Jone 16:13 - BAṈARA KO VAIRU AMA LEVELEVEO

¹³ Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

Jone 16:13 교차 참조

Jone 12:49

Ako tuvevo avole aṉata pui a bazubazuta a ṉaviko pizato kale, melai aṉavo Mama vo o soroeleni aṉa ta o bazuele tu aṉata a besio ni a qaseko ko.

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 15:26

“Melai so keru voa Tauvezato o kilou keru, vo aṉa a joroevo ala mekasi vo Mama kasi azo, inio vota olai bazubazutou aṉa. Vo inio voa Tabu ala Auvana vo kasa o iko ala vo Baṉara ko tuveano.

Jone 16:12

“Matu kubo quli ta ikoana tu aṉata a melai bazueko me, melai meta pui nio me rovea viqo ni ṉeamuko ko, ako kota matu tapata mekasi sole.

Jone 3:32

Vota okai bazubazute vo Baṉara ko aqasiele ama quli vo o kevema ni o viqema, melai puliala maba ta ota va tuvevo puekake voko bazubazu.

Jone 8:38

Aṉata a qaseka ko quli a Mama ola kasekema quli, melai meta mebeta erekala vo mevo mama melati kiovevo,” kiolake.

Iruruputo 11:28

Ni kala pado se azo Aqabasi va kikelani ta o lojoake ni vo Tabu ala Auvana ko pizato kale vota o pidokikake ko matuma nioṉe koko ereilo ama koa pado ama Romu ko kati vailako peuru ma peuru kale. (Kota tova inio ko baroi vo Kalaudiasi Romu ala Aikovakova ko taku keru.)

Iruruputo 20:23

Aṉa aqai nianiiako ta kiadama peuru kale ta olai bazueka vo Tabu ala Auvana ko piri ni tapata ta kobe tarela aṉa.

Iruruputo 27:24

Ni eri pa lati kiolala, ‘Ṉota pui ṉalo Paula! Ako ṉota ṉoda ziovou ni ṉoda lojolou sole vo Matu Aikovakova ko tanama kale Romu, ako Baṉara ta so kiove sole. Ni vo Baṉara voko uri kale vota o pakieṉou ṉo ni seke zazuani vaka topi ṉo sate.’

2 Tesalonaika 2:12

So inio se pui ke tuvevo puekani Baṉara ko tuveano ni lula kekai zoleivani seko boutare ta ke titiziovou muli.

2 Tesalonaika 2:3

Meta pui zarievo kala tu vota o lipaemelo kama keve kale, ako koa Naṉiu ta pui erile kopa barolou sole, melai kota ko kilou kuleto kubo madu ke matu bikoirivou keru vo Baṉara ni o puratou keru vo matu ruqe ala maba, vo noqola tolailo o elo ala heli kale.

Hiburu 1:1

Lulavo, vo Baṉara ta o pesiovi kubo taku animeko taite poso kasi ni kubo keve kale se poropita madu kale kude,

1 Jone 2:20

Melai meta Tabu ala Auvana samela vo Jisu o katimeleni. Sole mea kiada mela ta meqai nianiia ko tuveano.

1 Jone 2:27

Ako vo Karisito ta o katimele me voa puaro sole, vo Tabu ala Auvana, ni voa puaro ta inevoana mekasi. Sole meta mata pui meba va zariovou kala edolola nianiiekato ko maba. Ako voa puaro o katimeleni ta obe nianiiekimela me sole. Ni voa puaro ta tuvetuve ala sole, melai pui lipalipa kala. So sole meta vinaimo Karisito kale, ako vovo puaro ta obe melati nianiiekata me tu meta me vinailou Karisito kale.

1 Jone 4:6

Melai animeta vo Baṉara ko mela, ni se kevai nianiiani vo Baṉara ta ke didiemelou anime, melai se pui kevai nianiiani vo Baṉara ta pui kepa didiemelou anime. Ni Sokale inio animeta memai nianiiovou seke kasekani Tabu ala Auvana ko tuveano ni seke kasekani lipalipato ko auvana kasi azo ama bazu.

1 Jone 5:6

Ni vo Jisu Karisito inio o kuevini ni kasa o mela eveni anime voko bapitaiso ko jukale ni mata voko vou ko dara kale. Vota pui kasa opa eve ju ko kiada kale, melai vota kasa o eve koa omuqa quli kale ju ni dara kale. Ni vo Tabu ala Auvana inio o bazuemela ta komi quli ta tuvevo ama, ako vo inio vo tuveano sole.

Kelokelozato 1:1

Komia riki ta ko kaseka kiadama quli vo Jisu Karisito o puratikema quli ko kalo, ko quli vo Baṉara ova kasekema tu vota kasa oma iko voko nabulu poso ko taukavole ko ereilo ama quli. Vo Jisu Karisito ta kasa olai ikake kiadama quli aṉa vovo nabulu Jone lala voko lai soroevo kale kala vovo mateana,

Kelokelozato 1:19

“So sole ṉota rikieka ko ṉoṉo qeako quli, koko ereivako quli erisaṉa ni koko ereilo ama quli tova.