Jone 15:10 - BAṈARA KO VAIRU AMA LEVELEVEO

¹⁰ Meta mebeta ziovou zoriko aṉako bazubazu, inio meta mebeta elou aṉako roquano kale, omadeuvo aṉata lula a zorika a Mama ko bazubazu, ni abeta eva voko roquano kale.

Jone 15:10 교차 참조

Jone 10:18

Puliala ta o rovea tala kovo aṉako saevo aṉa kasi azo. Melai aṉata a buarika aṉako saevo aṉako tuvevo ama zario kale. Aṉa inio koko raki lala tu a vaeko, ni aṉa inio koko raki lala tu mata a dova kovo. Ko ikio aṉavo Mama o lati soruekema tu aṉata a ereko sole,” kiolake.

Jone 12:49

Ako tuvevo avole aṉata pui a bazubazuta a ṉaviko pizato kale, melai aṉavo Mama vo o soroeleni aṉa ta o bazuele tu aṉata a besio ni a qaseko ko.

Jone 14:15

“Meta me roquelou aṉa inio meta me zorikou koa aṉako bazu poso ko erekomo ka kiavema.

Jone 14:21

“Voa maba vo aṉako bazu poso okai nianiiani ni o zorikani ko, vo inio voa maba vo o roquelani aṉa. Ni aṉa melai a roquevou vo ni kasa a elou a ṉavi vokasi tu olai uria nianiiovou aṉa,” kiolake vo Jisu.

Jone 14:23

Nio Jisu ta o vati tiorikake vo, “Vo o roquelani aṉa ta o zorikou aṉako nianiiekato. Ni aṉavo Mama ta o roquevou vo, ni aṉavo Mama ni aṉa ta qe kilou vokasi ni qe elou vokasi.

Jone 14:31

melai aṉata a qalou a Mama lati kiovevo ko lulueko kale, tu kiadama maba poso peuru ma peuru kale amu ta kekai nianiiovou ta aṉata a roqueva a Mama, ni a zorika voko bazu. “Uri. Lojomo, tu meda zio komia zaekale azo,” kiolake.

Jone 17:4

Aṉata lula kasa a ika ṉoko ṉaṉaidara miduku kale, ako aṉata lula a okotika koa iruruputo ko ṉoṉo qatilema tu a ereko sole.

Jone 4:34

Nio Jisu ta eri kiolake sekasi, “Aṉako sailao ta zoriko vo aṉa o soroeleni ko vatolo, tu aṉata a okotiko ereko koa koidi vo o katilema aṉa.

Jone 8:29

Ni vo o soroeleni aṉa ta pui o vaela aṉa a qiada, melai vota aṉa sase, ako aṉata a ereka vo ko zolevako quli kiada keru sole,” kiolake.

Jone 8:55

Meta maba pui me baqumuva vo, melai aṉata avai nianiia vo. Melai aṉata pui avai nianiia kiala tea, aṉata kala lipalipa kalala inio, me jari. Melai aṉata avai nianiia vo ni a zorika voko bazu.

1 Koriniti 7:19

Ako ko moveilo ni pui moveilo ta puliama koko kalo sama, melai qulepo ama quli ta ereko vo Baṉara o melati soruekako quli.

1 Tesalonaika 4:1

Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

Hiburu 7:26

Sokale inio animeta Jisu ta animevo male ala Ṉisa Siama. Vota tabu ala ni sarueko pide ala, ni vo Baṉara ta o edolivake vo se sarueko samu kasi azo ni o koivievake aukale sai Baṉara o evakoi, ni vota oma lekasa pua kiadama maba poso.

2 Pita 2:21

Pui kepa kai nianiiovi ko sidopu ko keve tea uri. Melai kekai nianiiovi saita inio ke vaeke ko tabu ama bazu koko katiziovima sekasi ta maba pui uri sole.

1 Jone 2:3

Ni animeta me zorikou vo Baṉara ko bazu inio animeta me baqumukou kokale ta animeta tuvevo avole inio mevai nianiiani mela vo Baṉara.

1 Jone 2:5

Melai kala vo o zoriko ala vo Baṉara ko bazu ta vo Baṉara ko roquano ta kota maba okota vo tona. So inio animeta meqai nianiia ta animeta tuvevo avole vo Baṉara ko maba madu mela.

1 Jone 2:6

Ni kala ta eri kiovou, vota o eva Baṉara tona kiovou, ta voko kalo ta Jisu ko kalo jari o ikou.

1 Jone 5:3

Roquevo vo Baṉara ta zoriko voko bazu. Ni vo Baṉara ko bazu ta pui tapata kama anime kasi.

Kelokelozato 22:14

Maurumauru amu ko seke pusaekani seko rosia sabosabo poso ni vairu ke ikani! Ako se inio ko seke maleziko amu tu kuo koa noqola saevo ko katimako ore ko epa, ni seta ke amaqeovou koa matu peuru ko veutu poso kale.