Jone 3:29 - BAṈARA KO VAIRU AMA LEVELEVEO

²⁹ Ako eri nio sole: vo lasive rusu vo o raekani ko sinaqu rusu inio koa reko vo tanala, ni voa vairua roroto ala maba vo baerebaere ta o lojoake ni o didievake vo tu ota va viqo voko kilo, ni vota ota zoleike so keru vo o viqa keru voa vairua roroto ala maba ko kora. So jari nio aṉa kasi ni ko ikio aṉa ko zolelako.

Jone 3:29 교차 참조

Matiu 22:2

“Vo Baṉara ko lekasa puo ta eri jari. Kala lekasa ta o inainaekake vovo meqora ko bau vuato.

Matiu 25:1

Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Iniseana toni sinaqu rusu seke borikeni seko juke tu kepa toraevo vo obe vairua rorotani maba.

Matiu 9:15

Nio vo Jisu ta o mati tiorikake se ni eri kiolake sekasi, “Vo o rorotani ko baerebaere poso ni o ṉavi vo o rorotani ta omadeukoi kebeta elou ta seta pui duki kepa elou. Melai ko barolou keru koa taku, so keru aṉa voa vairua rorotoa lala jaria lala ko vou ko taku keru inio seta pui ke vuatou.

Luke 15:6

ni o vati vaitou peuru kale. Ni vota o nokaemou voko baerebaere poso ni voko lolo poso ni vota eri kiovou sea kiadamu kasi, ‘Aṉata ada matu zoleiva, ako aṉata lula aba veala vo ota la mumaivani sipi sole. So sole lati zomanomo zoleilo!’

Jone 15:11

“Aṉata a melai bazueka komi quli tu aṉako zoleilo ta ko elo me tona, tu meko zoleilo ta ko okotou.

Jone 16:24

Kobeta baroa erisaṉa ta meta pui nio mevai paseka aṉavo Mama kama quli aṉako ṉikale. Meta pasekomo inio meta me qovou ni meko zoleilo ta ko melai avoziovou,” ma kiolake vo Jisu.

Jone 17:13

Ni erisaṉa aṉata matu sipole a vaitou ṉokasi, ni aṉata a qaseka komi quli poso so keru aṉa miduku kale abeta eva keru tu ni ta ke viqou aṉa kialani ni ke zoleilou seko bulo kale omadeuvo aṉa a zoleiva jari.

Jone 3:30

Vota raura o elou, melai aṉata zara a elou,” kiolake.

2 Koriniti 11:2

Aṉako melai konoilo me ta omadeuvo vo Baṉara o melai konoiva me jari; meta omadeuvo kama pado bulebule ama sinaqu rusu jaria mela ko aṉa lula a qati korotivani omadeu pado maba tu ko raevo, vo o ṉavi Karisito.

Pilipai 2:2

So sole meta matu zolelomo aṉa meko omadeu kerukeru, omadeu roquekinio, ni meko omadeu vatolo ni zuato kale.

1 Jone 1:4

Sokale avo inio eṉeta ṉe mela rikita me, tu eṉeta ṉe matu zoleilou.

2 Jone 1:12

Matu kubo quli kio aqai zaria melai bazueko, melai pui aqai zaria tu melai bazueko rikito kale. Melai kama taku inio aqa zaria tu a qilou a ṉavi ni aba soipimelou, so keru inio animeta me uria pesipesitou omadeukoi. So inio meta me uria zoleilou.

Kelokelozato 21:9

Ni kala pado sea sikeura mateana poso se sikeura teamuteamu sikeura tovatovama ave kokai sukatako samu kale ala mateana ta o kuevake aṉa kasi ni eri kiolake, “Kua tu aṉa kaseko ko sinaqu rusu, vo Sipi Meqora ko reko,” kiolake.