24 “Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale.
Ni vo Jisu ta mata o kuevake ni oma puratake sea vaki, ni vota o velavelaoke ni eri kiolake, “Vo tuvevo o ilani aṉa ta o tuvevo pueva vo aṉa o soroeleni voko tuvevo puelo kale aṉa.
Melai aṉata a rikieka komia buka kale ama quli tu meta me duvevo puekou vo Jisu inio vo Baṉara o soroeveni Pakio kio, vo Baṉara vo Meqora, ni koa tuvevo puto kale meta me qovou ko tuvevo ama saevo voko ṉikale.
Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.
“Vo o tuvevo puelani aṉa Baṉara vo Meqora lala ta pui opa koqotaevou vo Baṉara. Melai vo pui o tuvevo putani ta lula titititiziala, ako vota pui o tuvevo puela aṉa Baṉara vo pado Meqora lala sole.
Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.
Voa maba vo o kajorikani ko epa ta lula o tabaria, ni koa epa vo o kajorikake ta maba poso inio, se kekai barolo amu ko noqola kama saevo. So sole vo papato ko maba ni vo kajoro ko maba ta omadeu zoleilo qo elou.
Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.
Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.
Aṉa inio voa bereti aṉa tuvevo avole a jaqoreni lala aukale azo, pui se meko taite poso kepa kiema bereti jaria lala. Ako seta ke kie ni pui noqola saevo kepa eve, melai vo o kuovo ala komia saevo ko bereti ta noqola saevo o elou,” kiolake.
Ako vo Baṉara ta pui opa pitoemele anime tu ko melai barolo voko korakorailo, melai vota o pitoemele tu animeta me qovo ko pakio vo Lekasa Jisu Karisito kale,
Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.
Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.
Ako animeta meqai nianiia ta animeta lula me baloasika ko vou, ni erisaṉa animeta lula meda baroa vairu ama saevo kale. Animeta meqai nianiia komi quli animeko roquemo kale animeko lotu tamania kale amu. Melai vo pui o roquanani ta obeta evani nio voukale.
Ako kiadamu se tuvevo ke ivo amu vo Jisu inio vo Baṉara o soroeveni Pakio kikevo amu, se inio vo Baṉara ko meqora poso. Ni vo o roquevani vo Mama, vo inio mata o roquemani vo Mama ko meqora poso.
