Jone 20:15 - BAṈARA KO VAIRU AMA LEVELEVEO

¹⁵ Ni Jisu ta o kuimaekake ko, “Ṉoiza, noi sole inio ṉoda zia? Lala inio ṉo vailiva?” kiolake. Ni koko kerukeru ta vota ore bariki kale o iruruputani maba inio kikolake, so sole kota eri kikolake vokasi, “Tanala, ṉo lula ṉoba vovou vo tea, lai bazueka koa zae sai ṉo ṉoba vaevalakoi vo, tu aṉata a ziovou ni aba vovou,” kikolake.

Jone 20:15 교차 참조

Matiu 12:34

Meta dole jaria ruqea mela, me ruqe ama maba poso mela ta pui me rovea kaseko ko uri ama quli. Ako ko quli vo maba ko bulo kale ko sukatako quli kio vota o rukueka voko suto kale sole.

Matiu 28:5

Ni vo mateana ta eri kiolake nioqa omuqa rekoreko kasi, “Qeta pui ṉalo. Ako aṉata a qelai nianiia qeta qe kueva velole vo Jisu vo ke patoeveni.

Maka 16:6

Melai voa vairu ala maba ta eri ma kiolake, “Meta pui vuzeilo ako aṉata aqai nianiia ta meta me vailiva vo Nazareti ala Jisu, vo ke patoevalani korosi topi. Melai vota puliala koi, ako vota lula ota saevala sole. Ni kemo, koi nio ke tekuevalakoi.

Luke 2:44

nioqako kerukeru kale ta vota esa kama poqala maba madu sate inio obeta talia kiqolake, so sole nioqata qo taliake pado ama ṉaniu, ni sai nio nioqata qo taniekake vailivo vo nioqako mabamu ni baerebaere poso seke mati taliani ko valuvalu.

Luke 24:5

Ni sea rekoreko ta keta matu ṉake ni keta loqunake miduku kale, ni omuqa kidi lasivea nioqa ta eri kiqolake sekasi, “Noi sole inio meta me vailiva seke vouvani kasi vo o saevani?

Jone 1:38

Ni Jisu ta o lilitake ni o keake nioqata qope luluevake, nio o kuimaekake, “Loma ikio qeqe vailika?” kiolake. Nio nioqata qo vati tiorikake, “Titisa, lai nio ṉoṉo evakoi?” kiqolake.

Jone 18:4

Ni Jisu ta lula o paqumukake kiadama quli koko ereilo ama vokasi, so sole vo o kea keru seko kilo vota omai olake ni eri kiolake sekasi, “Lala inio meme vailiva?” kiolake.

Jone 18:7

Ni Jisu ta mata o kuimaemake se, “Lala inio meme vailivani?” kiolake. “Vo Nazareti ala Jisu inio,” kikelake.

Jone 20:13

Ni nioqata eri kiqolake, “Ṉoiza, noi sole inio ṉoda zia?” kiqolake. Nio kota ko kati tiorikake nioqa, “Kake kepa voala ni ke vati olala aṉavo Lekasa inio ada zia, ako aṉata pui avai nianiia sai seke vaevalakoi vo sole!” kikolake.