Jone 14:31 - BAṈARA KO VAIRU AMA LEVELEVEO

³¹ melai aṉata a qalou a Mama lati kiovevo ko lulueko kale, tu kiadama maba poso peuru ma peuru kale amu ta kekai nianiiovou ta aṉata a roqueva a Mama, ni a zorika voko bazu. “Uri. Lojomo, tu meda zio komia zaekale azo,” kiolake.

Jone 14:31 교차 참조

Matiu 26:39

Ni vota o sasa vatutake sekasi azo, ni ota iqeiqeake miduku kale ni ota vararaitake ni eri kiolake, “A Mama ṉa, ko rovea tea, tala vatutika komia upotuqu ko kapa aṉa kasi azo! Melai pui ṉo erekou aṉako zario kikolani melai vaeka tu ko ereilo ṉo ṉaviko vatolo kikolani jari.”

Matiu 26:46

Zolaimo tu meda zio. Keatini, nei ta voineni voa maba obeta kueva vo o saiqorilani aṉa!” kiolake.

Luke 12:50

Aṉata bapitaiso a elou edoloma pado bapitaiso kale, ni upotuqu aqai eva ko ti kobeta paitou!

Jone 10:18

Puliala ta o rovea tala kovo aṉako saevo aṉa kasi azo. Melai aṉata a buarika aṉako saevo aṉako tuvevo ama zario kale. Aṉa inio koko raki lala tu a vaeko, ni aṉa inio koko raki lala tu mata a dova kovo. Ko ikio aṉavo Mama o lati soruekema tu aṉata a ereko sole,” kiolake.

Jone 12:27

Ni Jisu ta mata eri kiolake, “Erisaṉa aṉata tumanioro ada eva ni aṉata niuniala ada eva. Noni kiavou esa? —‘Mama pakiela aṉa komia taku kale azo’ kiavou? Koe pui so kiavou, ako komi kio aqai kuevima, sole aṉata a zio komia tola sama taku kale.

Jone 12:49

Ako tuvevo avole aṉata pui a bazubazuta a ṉaviko pizato kale, melai aṉavo Mama vo o soroeleni aṉa ta o bazuele tu aṉata a besio ni a qaseko ko.

Jone 13:1

Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.

Jone 15:9

Aṉata a roquemela me omadeuvo vo Mama aṉa o roquela jari, so sole meta emo aṉako roquano kale.

Jone 18:11

Nio Jisu ta eri kiolake Pita kasi, “Sei! Ṉota teamuka ṉoko benisi koko teamuteamu kale! Ako ṉo qerukeruta ta aṉata pui aba kai nozutou ko upotuqu ko kapa a Mama o katilako kiṉola kio?”

Jone 4:34

Nio Jisu ta eri kiolake sekasi, “Aṉako sailao ta zoriko vo aṉa o soroeleni ko vatolo, tu aṉata a okotiko ereko koa koidi vo o katilema aṉa.

Pilipai 2:8

Ni vota o zarazaraivake voko maba elo kale ni okai taliake zoripato ko keve ti kobe vati baroake voko vou, koa vou korosi topi ama.