Jone 19:30 - BAṈARA KO VAIRU AMA LEVELEVEO

³⁰ Ni Jisu ta o kuzuekake koa vaini ko ju ni sai nio vota eri kiolake, “Kota okota kiadama iruruputo!” kiolake. Ni vota o loqunikake voko lezu ni ko vaevake voko auvana.

Jone 19:30 교차 참조

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Matiu 27:50

Ni Jisu ta mata ota tova velavelaoke ti obeta vouvake inio.

Matiu 3:15

Melai vo Jisu ta o vati tiorikake vo ni eri kiolake vokasi, “Komia taku kale ta vaeka tu so ko kalo tu aniqeta qe korotiko vo Baṉara oka zariani tu qe ereko,” kiolake. So sole vo Jone ta o opatikake vo Jisu ko zario.

Maka 15:37

Ni matuma upaupato sate inio Jisu ta ota utupake.

Luke 22:37

Ako aṉata a melai bazueka ko Tabu ama Riki kale ko rikiziovima aṉa kale avo ko eri kikolako, ‘Vota o atailou se ruqe amu ko ataataiti kale,’ kikolako ta tuvevo avole ko ereilou, ako ko aṉa kolai rikiziovima quli ta tuvevo avole kobeta tanita ereilo sole,” kiolake.

Luke 23:46

Nio matuma kora kale inio vo Jisu ta eri kiolake, “Mama! Noko ṉase topi nio aṉata a vaeka aṉako auvana!” So kiolake ti obeta utupake inio.

Jone 10:11

“Aṉata uri ala sipi ko vailo ko maba lala. Vo uri ala vailo ko maba ta oka vouvou ko sipi poso.

Jone 10:18

Puliala ta o rovea tala kovo aṉako saevo aṉa kasi azo. Melai aṉata a buarika aṉako saevo aṉako tuvevo ama zario kale. Aṉa inio koko raki lala tu a vaeko, ni aṉa inio koko raki lala tu mata a dova kovo. Ko ikio aṉavo Mama o lati soruekema tu aṉata a ereko sole,” kiolake.

Jone 17:4

Aṉata lula kasa a ika ṉoko ṉaṉaidara miduku kale, ako aṉata lula a okotika koa iruruputo ko ṉoṉo qatilema tu a ereko sole.

Jone 19:28

Ni koko tova Jisu ta o paqumukake ta erisaṉa ta kota okota kiadama quli, sole eri kiolake, tu ko tuvevo pueko ko Tabu ama Riki kikovevo, “Kabare ada eva,” kiolake.

Jone 4:34

Nio Jisu ta eri kiolake sekasi, “Aṉako sailao ta zoriko vo aṉa o soroeleni ko vatolo, tu aṉata a okotiko ereko koa koidi vo o katilema aṉa.

Romu 10:4

Ako vo Karisito inio vo Mosese ko Bazu ko paitopaito o eveni, nio sea kiadamu seke tuvevo puevo amu vo ta sidopu keta elou vo Baṉara ko kelokelozato kale.

Romu 3:25

Vo Baṉara ta lula majibolo jaria puarivo o eve vo, tu voko voukale kiadama maba ko sarueko ta ko akoilou seko vai oqu kale vo. Koa kalo kale vo Baṉara ta kasa o ikake voko sidopu. Ako lulavo vota ota ma bouluke se lulamu ko sarueko; melai erisaṉa vota o puariva vo Jisu tu o puratiko voko sidopu. Koa kalo kale vo Baṉara ta kasa o ika voko sidopu ni vota o sidopu puema seke ṉeamuvani vo Jisu.

1 Koriniti 5:7

Meta saqorivomo voa sarueko sala maba meko lotu qoqono kale azo, inio voko boutare ta pui mekasi ko elou. So inio meta omadeuvo ko vairu ama palava volevole jari me elou ko isiti pide ama. Ako meta vairu ama saevo samela Karisito kale sole meta pui me male tu sarueko. Omadeuvo se Jiu amu ta kekai zoleiva seko Alokato ko ṉojola jari, animeta me male tu kai zoleilo. Ako animevo Alokato vo ṉojola ta lula o inainaiva, vo Karisito, vo inio animevo Alokato ko Sipi Meqora, ta lula siqasiqa o eveni sole.

Pilipai 2:8

Ni vota o zarazaraivake voko maba elo kale ni okai taliake zoripato ko keve ti kobe vati baroake voko vou, koa vou korosi topi ama.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 9:22

Koa Bazu kikolani ta sipole kiadama quli ta dara kale inio bulebule ko eva Baṉara ko tanama kale. Sokale inio seko reretiko ko dara kale ko kiada inio Baṉara ta o rovea akoeko ko sarueko poso.