ta ikoana vo Mosese ni se poropita madu kikevevo tu ko katimo ko balauvato seko riki poso kale. Sole se kikevevo inio ṉoko tamania kale amu ke viqou,’ kiolake.

Luke 16:31

Melai Ebarahami ta o vati tiorikake vo ni eri kiolake, ‘Seta pui keta ma viqou ni luluekou Mosese ni poropita madu kikevevo, ta seta mata pui kepa tava viqou kala vo o saevo ala voukale azo,’ kiolake.”

Luke 24:25

Nio Jisu ta eri kiolake nioqa kasi, “Qea sarubea qela, matu niuniala inio qeta eva, nio pui qe tuvevo pueka kiadama quli se poropita madu kikevevo seko riki kale!

Luke 24:27

Nio Jisu ta oka zakaremu puekake nioqa Tabu ama Riki kikovevo vokale avo, Mosese o rikiekema buka poso kasi azo ti kiadama poropita madu ko riki poso kasi.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Jone 1:45

Nio Pilipi ta o luluevake vo Jisu, ni koko tova inio vota o veake vo Nataniala ni o bazuevake vo, “Eṉeta ṉe veala vo tivoine vo o kaseini vo Mosese ko Bazu kale, ni se poropita madu ko riki kale. Vo inio vo Nazareti ala Jisu, Josepa vo meqora,” kiolake.

Jone 5:32

Melai vo aṉa olai bazubazutani ta obeta eva aṉa sase, ni aṉata aqai nianiia ta vo la kiolani aṉa ta tuvetuvevo avo.

Jone 5:36

Melai aṉata mata kama pado quli salala ko kolai bazubazutake aṉa, ko kokai paloasako vo Jone ota lai bazubazutema aṉa, ko ikio koa iruruputo poso aṉa a erekako. Ko ikio koa iruruputo poso aṉavo Mama o katilema tu aṉata a ereko, ni ko ikio mata ko tuvevo puela aṉa tu ko puratiko vo Mama inio o soroeleni kio.

Jone 5:40

melai meta pui meqa zaria tuvevo puelo aṉa tu meta me qovou ko saevo!

Jone 5:46

Meta lula maba tuvevo pueko me eva vo Mosese ko riki kikolani tea, meta me duvevo puelo inio aṉa, ako vota lula o kasele aṉa voko riki kale sole.

Jone 7:52

Nio seta ke vati tiorikake vo, “Ṉo melai Qalili rana lana, kio? Lezumuka ko Tabu ama Riki ni ṉota ṉo baqumukou ko puliala poropita ta o purata Qalili kio, nea maba o kuevikoi kazo,” kikelake.

Iruruputo 13:27

Sea maba poso Jerusalema ke evani ni seko vilua pikopiko madu ta pui kepa kai nianiiovi ta vo inio voa Pakio kio, ni seta pui kepa paqumuke se poropita madu ko riki kikolani kiadama Sabati poso ko tiromiako. Melai seta ke tuvevo puekake se poropita madu ko pesio seko kuiripato saṉa ivo kale vo Jisu.

Iruruputo 17:11

Ni saizama maba poso ta uri ama kerukeru samu pui se Tesalonaika mu jaria ruqe amu. So inio seta ke matu uria didiekake ko bazubazu, ni kiadama ṉaniu seta ke tiromikake ko Tabu ama Riki tu keta ka kelo vo Paula ni Sailasi kiqolani koko tuveano kikelake sole.

Iruruputo 26:27

Aikovakova Aqiripa, ṉota tuvevo ṉo ikani ṉa inio se poropita madu ke rikiekema quli kio? Aqai nianiia ta ṉota tuvevo ṉo ikani ṉa!” kiolake vo Paula.

Romu 1:2

Ko ikio koa Uri ama Bazu vo Baṉara o kasekema lulavo voko poropita madu kasi koko rikiziovima ko Tabu ama Riki kale.

Romu 3:2

Tuvevo kota matu uri ama quli tu Jiu elo! Ako se Jiu amu inio vo Baṉara o mati keruini o ṉaviko bazubazu sole.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Hiburu 11:16

Melai koa qulepo ama peuru seke zuatikema ta aukale ama peuru. Sokale inio vo Baṉara ta ota zoleiva tu seta ke kasevo vo ta vota sevo Baṉara, ako vota lula o inainaeke kama pado zae tu se kaqe sole.

Hiburu 11:35

Baṉara vai oqu kale kama rekoreko poso ta ke keve vo Baṉara ko mata saevimo seko mabamu se lula ke vovini. Ni mata kake maba poso ta ke tolai seko oqu kale koa matuma tola seko kana madu ke katimema seko mai tuzatuzao kale se ti kebeta vovi, seta keta lupaoke rupasio melai seko voukale seta keka zariake kovo qulepo ama tova saevo Baṉara kasi.

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.