Jone 16:32 - BAṈARA KO VAIRU AMA LEVELEVEO

³² Melai a bazuemela me ko eri: taku ta kobeta kueva, ni kota matu sipole erisaṉa, so keru mea kiada mela aza birebire me elou keru ni me joqoilou keru me ṉaviṉavi ko peuru kale, ni aṉata ojolou ada elou a qiada pado. Melai pui maba ojolou aba elou, ako a Mama ta o eva aṉa sase sole.

Jone 16:32 교차 참조

Matiu 26:31

Nio Jisu ta mata eri kiolake sea disaipeli madu kasi, “Oduadu ipu kale mea kiada mela ta meda soqoilou ni ukaka me ilou aṉa, ako ko Tabu ama Riki kikovevo ta eri nio sole, ‘Vo Baṉara ta o vouvaevou vo sipi o kati vailani ni se sipi poso ta keta birebireilou.’

Matiu 26:56

Melai komi quli koko ereivako ta se poropita madu ko riki kikovevo ko tuvevo puilo sole,” kio ke viqake, nio sea kiadama disaipeli madu ta keta va soqoike.

Maka 14:27

Ni se kebeta ola keru Olive Ore sama Sopu kale nio Jisu ta eri kiolake sea disaipeli madu kasi, “Mea kiada mela ta meda soqoilou ni me vaelou aṉa, ako ko Tabu ama Riki kikovevo ta eri nio sole, ‘Vo Baṉara ta o vouvaevou vo sipi o kati vailani ni se sipi poso ta keta birebireilou.’

Maka 14:50

Ni sai nio sea kiadama disaipeli madu ta keta va soqoike.

Jone 12:23

Nio Jisu ta o tiorizatake ni eri kiolake, “Erisaṉa ta kota baroa ko taku aṉa maba a eveni lala ko tu aṉata a qovo ko raura kama ṉaṉaidara.

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Jone 16:25

Nio Jisu ta obeta olake mati pesio voko disaipeli poso, ni eri kiolake, “Aṉata a besia podepodeti pesio kale tu a melai bazueko me komi quli poso. Melai ko taku ta kota kilou so keru aṉa pui aba pesiovou keru podepodeti pesio poso kale melai tutumazi avole aṉata a melai bazuevou aṉavo Mama.

Jone 16:31

Ni Jisu ta o mati tiorikake se, ni eri kiolake, “Koe, erisaṉa meta me duvevo pueka kio?

Jone 19:27

Ni koko tova vota eri kiolake voa disaipeli kasi, “Kea ṉoko niania,” kiolake. Ni so keru inio voa disaipeli ta o odiekake ko voko pade kasi ni kota ko evake sai vokasi.

Jone 20:10

Sai nio nioqa omuqa disaipeli ta qota vaitake mata pade kasi.

Jone 4:21

Nio Jisu ta o kati tiorikake ko, “Ṉoiza, ṉota tuvevo ila aṉa, ko taku ta kobeta kueva so keru se maba madu ta pui kepa ilusivou vo Mama komia sopu kale ni so jari Jerusalema.

Jone 4:23

Melai ko taku ta kobeta kueva, ni kota lula kota barola, se tuvetuve ama ilusato ko maba poso ta ke ilusivou vo Mama seko auvana kale ni tuveano kale. Se inio sea ilusato ko maba poso vo Mama oma zariani tu ke ilusivo vo.

Jone 5:25

Tuvevo avole aṉata a bazuemela me, taku ta kobeta kueva ni kota lula kota baroa so keru se voumu keta la viqou keru aṉa Baṉara vo Meqora lala ko kora, ni seke viqo amu koa kora ta ke saevou.

Jone 5:28

Meta pui aqasiele kai elo komi, ako ko taku ta kobeta kueva so keru se voumu niami kale ke evani ta keta la viqou aṉako kora kio,

Jone 8:16

Melai aṉata a ditizata tea, aṉako titizato ta tuvevo ama ikio, ako kokale ta aṉata pui a qiada kalala; ako aṉavo Mama vo o soroeleni aṉa ta aṉa sase tu vota o tauvelo sole.

Jone 8:29

Ni vo o soroeleni aṉa ta pui o vaela aṉa a qiada, melai vota aṉa sase, ako aṉata a ereka vo ko zolevako quli kiada keru sole,” kiolake.

Iruruputo 21:6

Ni eṉeta ṉe uluekiniake muli, ni eṉeta ṉe zazuake vaka topi ni seta ke vaitake ke peuru kale.

Iruruputo 8:1

Ni voa Saula ta oka zoleike Sitiveni ko vouvaevo. Ni koa ṉaniu kale inio Jerusalema ama lotu qoqono ta ko tanitake tapata elo ruqe ama naqunaquto kale. Ni kiadamu seke tuvevo putani ta azama buara keta evake koa pado ama Jiudia ni Sameria ma peuru poso kale, melai se apositolo madu ke kiada ta Jerusalema kebeta evake.