Jone 15:15 - BAṈARA KO VAIRU AMA LEVELEVEO

¹⁵ Erisaṉa aṉata pui a qasemela meta nabulu poso mela, ako vo nabulu ta pui okai nianiia vovo lekasa o erekako quli sole. Melai meta aṉako baerebaere poso inio mela kiala, ni meta meqai nianiia ta kota tuvevo avo, ako aṉata lula a melai bazueka sole kiadama quli ko lula aṉa a viqako a Mama kasi.

Jone 15:15 교차 참조

Matiu 13:11

Ni Jisu ta o mati tiorikake se ni eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai vota pui opa katime koa nianiio edoloma maba poso.

Luke 10:23

Nio vo Jisu ta o vabaliake voko disaipeli madu kasi ni eri kiolake sekasi moizavole, “Meta meqai qulepa kelo ko quli meme qeako quli vairutu!

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Jone 13:16

Aṉata a bazuemela me, puliala nabulu inio raura kala vovo lekasa kasi azo, ni puliala o soroivani bazu sate ta raura kala vo o soroevani kasi azo.

Jone 15:20

Kerukeruekomo ko lula aṉa a melai bazuekako tuvevo ama quli, ko eri kikolako, ‘Puliala nabulu inio raura kala vovo lekasa kasi azo,’ kikolako. Se lula ke niumaniumaelani aṉa ta me melai ke niumaniumaemelou, se lula ke zorikani aṉako nianiiekato ta seta ke zorikou mata meko.

Jone 16:12

“Matu kubo quli ta ikoana tu aṉata a melai bazueko me, melai meta pui nio me rovea viqo ni ṉeamuko ko, ako kota matu tapata mekasi sole.

Jone 17:26

Aṉata lula kasa a iṉa ṉo sekasi, ni aṉata abeta ziovou kasa iṉo ṉo sekasi, tu seta ke roquemo edolomu omadeuvo ṉota ṉo roquela aṉa jari, tu aṉa melai a elou se tona,” kiolake vo Jisu.

Jone 20:17

Nio Jisu ta o bazuekake ko, “Ṉota pui kamalo aṉa, ako aṉata pui nio a qoiva a Mama kasi sole. Melai ṉota sidopu avole ola aṉako disaipeli poso kasi tu pa lai bazute sekasi, ‘Aṉata ada koilou inio vo aṉavo Mama ni mevo Mama kasi, vo aṉavo Baṉara ni mevo Baṉara kasi,’ ” kiolake.

Jone 4:19

“Tanala, vairutu pado inio aṉata a baqumuṉa ta ṉota kala poropita ṉa,” kikolake koa rekoreko.

Jone 8:26

Kubo quli kio aṉata a melai kuirikou me ko sarueko kale avo. Melai vo o soroeleni aṉa ta kerula kala, ni aṉata ama kaseka se peuru ma peuru kale ama maba poso ko quli aṉa a viqema vokasi,” kiolake.

Iruruputo 20:27

Ako aṉata pui aba lupaovi kaseko vo Baṉara ko pado ama vatolo mekasi sole.

Romu 7:15

Aṉata pui a baqumuka ko aṉa a erekako quli, ako aṉata pui a ereka sole ko quli aṉa aqa zariako ereko, melai ko aṉa matu ruqe ka kialako quli, ko ikio aṉata a ereka.

1 Koriniti 2:16

Omadeuvo ko Tabu ama Riki kikolani jari, “Puliala inio o paqumukani vo Baṉara ko kerukeru, ni puliala inio o roveani kativo vo kama uri ama bazu.” Melai animeta lula me ṉeamukani mela vo Karisito ko kerukeru.

Qelesia 4:6

Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.

Epesasi 1:9

vo Baṉara ta kasa o mela ike voko mutamuta kama vatovatolo, ako so inio vo okai zariani sole, ni vota o mela vatoeke tu o ereko vo Karisito kale.

Epesasi 3:5

Ako lulama taku keru ama maba poso ta pui kepa kai nianiiovi sole koa mutamuta kama vatolo. Melai erisaṉa vo Tabu ala Auvana kale inio vo Baṉara ta kasa o ika koa mutamuta ko evema vatolo se apositolo madu ni se poropita madu kasi.

Kolosi 1:26

Koa bazu ta mutamuta kama ko eve; Baṉara ta ota ma mutake sea kiadamu lulavo ke eveni kasi, melai erisaṉa vota uria kasa o ika voko maba madu kasi.

Pilimone 1:16

Ako erisaṉa ta vota pui kala mabaku ala pala inio sole, melai ikoana vokasi ko kokai qulepako voko mabaku elo: vota anime Karisito ko tamania mela kale ala. Vota matu qulepo ala aṉa kasi, ni maba matu ti matu qulepo ala ṉokasi, voko mabaku elo kale melai, voko Lekasa ko tamania kale elo kale melai.

Jemisi 1:1

Aṉa Jemisi lala, vo Baṉara ni Lekasa Jisu Karisito vo nabulu lala, ta a rikieka komia roquano sama leta kiadama vo Baṉara ko maba poso mela me lula birebirea elo me evani mela kasi kiadama peuru ma peuru kale.

Jemisi 2:23

Ni ko Tabu ama Riki ta tuvevo ko evake so kikovema, “Ebarahami ta o ṉeamuve vo Baṉara, ni voko oqu kale Baṉara ta ovai nokaekake ta vota sidopu ala.” So sole vo Ebarahami ta Baṉara vo baerebaere va kikelake.

1 Pita 1:11

Ako vo Baṉara o soroeveni Pakio ko Auvana ta se poropita madu tona ko evake. Ni voa Auvana inio oma kasekeni se voa Pakio o kovo ama tola ni vou, ni voko ṉaṉaidara o kovo ama koa tolailo ni vou ko tova. Ni se poropita madu ta ke madoekake tu kekai nianiio vo Tabu ala Auvana oma kasekema quli ta noi keru ni lave ko taku kale inio ko ereilou.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.

Kelokelozato 1:1

Komia riki ta ko kaseka kiadama quli vo Jisu Karisito o puratikema quli ko kalo, ko quli vo Baṉara ova kasekema tu vota kasa oma iko voko nabulu poso ko taukavole ko ereilo ama quli. Vo Jisu Karisito ta kasa olai ikake kiadama quli aṉa vovo nabulu Jone lala voko lai soroevo kale kala vovo mateana,