Jone 19:28 - BAṈARA KO VAIRU AMA LEVELEVEO

²⁸ Ni koko tova Jisu ta o paqumukake ta erisaṉa ta kota okota kiadama quli, sole eri kiolake, tu ko tuvevo pueko ko Tabu ama Riki kikovevo, “Kabare ada eva,” kiolake.

Jone 19:28 교차 참조

Luke 12:50

Aṉata bapitaiso a elou edoloma pado bapitaiso kale, ni upotuqu aqai eva ko ti kobeta paitou!

Luke 18:31

Ni Jisu ta o edolimake sea toni omuqa disaipeli ni eri kiolake sekasi, “Viqomo! Animeta meda ola inio Jerusalema peuru kale sai kiadama quli poropita madu ke rikiekema quli aṉa maba a eveni lala kasi ko ereilo ama ka kikevema ta tuvevo avole kota ereilou.

Luke 22:37

Ako aṉata a melai bazueka ko Tabu ama Riki kale ko rikiziovima aṉa kale avo ko eri kikolako, ‘Vota o atailou se ruqe amu ko ataataiti kale,’ kikolako ta tuvevo avole ko ereilou, ako ko aṉa kolai rikiziovima quli ta tuvevo avole kobeta tanita ereilo sole,” kiolake.

Luke 9:31

Ni nioqata qo podakake vokasi matuma ṉaṉaidara sate, ni nioqata qo vati pesipesitake vo Jisu vo o iko avo korotiko vo Baṉara ko vatolo voko voukale sai Jerusalema.

Jone 13:1

Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.

Jone 17:4

Aṉata lula kasa a ika ṉoko ṉaṉaidara miduku kale, ako aṉata lula a okotika koa iruruputo ko ṉoṉo qatilema tu a ereko sole.

Jone 18:4

Ni Jisu ta lula o paqumukake kiadama quli koko ereilo ama vokasi, so sole vo o kea keru seko kilo vota omai olake ni eri kiolake sekasi, “Lala inio meme vailiva?” kiolake.

Jone 19:24

Nio se pazokinio ko maba poso ta eri kikelake ke ṉavio kude, “Animeta pui me riziko ko, melai meqai daisimatou tu me velou vo o kovo ala,” kikelake. So kokai kaevo ta, tu ko Tabu ama Riki ta tuvevo ko elo, ko eri kikolako, “Seta keta lai bobosake aṉako suma, ni kekai daisimate aṉako sabosabo.” Ko quli ko tuvevo iko kale inio pazokinio ko maba ta so ke kae.

Jone 19:30

Ni Jisu ta o kuzuekake koa vaini ko ju ni sai nio vota eri kiolake, “Kota okota kiadama iruruputo!” kiolake. Ni vota o loqunikake voko lezu ni ko vaevake voko auvana.

Jone 19:36

So kokai kaevo ta, tu ko Tabu ama Riki kikovevo lulavo ta tuvevo ko elo, “Puliama kama pado voko piza ta kopa lopailou,” kikovema riki.

Jone 4:34

Nio Jisu ta eri kiolake sekasi, “Aṉako sailao ta zoriko vo aṉa o soroeleni ko vatolo, tu aṉata a okotiko ereko koa koidi vo o katilema aṉa.

Iruruputo 13:29

Ni seko vai ereko koa kiadama quli Tabu ama Riki ko pidokivema vo ko tova, seta ke saqorivake vo korosi topi azo ni ke vaevake kama pado keaka niami kale.