Jone 16:22 - BAṈARA KO VAIRU AMA LEVELEVEO

²² So jari inio ko me, meta mainio upotuqu meda elou, melai aṉata tova a qilou ni aba mela lelou mata, ni meko bulo poso ta kokai sukatou ko zoleilo, koa zoleilo puliala opa tamela kovo ama me.

Jone 16:22 교차 참조

Matiu 28:8

So sole nioqata taukavole qo vaekake koa kea ṉalole melai mata qota zoleike, tu qopa bazuemo sea disaipeli madu.

Luke 10:42

melai omadeu quli ta kobe qulepa. Mere ta lula ko pitoekala koa uri ama quli, ni pui kopa taka rapeziovou kokasi azo kiala,” kiolake.

Luke 16:25

“Melai Ebarahami ta o vati tiorikake ni eri kiolake, ‘Kerukeruto, mabuzu, so keru ṉoṉo jaeve keru ta ṉo qoe kubo ṉoko lomaloma uri ama, so keru Lazarasi o ṉeamuke keru ruqe ama lomaloma poso. Melai erisaṉa vota o patuka ni o zoleiva koi, ni ṉota ṉo eva tola kale.

Luke 19:26

Ni vota eri kiolake, ‘Aṉata a bazuemela me, vo uria kai iruruputo o evani vo o koako ta vovo lekasa ta mata o kativou vo mata kama, tu kota kubo kova elo. Melai vovo lekasa ta ota va kovou vo pui okai uria iruruputani voko puaro koa silo pala melai.

Luke 24:41

Melai seta pui ke roveake tuvevo puto, seko mai sukato kale ko zoleilo ni vuzeilo, so sole vota o kuimaemake se, “Meta kama sailao samela koi, kio?”

Jone 14:1

Ni vo Jisu ta mata o bazuemake sea disaipeli madu, ni eri kiolake, “Meta pui duki ni tiṉoliṉoli kai elo ko quli aṉa lula a melati bazuekako quli. Meta vai kerumo vo Baṉara ni so jari meta lai kerumo aṉa.

Jone 14:19

Kama puju ama taku ta ikoana ti se maba poso komia peuru ma peuru kale amu ta pui mata kepa lelou aṉa. Melai meta mata me lelou aṉa, ni aṉako mata saevo voukale azo ama kale ta me melai me jaevou.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Jone 16:16

Ni Jisu ta mata eri kiolake sekasi, “Puliako tu keu meta pui meba lelou aṉa ni mata puliako tu keu meta mata me lelou aṉa,” kiolake.

Jone 16:20

Tuvevo avole aṉata a bazuemela me, puliako tu keu meta me zialou ni kumasa me elou, melai komia ruqe ama peuru ma peuru kale ama maba poso ta pui kepa zialou, seta keta zoleilou. Zio, meta upotuqu me elou, melai tova ta meko upotuqu ta zoleilo ko besiekou.

Jone 16:6

Ni so inio aṉako melai bazueko komi quli ta duki kota mela ika meko bulo poso.

Jone 21:7

Nio voa disaipeli Jisu o matu roqueveni ta eri kiolake Pita kasi, “Lekasa inio vo!” kiolake. Nio so keru Pita o viqa keru koa pesio, vo inio vo Lekasa kio sama, vota taukavole okai luitiziake voko topia sabosabo (vota lula o ivikake sole) ni ota jouparake toupa kale tu o baro taukavole Jisu kasi.

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Iruruputo 13:52

Ni se Anitioko ama maba poso seke tuvevo putani ta keta matu zoleivake ni omai sukatake vo Tabu ala Auvana.

Iruruputo 16:25

Nio ipu tiania vasi inio Paula ni Sailasi ta qo vararaitake ni qokai keraoke kama lotu kera Baṉara kasi, ni koa pirito pade kale amu ta keta ka didiekake ko.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

Hiburu 10:34

Meko tauvemo kale se, meta me lainike se piripiri amu ko tola ni so keru kiadama meko lomaloma keta mela rapeke melai meta me zolei, ako meta meqai nianiiake ta lula me qoa ko qulepo ama quli ko noqola ko elo ama aukale sole.

Hiburu 6:18

So sole omuqa quli ta ikoana, voko leveleveo ni voko kejo sama pesio topi ama, ko pui kopa roveovo ama besizio, vo Baṉara pui opa kai roveovo ama lipalipato. So sole anime lula me qoani mela ko pakiezato vokasi ta me rovea matu zuvario tu pizaka noqoeko me elo koa keru ko meqai tarekake ko quli Baṉara o ereko ama quli tu anime kaqe.

1 Pita 1:8

Meta pui me veani nio vo, melai mebe roqueva. Ni meta pui me roveani mela inio velo erisaṉa, melai tuvevo mebe iva. So sole meta ko melai sukata ko ṉaṉaidara kama zoleilo puliala maba opa roveovo ama kaseko.