Jone 16:33 - BAṈARA KO VAIRU AMA LEVELEVEO

³³ Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Jone 16:33 교차 참조

Matiu 9:2

Sai nio kake maba madu ta ke vati olake kala maba vokasi, pui o roveani vezokato, ke borivani bourobouro kale. Nio so keru vo Jisu ota ma kea keru seko oqu vota eri kiolake voa vere ala maba kasi, “Zolei, meqora! Ṉoko sarueko poso ta kota ṉa akoiva,” kiolake.

Luke 19:38

“Baṉara ta mauru o ivou vo Lekasa vo o kuevani voko ṉikale! Bule ta ko elou aukale ala Baṉara ni maba ko tiania! Ilusivomo vo Baṉara!”

Luke 2:14

“Naṉaidara vo Baṉara kasi ko matu okate ama aukale, ni bule maba poso kasi vo omai zoleivani miduku kale!” kikelake.

Jone 12:31

Erisaṉa ta komia peuru ma peuru ko titizato ko taku ni erisaṉa komia peuru ma peuru ko lekasa Setani ta o ṉamuilou.

Jone 14:1

Ni vo Jisu ta mata o bazuemake sea disaipeli madu, ni eri kiolake, “Meta pui duki ni tiṉoliṉoli kai elo ko quli aṉa lula a melati bazuekako quli. Meta vai kerumo vo Baṉara ni so jari meta lai kerumo aṉa.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Jone 16:11

Ni seta ke saruiva kerukerueko ko seta pui kepa kovou ko titizato kio, ako komia ruqe ama peuru ma peuru kale amu vo lekasa, vo Setani, ta lula ota titizia sole.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 23:11

Ni koa ipu kale inio vo Lekasa Jisu ta o lojoake Paula ko sipole ni eri va kiolake, “Pui ṉalo! Ṉota lula ṉolai bazubazuta aṉa koi Jerusalema peuru kale, ni ṉota mata soa bazubazuto ṉolai elou Romu peuru kale,” kiolake.

Iruruputo 27:22

Melai aṉata a basemela me, tu meta pui me ṉalou! Ako mea kiada mela ta meda pakiovou sole, melai vaka o kiada pala inio ota niumailou.

Iruruputo 27:25

So sole pui ṉalo, meva! Ako aṉata avai kerua vo Baṉara ta ko quli vo aṉa olai bazuekako quli ta ko ereilou.

Iruruputo 9:31

Ni kiadama Jiudia, ni Qalili, ni Sameria peuru poso kale ko evako lotu qoqono ta bule ke evake koa taku keru azo. Vo Tabu ala Auvana ko tauvezato kale seta ke pizatake ni kubo ke evake, ni seta ke evake vo Lekasa tava paṉao kale.

2 Koriniti 1:3

Animeta me qativo ko uriavo vo animevo Lekasa Jisu Karisito vo Baṉara ni Mama kasi, vo baiseo sala Mama, vo kiadama patukato sala!

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

2 Koriniti 2:14

Kala solodia madu vo kuleto ala ta o rajaema piripiri ama kana poso peuru kale tu kasa oma iko se maba poso voko koqo imo voko kana madu. So jari nio vo Baṉara ta kasa o ika voko koqo imo voko kana madu eṉeko omadeu vati elo kale vo Karisito. Ni se siama madu ta ke lulueva sea solodia madu vo kuleto ala siqaekole ko bube tu ke puratiko seko kai zoleilo voko koqotaemo. So jari nio eṉeta ṉe olani ṉela kiadakoi kai bazutole vo Karisito ko Uri ama Bazu tu ṉe buratiko eṉe kai zoleilo vo Karisito ko koqotaemo voko kana madu. Aṉata a ilusiva vo Baṉara,

2 Koriniti 4:7

Ni eṉe lula ṉe qoani ṉela komia Baṉara kasi azo ama bazubazuto ko iruruputo ta omadeuvo ko kiada keru ama miduku raro koko teamukako ko qulepo ama jiku jaria ṉela, tu kasa koma elo se maba poso ko Uri ama Bazu ko pizato ta Baṉara kasi azo ama ni pui eṉeko pizato.

2 Koriniti 6:4

Kiadama quli kale eṉeta lula ṉe qasa pueka eṉeko va nabuluputo vo Baṉara ko eṉeko kai pataito kale ko tapata poso, ni eṉeko tolailo kale, ni eṉeko olaquavo kale.

