Jone 17:21 - BAṈARA KO VAIRU AMA LEVELEVEO

²¹ Mama! Aṉata a vararaita tu seta sea kiadamu ta omadeu ke elo. Aṉata a vararaita tu seta ke elo aniṉo tona, omadeuvo ṉoṉo eva jari aṉa tona, tu se peuru ma peuru kale ama maba poso ta ke kelou ni ke tuvevo puekou ko ṉo inio aṉa ṉo joroeleni ṉa kio.

Jone 17:21 교차 참조

Maka 3:24

Ni kama pado toutou kale ama maba poso ta omuqa pitasa ke elou ni ke pazopazokiniou ke ṉavio kude, ta koa toutou ta pui kopa pizatou.

Jone 10:16

Ni inisiana mata kake aṉako sipi poso se pui nio sipi ko qara kale ke evani. Se melai keta la viqou aṉako kora, ni aṉata a amaqimou se, tu sea kiadamu ta omadeu rovaṉa ke elou omadeu vailo ko maba ko vailo kale.

Jone 10:30

Ako vo Mama ni aṉa ta omadeu qela sole,” kiolake.

Jone 10:38

tu meko kelo kale koa iruruputo meta me uria paqumukou vo Mama ta aṉa tonala, ni aṉa melai vo Mama tona lala kio,” kiolake.

Jone 11:42

Aṉata lula aṉai nianiia ta ṉota ṉoda la viqa aṉa kiada keru, melai aṉata so kiala, tu nia maba poso koi ke evani ta ke tuvevo puekou ko ṉo inio ṉo joroeleni ṉa aṉa kio,” kiolake.

Jone 13:32

Ni vo Baṉara ko ṉaṉaidara ta ko puratou aṉa kale kude, so sole vo Baṉara ta mata o puratikou nio aṉa maba a eveni lala ko ṉaṉaidara o ṉavi kale kude, ni vota o puratikou ko taukavole.

Jone 13:35

Meta me roquekiniou muli inio, kiadama maba poso ta kekai nianiiovou kokale ta meta aṉako disaipeli mela inio kio.”

Jone 17:11

Erisaṉa aṉata matu sipole ada vaitou ṉokasi, sole aṉata pui tova elo aba elou komia ruqe ama peuru ma peuru kale, melai ni ta kebeta elou komia ruqe ama peuru ma peuru kale. Tabu ala Mama, ṉota pakiema se ṉoko ṉi ko pizato kale, koa ṉi ṉoṉo qatilema aṉa kale, tu seta omadeu bulo ni saevo ke elou, omadeuvo ṉo ni aṉa ta omadeu qe eva jari.

Jone 17:18

Aṉata lula a joroema se bazuemole komia peuru ma peuru ko maba poso, omadeuvo ṉoṉo ilenia soroelo jari komia peuru ma peuru kale.

Jone 17:20

“Pui ni ke kiada inio a mati vararaita ṉokasi, melai so jari seke tuvevo puelo amu aṉa niko bazu kale, ko ni kemai bazueko ama se.

Jone 17:25

Sidopu ala Mama, peuru ma peuru kale amu ta pui keṉai nianiia ṉo, melai aṉata aṉai nianiia ṉo, ni nia maba poso aṉako madu ta kelai nianiia ta ṉo inio ṉo joroeleni ṉa aṉa kio.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Jone 17:8

Ako aṉata a qatima ko bazu ko ṉoṉo qatilema aṉa, ni seta ke baroekike ko ni kekai nianiia ta tuvevo avole aṉata a quevini lala ṉokasi azo kio, ni seta ke tuvevo pueka ko ṉo inio ṉo joroeleni ṉa aṉa kio.

Jone 3:17

Vo Baṉara ta pui opa soroele aṉa vovo Meqora lala komia peuru ma peuru kale amu kasi tu a ditizimo se, melai vota o soroele aṉa tu seta ke pakiovou aṉa kale kude.

Jone 5:23

so sole kiadamu ta ke rauraelou aṉa vovo Meqora lala omadeuvo vo Mama ke rauraeva jari. Vo pui o rauraelani aṉa vovo Meqora lala ta pui o rauraevani aṉavo Mama, vo o soroeleni aṉa.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

Iruruputo 4:32

Nio sea kiadamu seke tuvevo puteni ta omadeu vatolo ni kerukeru ke evake seko bulo poso kale. Ni puliala se azo ta oka zariake kai kiadailo voko lomaloma melai seta kekai tauvekiniake kiadama seko quli.

Romu 12:5

So inio animeta kubo maba mela, melai animeta omadeu pado tupua mela vo Karisito kale ni animeta omadeu me eva azaazama kata poso mela omadeu pado tupu kale.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

1 Koriniti 12:12

Ko tupu ta omadeu pado tupu, ko kubo kata poso sama. Kota omadeu pado tupu tisoiko, kubo kata poso kobe elou melai. Ni anime Karisito ko tupu jaria mela koa azaazama iruruputo ko pizato samela ta omadeuvo voko tupu ko kata poso jari.

1 Koriniti 6:17

Melai vo omadeu o evani o ṉavi vo Lekasa Jisu sase ta omadeu auvana o eva vo sase.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

1 Jone 1:3

Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.

1 Jone 5:7

Ni zouke quli kio kasa ko ivako vo Jisu: