Jone 14:27 - BAṈARA KO VAIRU AMA LEVELEVEO

²⁷ “Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Jone 14:27 교차 참조

Matiu 10:26

“Meta pui meda ma ṉalou sea maba poso. Ako kiadama quli ko mutamuta kama quli ta kasa ko elou sole, ni ko quli ko pui ko puratako ta ko puratou sole.

Luke 1:79

ni vota omai talou kiadamu seke evani vou ko kutumana kale ni vou ko ṉalo kale tu vota o odiemelo kiadama animeko tamuto poso kale bule ama keve tona,” kiolake vo Zekaraia.

Luke 10:5

Ni koa pade me meqai amaqeovo ama kale, ta eri kimevou kuleto, ‘Bule ta ko elou komia pade kale,’ kimevou.

Luke 12:4

“Aṉata a bazuemela a baerebaere poso mela, meta pui meda ma ṉalou seke vouvaeko amu meko tupu ni koko tova seta pui ke rovea ereko mata kama ruqe ama quli mekasi.

Luke 2:14

“Naṉaidara vo Baṉara kasi ko matu okate ama aukale, ni bule maba poso kasi vo omai zoleivani miduku kale!” kikelake.

Jone 14:1

Ni vo Jisu ta mata o bazuemake sea disaipeli madu, ni eri kiolake, “Meta pui duki ni tiṉoliṉoli kai elo ko quli aṉa lula a melati bazuekako quli. Meta vai kerumo vo Baṉara ni so jari meta lai kerumo aṉa.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Jone 20:19

Ni koa Sade raisiraisi ama taku kale inio sea disaipeli poso ta ke padoivake tibutibuli ama lose kale, ako seta keta ma ṉake se Jiu ama tanatanamu sole. Sai nio Jisu ta o kuevake ni o lojoake seko tiania nio, “Bule mekasi,” kiolake.

Jone 20:21

Ni Jisu ta mata so kiola sekasi, omuqama taku kale, “Bule mekasi. Omadeuvo vo Mama o soroele aṉa jari, aṉata a joroemela me,” kiolake.

Jone 20:26

Ni omadeu vuiki ko tova inio se disaipeli poso ta mata ke padoivake koa tibutibuli ama lose kale ni vo Tomasi melai se sate. Ko tibulu poso ta vinavina tibutibuli, melai Jisu ta o kuevake ni o lojoake seko tiania, ni “Bule mekasi,” kiolake.

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Iruruputo 18:9

Ni omadeu ipu kale inio Paula ta o keake kama pado kelokelozato, ni vo Lekasa Jisu ta eri kiolake vokasi, “Ṉota pui ṉalo, melai beta ola bazubazuto ni pui niaba elo,

Romu 1:7

Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 5:1

Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

Romu 8:6

Seke vaekani seko kerukeru tupu ko saevo kale ama quli tona ta komai barolou ko vou, melai seke vaekani seko kerukeru Auvana kale ama saevo ko quli tona ta komai barolou ko tuvevo ama saevo ni bule sama.

1 Koriniti 1:3

Vo animevo Mama Baṉara ni animevo Lekasa Jisu Karisito ko pakiezato sama roquano ni bule ta ko elou me tona.

Qelesia 1:3

Ni aṉata a vararaita, tu vo Baṉara animevo Mama ni vo Lekasa Jisu Karisito ta o katimelou me voko roquano ni bule.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Qelesia 6:16

Bule ni tauvezato sama roquano ta ko elou se tona seke lulueko amu koa vairu ama saevo ko bazu, ni kiadamu vo Baṉara ko maba madu kasi, ako se inio ko tuvevo ama Izireli qoqono Baṉara ko sole.

Pilipai 4:7

So inio vo Baṉara ko aqasiele ama bule ko anime pui me uria paqumukako ta ko zolekou meko bulo ni kerukeru meko omadeu vati elo kale vo Jisu Karisito.

Kolosi 1:2

Aṉata a joroeka komia leta me Kolosi peuru kale amu mela kasi vo Baṉara ko qoqono mela kasi, eṉeko kerula kama tamania kale amu mela, lula omadeu me evani mela vo Karisito sase. Eqeta qe vararaita tu vo Baṉara animevo Mama ta o katimelou ko tauvezato sama roquano ni bule.

Kolosi 1:20

Vo Meqora kale kude inio Baṉara ta o pitoeke tu kiadama maba poso ni kiadama quli vo o erekema ta odouvato saṉa ke elo vokasi. Baṉara ta o ereke ko bule vovo Meqora ko voukale korosi topi, tu kiadama miduku kale ama ni aukale ama quli ta odouvato saṉa ko elo vokasi.

Kolosi 3:15

Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.

2 Tesalonaika 1:2

Ni aṉata a mela vararaita me, tu vo Baṉara animevo Mama ni Lekasa Jisu Karisito ko roquano ni bule ta ko elou me tona.

2 Tesalonaika 3:16

Nio animevo Lekasa Jisu o ṉavi, vo bule ko raki, ta o katimelou me ko bule kiadama keve kale kiada keru. Ni aṉata a melati vararaita me tu vo Lekasa Jisu ta o elou mea kiada mela sase.

2 Timoti 1:7

Ako vo Baṉara ko Auvana ko lula o katimelako anime ta pui ko ṉavaemelako ikio sole, melai kota ko melai sukatika ko pizato, ni roquano ni kaitizio.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

Hiburu 7:2

nio Ebarahami ta o kativake vo koko toni ama koa lomaloma poso ko, vo sai opa koema. (Kuleto ama Melekizedeki ko ṉi ko kio ni kalo ta “Sidopu ko Lekasa,” ni seta mata kevai nokaeke “Bule ko Lekasa,” ako vota lekasa o eve Selema peuru kale sole, ko Hiburu pesio kale “Bule” kekai nokaekema.)

Kelokelozato 1:4

Aṉa Jone lala ta a joroeka aṉako roquano mea sikeura lotu qoqono Eisia rana me evani mela kasi. Pakiezato sama roquano ni bule vo Baṉara kasi azo ko kuevako ta meko, vo koko tanitanila kale o eveni, ni vo erisaṉa obeta evani, ni vo mainio opa kilo ala, ni koa sikeura auvana kasi azo ama koko evako voko papupapu ko kuleto,

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Kelokelozato 21:8

Melai se pui ke palaitani, ni seke vaekani seko tuvevo puto, ni seke erekani kuvaruvaru ama kalo, ni seke vouvatani, ni seke pauvekani ko ruqe ama iruruputo, ni seke kakokakotani ni ke ilusikani ko beku poso, ni kiadama se lipalipa kamu ta ke risaemou koa matuma nai sama uza ko urusana ko tiania, ko ikio ko omuqama vou.”