2 Koriniti 7:4

Aṉata tuvevo a imela me, ni a rauraivani lala mekale avo. Kiadama eṉeko tapata poso kale aṉata zuvazuvaria lala; ni aṉata a dalia zoleilo sase.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Qelesia 6:14

Melai aṉata pui aba kai raurailou soama quli, melai aṉata aqai raurailou animevo Lekasa Jisu Karisito ko vou korosi topi ko kiada. Ako vo Jisu ko voukale korosi topi inio komia peuru ma peuru ko utu ama kerukeru ko keve ta kota mela patoi jari anime ni animeta meda ka vovi jari komia peuru ma peuru ko kerukeru.

Pilipai 4:7

So inio vo Baṉara ko aqasiele ama bule ko anime pui me uria paqumukako ta ko zolekou meko bulo ni kerukeru meko omadeu vati elo kale vo Jisu Karisito.

Kolosi 1:20

Vo Meqora kale kude inio Baṉara ta o pitoeke tu kiadama maba poso ni kiadama quli vo o erekema ta odouvato saṉa ke elo vokasi. Baṉara ta o ereke ko bule vovo Meqora ko voukale korosi topi, tu kiadama miduku kale ama ni aukale ama quli ta odouvato saṉa ko elo vokasi.

1 Tesalonaika 3:4

Ako so keru eṉe ṉebeta eva keru mekasi, eṉeta ṉe bazuemele me, puliako ko ereilo, ko animeta meda ziovou nio niumaniumato kale kio; ni meta me uria paqumuka ta kota tuvevo avole kota ereivake.

1 Tesalonaika 3:7

So sole kiadama eṉeko tapata ni olaquavo kale, mea visi poso ni kaka poso mela ta me batukiṉela eṉe meko oqu ko bazu kale;

2 Tesalonaika 3:16

Nio animevo Lekasa Jisu o ṉavi, vo bule ko raki, ta o katimelou me ko bule kiadama keve kale kiada keru. Ni aṉata a melati vararaita me tu vo Lekasa Jisu ta o elou mea kiada mela sase.

2 Timoti 3:12

Ako kiadamu seke madoekani tu ke uria luluevo vo Jisu Karisito seko sidopu ama kalo kale ta ke toraekou ko naqunaquto,

Hiburu 11:25

Vota o pitoekake tu vota o zomanou tolailo vo Baṉara ko mabamu sate, ko kobe kai qulepako o koako zoleilo puju ama taku kale ruqe ereko kale.

Hiburu 7:2

nio Ebarahami ta o kativake vo koko toni ama koa lomaloma poso ko, vo sai opa koema. (Kuleto ama Melekizedeki ko ṉi ko kio ni kalo ta “Sidopu ko Lekasa,” ni seta mata kevai nokaeke “Bule ko Lekasa,” ako vota lekasa o eve Selema peuru kale sole, ko Hiburu pesio kale “Bule” kekai nokaekema.)

1 Pita 5:9

Meta vinaimo meko oqu kale ni vati pazokiniomo vo Setani, ako meta meqai nianiia ta meko lotu tamania komia peuru ma peuru kale amu ta ke koa koa omadeuma tolailo meme qoako jari ama sole.

1 Jone 2:13

Ni aṉata a mela rikita me mama ni niania kamela, ako me inio mevai nianiiani mela sole vo o eveni koko tanitanila kale sole. Ni aṉata a mela rikita me vairu ama maba poso mela, ako me inio koqo me iveni mela sole vo Setani.

1 Jone 4:4

A meqora poso, meta vo Baṉara ko mela so sole meta lula koqo me ime se lipalipa kama poropita madu, ako vo Baṉara vo Auvana me tonala ta piza kala sole obe vai paloasani vo Setani, vo komia peuru ma peuru ko ruqe ama maba poso tonala.

1 Jone 5:4

Ako animea kiada mela vo Baṉara ko meqora poso mela ta pizato samela sole tu me qoqotaeko komia peuru ma peuru ko ruqe. Ni animeko tuvevo puevo kale vo Jisu inio animeta koqo me ikou ko peuru ma peuru.

Kelokelozato 12:11

Seta lula ke koqotaevo vo, vo Sipi Meqora ko vou ko dara kale ni se kekai bazutema tuveano kale, ni seta pui kepa katiziovi tu ke vou.

Kelokelozato 3:21

Nio seke koqotaeko amu ko ruqe ta a zariemou tu seta ke papuvou lekasa puilo aṉa sase aṉako papupapu topi, omadeuvo aṉa lula a qoqotate jari ni abeta papua lekasa puilo a Mama ko papupapu topi.

Kelokelozato 7:14

“Tanala, aṉata pui amai nianiia,” va kialake. Nio vota eri kiolake aṉa kasi, “Ni nio sea maba madu se lula ke pakiziani koa matu tapata kama niumaniumato ko poro kale azo. Seta lula vairu ke ika seko rosia sabosabo poso ni seta lula tapo ke ika vo Sipi Meqora ko vou ko dara kale.