Jone 5:25 - BAṈARA KO VAIRU AMA LEVELEVEO

²⁵ Tuvevo avole aṉata a bazuemela me, taku ta kobeta kueva ni kota lula kota baroa so keru se voumu keta la viqou keru aṉa Baṉara vo Meqora lala ko kora, ni seke viqo amu koa kora ta ke saevou.

Jone 5:25 교차 참조

Luke 15:24

Ako nea meqora aṉavo ta lula ota vovini jari nio, melai vota mata o saeva erisaṉa, vota lula ota mumaini melai vota mata o purata sole,’ kiolake. Nio ko ṉojola ta ko tanitake.

Luke 15:32

Uri kio animeta me ereka ko ṉojola ni me zoleiva, ako ṉovo visi vo lula ota vovini jari ala ta mata o saeva erisaṉa, vo lula ota mumaini melai vota mata o purata,’ kiolake.”

Luke 9:60

Ni Jisu ta o tiorizatake ni eri kiolake, “Vaema se pui kekai baroani ko auvana kale ama saevo tu ke mutamo seko vouma maba poso. Melai ṉota pa kai bazubazute vo Baṉara ko lekasa puo,” kiolake.

Jone 13:1

Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.

Jone 17:1

Ni Jisu mati pesio voko disaipeli madu ko tova inio vota o tadatake aukale vasi ni eri kiolake, “Mama, taku ta kota baroa, tu kasa pueka ṉovo Meqora lala ko ṉaṉaidara se maba poso kasi, tu aṉata a roveovou kasa pueko ṉoko ṉaṉaidara.

Jone 4:21

Nio Jisu ta o kati tiorikake ko, “Ṉoiza, ṉota tuvevo ila aṉa, ko taku ta kobeta kueva so keru se maba madu ta pui kepa ilusivou vo Mama komia sopu kale ni so jari Jerusalema.

Jone 4:23

Melai ko taku ta kobeta kueva, ni kota lula kota barola, se tuvetuve ama ilusato ko maba poso ta ke ilusivou vo Mama seko auvana kale ni tuveano kale. Se inio sea ilusato ko maba poso vo Mama oma zariani tu ke ilusivo vo.

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

Jone 5:28

Meta pui aqasiele kai elo komi, ako ko taku ta kobeta kueva so keru se voumu niami kale ke evani ta keta la viqou aṉako kora kio,

Jone 6:60

Ni kubo madu vo ke lulueveni ta ke viqake vo kiolani ni eri kikelake, “Koa nianiiekato ta matu tapata kama. Lala inio o roveovou didieko ko tu o lulueko ko?” kikelake.

Jone 8:43

Noi sole inio meta pui me baqumuka aṉa kialani? Tuvevo avole meta pui me baqumuka ko, ako meta meda lupaova didieko aṉako bazubazu sole.

Jone 8:47

Vo Baṉara vo maba ta o viqa vo Baṉara ko pesio. Meta pui Baṉara ko mela sole pui meba tava viqou voko pesio,” kiolake.

Jone 9:27

“Lula a bazuemelala, melai meta pui meda la viqa. Noi sole inio meta meqa zaria mata tova viqo? Esa me melai esa meqa zariovou voko disaipeli poso elo kio?” kiolake.

Romu 6:4

Ni animeko bapitaiso elo kale animeta meqai zomana voko mutailo, tu vo Karisito ko mata saevo voukale azo vo Mama ko ṉaṉaidara kama pizato kale, animeta mata so jaria saevo me elou vairu ama saevo kale.

Epesasi 2:1

Ni koko paloasako taku kale meko auvana ta vouma meko boutare ni pui zoripato kale.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

Kolosi 2:13

Lulavo meta pui saevo mela auvana kale, ako so keru meta sarueko poso samela sole, ni meta pui Baṉara ko toutou Izireli kale amu mela, Baṉara ko Bazu pidea mela koko katiziovima Mosese kale kude. Melai erisaṉa vo Baṉara ta o saevimela me Karisito sase, Baṉara ta lula ota mela akoeka kiadama animeko sarueko poso.

Kelokelozato 3:1

“Ṉota eria rikito eve sai Sadisi ama lotu qoqono ko mateana kasi: Eri nio koa bazu koko kuevako vokasi azo vo okai lekasa puani koa sikeura auvana vo Baṉara ko ni koa sikeura suti sala. Aṉata aqai nianiia ko me lula me erekako quli ni aṉata a melai nianiia ta meta saevo mela jaria mela lelo, melai meko tuveano ta meta vou mela inio!