Jone 19:20 - BAṈARA KO VAIRU AMA LEVELEVEO

²⁰ Vota o rikiekake koa pesio poso, Hiburu pesio kale, ko ikio se Jiu amu ko pesio, ni Lateni pesio kale, ko ikio se Romu amu ko pesio, ni Quriki pesio kale, ko ikio se Qurisi amu ko pesio. Ni matu kubo Jiu amu ta ke tiromikake ko, ako koa zae sai se Jisu ke patoevekoi korosi topi ta pui vaṉa Jerusalema peuru kale azo sole.

Jone 19:20 교차 참조

Luke 23:38

Ni voko lezu ko topi vasi o korosi topi ta ke patoekake riki sama papani eri kikolako pesio sama, “Nei nio se Jiu amu vo Aikovakova,” kikolako.

Jone 19:13

Ni so keru vo Paelati o viqa keru koa pesio poso inio vota o saqorivake vo Jisu kupele ni o ṉavi ta o papuake titizato ko papupapu topi, koa zae ko ṉi ta “Lado Sapera.” Hiburu pesio, se Jiu amu ko pesio kale, ta “Qabata” ka kikolako.

Jone 19:42

Ni kota lula kokai baroa Jiu amu ko Sabati ko inainao ko taku, sole seta ke vaevake vo Jisu sai koa keaka niami kale, ako kota sipole ama sole.

Jone 5:2

Nio Jerusalema peuru kale, Sipi ko veutu ko sipole ta kama pado toupa ju, maba o erekema, sike ono sama, Hiburu pesio kale, se Jiu amu ko pesio, Betizata ka kikelako.

Iruruputo 21:37

Ni so keru se solodia madu kebe vati zio kikelake keru vo Paula koa idi qara ko poro kale, vota eri kiolake voa tanala kasi, “Abe roveovou pesio ṉokasi kio?” Ni voa tanala ta o vati tiorikake ni eri kiolake, “Ṉota Quriki pesio laṉa inio kio?

Iruruputo 21:40

Nio se solodia madu vo tanala ta o zarievake vo tu o pesio, so sole Paula ta o lojoake bokeboke topi ni o moisemoise-make sea maba poso voko ṉase ma kapokapoeko kale tu ke moizailo. Ni so keru seke moizaiva keru, Paula ta o pesiake sekasi ke ṉaviko Hiburu pesio kale ni eri kiolake:

Iruruputo 22:2

Ni so keru seke viqa keru voko mati pesio se Hiburu pesio kale, seta omadeu ja keta evake ṉiṉoreo ni Paula ta obeta olake bazubazuto, ni eri kiolake,

Iruruputo 26:14

Ni eṉea kiada ṉela ta ṉe biake muli miduku kale, ni aṉata a viqake kama pado kora ko eri kikovema aṉa kasi Hiburu pesio kale, ‘Saula, Saula! Noi sole inio ṉota ṉo naquela aṉa? Ako ṉota ṉo dolaiva ṉo ṉavi pazoilo kale, omadeuvo ko bulumakau koko tupaekako jari vo bulumakau o kati vailani ko daṉa sole.’

Hiburu 13:12

Sokale avo inio Jisu ta soa vou o eve Jerusalema peuru ko kupekupe tu vota o ṉaviko tabu ama maba poso o imelo anime, voko dara kale.

Kelokelozato 16:16

Ni ko ziolo poso ta ko padoemake omadeukoi se lekasa poso Hiburu pesio kale Amaqedoni kekai nokaekako zaekale.

Kelokelozato 9:11

Seta ke aikovakova oma lekasa puani samu inio, vo inio vo mateana koa rosia saqoroma soqili o kati vailani. Voko ṉi Hiburu pesio kale ta Abadoni, Quriki pesio kale ama ṉi ta Apolione, ni koa ṉi ko kio ni kale ta “Vo o ruvuzatani” kio.