Jone 5:17 - BAṈARA KO VAIRU AMA LEVELEVEO

¹⁷ Nio Jisu ta o mati tiorikake se, “Aṉavo Mama ta pui o lalamatani iruruputo, ni aṉa melai soa iruruputo inio a eva,” kiolake.

Jone 5:17 교차 참조

Matiu 10:29

Omuqa pitikole ko tatabara ta matu zara. Melai mevo aukale ala Mama pui o zariekou, ta puliala kala pado pitikole inio opa vouvou.

Jone 10:36

So sole aṉa kale avo, vo Mama ta o pitoele aṉa ni o soroele aṉa peuru ma peuru kale. Sole noi nio meta eri kimela aṉata a ruqe kaseva vo Baṉara kimela, aṉako aṉata Baṉara vo Meqora lala kio kale?

Jone 14:10

Ṉota pui tuvevo ṉo ika kio, Pilipi, ko aṉata a Mama tona lala ni vo Mama ta aṉa tona, kio? Ako koa bazubazu ko aṉa lula a melai bazuekako ta pui a qaseka a ṉaviko pizato kale, melai vo Mama vo obeta evani aṉa tona, vo inio ovai bazutani ko ni o erekani o ṉaviko iruruputo aṉa kale kude.

Jone 5:16

Nio koa iruruputo ko kio kale seta ke taniekake vai kideipo vo Jisu, ako vota o erekake ko urikato Sabati ṉaniu kale sole.

Jone 5:18

Nio koa pesio kale avo se Jiu ama tanatanamu ta keva matu zariake vouvaevo vo Jisu, pui voko niumaeko kale ko Sabati ko bazu kale ko kiada, melai voko kaseko kale vo Baṉara ta o ṉavivo Mama, ni voko kaseko kale ko vo ni Baṉara ta ijatinia kio kale.

Jone 9:4

Sole animeta me ereko vo aṉa o soroeleni ko iruruputo ṉaniu palate, ako ipu ta kobeta kueva sole, puliala maba o rovea keru iruruputo.

Iruruputo 14:17

Melai kiada keru vota kasa o eve o ṉavi, voko katimo kale se uri ama quli. Ako vota o katimela anime ko nioro ni epa poso koko taku poso kale, ni o mela puarika ko sailao ni o matu zolemela anime,” kiqolake.

Iruruputo 17:28

omadeuvo kala mevo rikito maba kiovevo jari, ko eri, ‘Vokale inio animeta me jaeva ni me vatuta ni me eva.’ Omadeuvo kama pado meko kera kikolani jari, ‘Anime melai voko meqora poso mela.’

1 Koriniti 12:6

Ikoana azaazama koidi tu me ereko, melai voa omadeula Baṉara inio o bokerimelani animea kiada mela tu me ereko koa koidi.

Kolosi 1:16

Ako vokale kude inio Baṉara ta o ereke kiadama quli aukale ama ni miduku kale ama koko keazaivako vilu kale ni pui ko keazaivako quli, ko piza kama auvana poso, ko auvana lekasa poso, ni vailo ko auvana poso, ni kiadama auvana ko pizato poso. Baṉara ta o ereke kiadama quli vokale tu vo kaqe.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.