Jone 17:22 - BAṈARA KO VAIRU AMA LEVELEVEO

²² Aṉata lula a qatima koa omadeuma ṉaṉaidara ko ṉoṉo qatilema aṉa jari ama, tu seta omadeu ke elo omadeuvo ṉo ni aṉa ta omadeu jari.

Jone 17:22 교차 참조

Maka 6:7

Ni vota o nokaemake sea toni omuqa disaipeli madu omadeukoi, ni vota o soroemake se omuomuqa kidi. Ni puliako vo soroemo se vota o katimake ko pizato tu ke reriko ko ziolo poso,

Luke 22:30

Ni meta me vuatou ni me nozutou aṉako tevolo topi aṉako lekasa puo kale, ni meta me bapuvou lekasa ko papupapu topi ni mema lekasa puovou koa toni omuqa toutou Izireli,” kiolake.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:16

Voko qulepo ama roquano kale vota mauru mati o imelake animea kiada mela kubo keve kale.

Jone 14:20

Ni koa taku ko barolou keru inio meta melai nianiiovou ta aṉata a Mama tona a eva ni mata meta meqai nianiiovou ta meta aṉa tona omadeuvo aṉata me tona jari.

Jone 17:24

“Mama! Ṉota lula ṉo qatile se aṉako maba poso, tu seta ke varolo aṉa, ni aṉata ama zaria se tu sai aṉa a eloa koi inio ke elou, tu seta ke kelou aṉako ṉaṉaidara, koa ṉaṉaidara ṉoṉo qatilema aṉa, ako ṉota ṉo roquele aṉa puliako ṉo ereko ko peuru ma peuru sole.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 8:30

Ni anime lula o edolimelani ta o nokaemelake, ni anime lula o nokaemelani, ta o sidopu puemelake, ni vota o zomanimelake voko ṉaṉaidara kale.

2 Koriniti 3:18

Nio animea kiada mela ta me qasa puekani mela koa vo Lekasa ko ṉaṉaidara omadeuvo Mosese pui bouluboulu ama loilo sala keru jari, ni koa omadeuma ṉaṉaidara ta kobeta ola besiemelo anime. So inio animeta mebeta ola besizio ni koa ṉaṉaidara ta kobeta ola matu elo ni vo jari ko imela anime. Ako koa ṉaṉaidara ta koko kuevako vo Lekasa kasi azo, vo o soroevani vo Tabu ala Auvana sole.

2 Koriniti 5:20

So inio eṉeta vo Karisito o soroeṉeleni ṉela, eṉe ṉevai bazutani ṉela vo, omadeuvo eṉeko bauta kale inio obe pasepasemela vo Baṉara eṉe kale kude. So sole eṉeta ṉe mela titia me vo Karisito ko ṉikale, tu meta vo Baṉara ko baerebaere poso emo voko kanaekivo kale azo!

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

Epesasi 2:20

Ni me melai me orumuilou koa vola topi se apositolo ni poropita madu ke erekema. Ni o ṉavi Jisu Karisito inio koko viluabara koa oruorumu ko.

Pilipai 1:29

Ako vo Baṉara inio o bokerimelani me tu me duvevo puevo vo Karisito melai mata vo inio o zarie-melani me tu olaquavo me elo meko va nabuluputo vo Karisito kale avo.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

1 Jone 1:3

Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.

1 Jone 3:24

Ni voa maba vo o zorikani vo Baṉara ko bazu ta Baṉara sate o evani nio. Ni Baṉara ta o eva vo sate. Eri kale inio animeta meqai nianiia ta Baṉara ta o eva anime sate. Animeta meqai nianiia Baṉara melati elo anime voa Tabu ala Auvana kale vo o katimeleni anime.

1 Jone 4:17

Ni vo Baṉara ko roquano ta ko maba puratou animeko kalo kale ta, animeta pui meba ṉalou so keru Baṉara o titizimelou keru. Animeta maba pui meba ṉalou, ako komia peuru ma peuru kale ta animeko saevo ta Karisito ko saevo jari sole.

Kelokelozato 21:14

Voa matu peuru ko idi ta ko erei toni omuqa lado vola ko matu lado kale, vo Sipi Meqora ko toni omuqa apositolo madu ko ṉi kokai rikiziovima.