Jone 16:25 - BAṈARA KO VAIRU AMA LEVELEVEO

²⁵ Nio Jisu ta obeta olake mati pesio voko disaipeli poso, ni eri kiolake, “Aṉata a besia podepodeti pesio kale tu a melai bazueko me komi quli poso. Melai ko taku ta kota kilou so keru aṉa pui aba pesiovou keru podepodeti pesio poso kale melai tutumazi avole aṉata a melai bazuevou aṉavo Mama.

Jone 16:25 교차 참조

Maka 4:13

Ni vo Jisu ta o kuimaemake se, ni eri kiolake, “Noi nio, meta pui me baqumuka komia podepodeti kio? Sole noni kale avo inio meta mata meqai nianiiovou mata kama edoloma podepodeti?

Maka 4:34

Ni kiadama quli ti o mati nianiiekikake podepodeti kale. Ni voko bazubazu ta podepodeti kale ko kiada. Melai so keru vo ni voko disaipeli madu ke kiadakoi ke eva keru inio vota o mati uria rupasika kiadama quli.

Maka 8:32

Ni ko quli vo Jisu o mati nianiiekikake ta matu zakaremu o ika sekasi. Nio vo Pita ta o vati edoliake vo Jisu ni o riqaevake vo.

Jone 10:24

Ni sai nio se Jiu amu ta kevai uburake ni ke qoloevake vo ni eri kikelake, “Noi tinia niuniala inio ṉo iṉela eṉe? Uria ṉelai bazueka, ṉota vo Baṉara o soroevani Pakio ṉa inio kio?” kikelake.

Jone 10:6

Jisu ta omai bazuekake koa podepodeti, melai seta pui ke paqumukake vo o kasekema quli sekasi.

Jone 16:12

“Matu kubo quli ta ikoana tu aṉata a melai bazueko me, melai meta pui nio me rovea viqo ni ṉeamuko ko, ako kota matu tapata mekasi sole.

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Jone 16:32

Melai a bazuemela me ko eri: taku ta kobeta kueva, ni kota matu sipole erisaṉa, so keru mea kiada mela aza birebire me elou keru ni me joqoilou keru me ṉaviṉavi ko peuru kale, ni aṉata ojolou ada elou a qiada pado. Melai pui maba ojolou aba elou, ako a Mama ta o eva aṉa sase sole.

2 Koriniti 4:2

So inio eṉeta pui ṉeqai bazubazutani ṉela kakoi kazo ko kuevako keve poso, eṉeta pui ṉe ubeubemani ṉela se maba poso tu ke tuvevo puto eṉeko roverove ama pesio kale ni eṉeta pui edolovo ṉe ikani ṉela vo Baṉara ko bazu. Eṉeko zakaremua kai bazuto kale ko tuveano vo Baṉara ko tanama kale eṉeta ṉe duvevo puiva kiadama maba madu ko bulo kale ama kerukeru kale.