Jone 15:24 - BAṈARA KO VAIRU AMA LEVELEVEO

²⁴ Aṉata pui aba ereke koa iruruputo sekasi ko puliala maba opa roveovima ereko tea, puliama ikio seko sarueko. Melai seta lula ke kea aṉa a erekako quli melai inio seta ke qelai kideipa aṉa ni a Mama.

Jone 15:24 교차 참조

Matiu 11:5

se leqa kamu ta keta keazata, ni se raiqo amu ta keta talia, ni se pokupoku amu ta keta urika, ni se qiqili amu ta keta viqaviqazata, ni se voumu ta mata ke tova saeva, ni ko Uri ama Bazu ta ko kaseiva se olaquamu kasi. Ako aṉa inio a erekani lala ko quli.

Matiu 21:32

Kota so ko kava ako meta pui tuvevo meba ive sole vo Jone Bapitaiso, vo o kuevini mela kasekole ko sidopu tu meta me erekou. Melai se takisi ke koani ni seke sasave putani inio ke tuvevo pueve, melai meta mebe keve seko kalo, melai meta pui meba besieke meko kerukeru tu me duvevo puevo vo sole,” kiolake vo Jisu.

Matiu 9:33

Melai vo Jisu ta ota va rerikake koa ziolo ni voa maba ta ota pesipesitake, ni sea kiadamu ta keta vuzeike, ni eri kikelake, “Animeta puliaka taku inio meba keve eri ama quli komia kiadama Izireli zaekale!” kikelake.

Maka 2:12

Nio so keru se kebe vea keru, inio voa maba ta ota lojoake, ni o lokiekake o kobo, ni ota olake. Nio sea kiadamu ta aqasiele keta evake ni ke ilusivake vo Baṉara, ni eri kikelake, “Lulavo azo ti pui me qeani eri jari ama quli,” kikelake.

Luke 24:19

Nio Jisu ta o kati tiorikake nioqa ni eri kiolake, “Loma quli kio ko ereilama?” kiolake. Nio nioqata qo vati tiorikake vo ni eri kiqolake, “Vo Nazareti ala Jisu kasi ko ereilama quli. Voa maba ta kala poropita ni voko piza kama rukuruku kale ni voko aqasiele ama iruruputo kale ta kasa ko eve ta vota Baṉara o roveani kerukeruevo ni kiadama maba poso melai kevai zoleivani.

Jone 10:32

Nio Jisu ta eri kiolake sekasi, “Meta lula me qea kubo uri ama iruruputo aṉavo Mama o katilema aṉa tu a ereko, melai lama pado ko azo ta matu ruqe ama inio meta melai taikou aṉa kimela?” kiolake.

Jone 10:37

Aṉata pui a ereka tea ko quli aṉavo Mama oka zariako tu aṉata a ereko, ta uri tu pui tuvevo puelo. Melai aṉata abe ereka ko, sole meta tuvevo puekomo koa uri ama iruruputo poso ko kasekako kale, pui mebe tuvevo puelou aṉa melai,

Jone 12:10

So sole se raura kama siama madu ta ke erekake kama nakanakati tu Lazarasi melai ke vouvaevo,

Jone 12:45

Ni vo o leani aṉa ta o vea vo aṉa o soroeleni.

Jone 14:9

Nio Jisu ta o vati tiorikake vo, “Lula rosi ama taku a eva mea kiada mela kasi, melai ṉota pui nio ṉolai nianiia, kio, Pilipi? Ako vo lula o leani aṉa ta lula o veani vo Mama. Noi sole inio ṉota ‘Ṉela kaseva vo Mama’ kiṉola?

Jone 15:21

Seta ke melai erekou me koa kalo aṉa kale avo sole, ako seta pui kevai nianiia vo aṉa o soroeleni sole.

Jone 15:22

Ni aṉata pui aba kuevi bazubazuemole se tea, seta puliama sarueko samu inio. Melai erisaṉa ta lula a bazubazuema se ni seta pui kepa kamikou seko sarueko.

Jone 15:23

Tuvevo avole, vo olai kideipani aṉa ta mata ovai kideipa aṉavo Mama.

Jone 16:9

Seta ke saruiva kerukerueko ko seta puliama sarueko samu kio, ako seta pui kelai oqua aṉa sole.

Jone 3:2

Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Jone 5:36

Melai aṉata mata kama pado quli salala ko kolai bazubazutake aṉa, ko kokai paloasako vo Jone ota lai bazubazutema aṉa, ko ikio koa iruruputo poso aṉa a erekako. Ko ikio koa iruruputo poso aṉavo Mama o katilema tu aṉata a ereko, ni ko ikio mata ko tuvevo puela aṉa tu ko puratiko vo Mama inio o soroeleni kio.

Jone 6:36

Zio, aṉata lula a bazuemelala me, meta me qea aṉako iruruputo melai meta maba pui me duvevo puela aṉa.

Jone 7:31

Melai kubo madu koa padopadoilo kale amu ta ke tuvevo puevake vo, nio eri kikelake, “Nei tivoine voa Baṉara o soroevani Pakio o kuevini, vo puliala ota vai paloasani vo o erekako aqasiele ama iruruputo,” kikelake.

Jone 9:32

Peuru ma peuru ko tanite keru azo ti kokai baroa komia vairutu ta pui nio ko dimania ko kala maba ta lula ota va leqosika ko vilu voa maba vo leqa alilo o eveni kio.

Jone 9:41

Ni Jisu ta o tiorizatake, “Meta leqa kamela tea, meta pui kuirikuiria mela inio, melai meta eri kimela, ‘Eṉe inio ṉe qeazatani ṉela,’ kimela, Sokale inio meko sarueko ko kuiripato ta kobeta eva me tona,” kiolake.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Romu 1:30

ni ruqe kasekinio, kanaekivo vo Baṉara, peripato, aikailo ni rauraraurailo; seta ke kerukerueka kubo keve tu seta ke ereko ko ruqe; seta ke bikoirima seko mama ni niania poso;

2 Timoti 3:4

seta pui kerula kamu, ni puliako kerukeruto ke erekani ko ruqe, utu aikailo ko maba madu, ni ke roquekani ko utube ama zoleilo ko quli vo Baṉara ko roquevo kale azo;

Jemisi 4:4

Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.