Jone 17:15 - BAṈARA KO VAIRU AMA LEVELEVEO

¹⁵ Aṉata pui a baseṉa ṉo tu ṉota ṉo movo ni seko peuru ma peuru ama elo kale azo, melai aṉata a baseṉa ṉo tu mati qaraqarate vo Ruqe ala, vo Setani kasi azo.

Jone 17:15 교차 참조

Matiu 5:37

‘Uri’ kimevou ti ‘Uri’ pala kiomo, ‘Pui’ kimevou ti ‘Pui’ pala kiomo, melai meta pui me qasekou mata kama quli, ako kama quli maulu meqai pikou, ta kota vo Setani kasi azo ko kuevako ikio sole.”

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Luke 11:4

ni taṉela akoeka eṉeko boutare poso, ako eṉeta ṉeda ma akoeka sea kiadamu seke saruekani eṉe kasi sole. Ni pui vaeṉelo eṉe zolizolito kale.”

Luke 22:32

Melai aṉata lula a ṉati vararaitala ṉo, Saimone, tu ṉoko oqu ta pui ko maba epezou. Ni so keru mata ṉo ṉola lilitou keru aṉa, ta ṉota ṉo pizatimou ṉoko visi poso,” kiolake.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

2 Tesalonaika 3:3

Melai animevo Lekasa Jisu ta me roveani vai keru sole vo inio o pizatimelou me ni o pakiemelou me vo Setani, voa Ruqe ala kasi azo.

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

1 Jone 5:18

Ni animeta meqai nianiia ta se lula Baṉara ko meqora poso ke evani ta pui kebeta olani ereko ko boutare. Ako vo Baṉara vo Meqora ta o mati vaila sole, ni vo Setani ta pui opa niumaemou se.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.