Jone 13:18 - BAṈARA KO VAIRU AMA LEVELEVEO

¹⁸ “Aṉata pui mea kiada mela ta soa maurumaurua mela kiala, ako aṉata amai nianiia se sidopu amu aṉa lula a bitoemani sole. Melai ko Tabu ama Riki ko kasekema ta tuvevo ko elou ko eri, ‘Voa maba o kuani aṉako sailao aṉa sase ta o jaṉarilou aṉa voko mauta kale’.

Jone 13:18 교차 참조

Matiu 10:36

Vo maba ko matuma kana ko eloa koi ta o ṉaviko saidi kale.

Matiu 26:21

Nio koa vuato keru, inio Jisu ta eri kiolake sekasi, “Aṉata a bazuemela me, kala me azo ta o saiqorilou aṉa,” kiolake.

Matiu 26:23

Nio Jisu ta o mati tiorikake ni eri kiolake, “Eqe omadeu suseko qe eloa qela ko bereti komia taroro kale, vo inio o saiqorilo ala aṉa.

Maka 14:17

Ni koa raisiraisi nio Jisu ni voko toni omuqa disaipeli ta keta olake koa pade kasi.

Maka 14:18

Nio so keru se kebeta vuata keru nio Jisu ta eri kiolake, “Aṉata a bazuemela me, kala me azo ta o saiqorilou aṉa vo obeta vuatani aṉa sase,” kiolake.

Maka 14:20

Nio Jisu ta o mati tiorikake ni eri kiolake, “Kala mea toni omuqa azo vo aṉa sase o suseko ala voko bereti komia taroro kale vo inio o saiqorilo ala aṉa.

Luke 22:21

“Melai keatini! Vo o saiqorilo ala aṉa ta o zomana kamazato aṉa sate koi tevolo topi!

Jone 13:21

Ni Jisu ta o paikake voko bazubazu ni vota upotuqu ota evake voko auvana kale, ni eri kiolake, “Aṉata a bazuemela me, kala me azo ta o saiqorilou aṉa,” kiolake.

Jone 13:22

Nio ke viqa keru ko se disaipeli madu ta keta toirikiniake ke ṉavio kude, matu niuniala kekai evake lala inio o kasevani kikelake sole.

Jone 13:26

Nio Jisu ta o tiorizatake, “Aṉata a balamukou ko bereti ni a jusekou, ni a qativo ala tu o kuo, vo inio voa maba.” So sole vota o ṉisurikake koa bereti ni o susekake ko ni o kativake vo Jiudasi, vo Saimone Isikarioti vo meqora.

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Jone 15:19

Meta peuru ma peuru ko maba poso jaria mela tea, peuru ma peuru ko maba poso ta ke ṉavi jaria roquemelo inio ke elo. Melai aṉata lula a bitoemele me komia peuru ma peuru ko maba poso kale azo, ni meta pui koko mela, Sokale inio ko peuru ma peuru ko maba poso ta ke melai kideipa.

Jone 15:25

Komi ta kota ereiva tu ko quli Mosese o katimema Bazu kale ko rikiziovima quli ta tuvevo ko elo, ko eri kikolako, ‘Seta kelai kideipa aṉa pulia quli ko kio kale avo,’ kikolako.

Jone 17:12

Ako so keru aṉa a mati eve keru miduku kale aṉata a mati vaile ṉoko ṉi ko pizato kale, koa ṉi ṉoṉo qatilema aṉa kale. Aṉata a mati vaile se ni puliala kala pado ta opa mumai, melai vo okai zuateni ko mumailo o kiada inio o mumai, tu ko Tabu ama Riki kikovevo ta tuvevo ko elo.

Jone 18:32

Ko so kokai kaevo ta, tu kota ko tuvevo pueko o ṉavi Jisu lula o kasekema noni ama ikio koa vou vo okai vouvo ama.

Jone 19:24

Nio se pazokinio ko maba poso ta eri kikelake ke ṉavio kude, “Animeta pui me riziko ko, melai meqai daisimatou tu me velou vo o kovo ala,” kikelake. So kokai kaevo ta, tu ko Tabu ama Riki ta tuvevo ko elo, ko eri kikolako, “Seta keta lai bobosake aṉako suma, ni kekai daisimate aṉako sabosabo.” Ko quli ko tuvevo iko kale inio pazokinio ko maba ta so ke kae.

Jone 19:36

So kokai kaevo ta, tu ko Tabu ama Riki kikovevo lulavo ta tuvevo ko elo, “Puliama kama pado voko piza ta kopa lopailou,” kikovema riki.

Jone 21:17

Ni zouke ama pado taku kale Jisu ta so kiolake vokasi, “Saimone, Jone vo meqora ṉa, ṉota ṉo roquela aṉa kio?” kiolake. Sai nio Pita ta duki ota evake ako Jisu ta ovai kuimaekake ko zouke taku “Ṉota ṉo roquela aṉa, kio?” sole, sole vota eri kiolake, “Lekasa, ṉota ṉoqai nianiia kiadama quli, ni ṉota ṉoqai nianiia aṉako tuvevoa roqueṉo ṉo kio!” kiolake. Ni Jisu ta eri va kiolake vo, “Ṉota niaeka aṉako sipi poso.

Jone 6:70

Nio Jisu ta eri kiolake sekasi, “Aṉa a ṉavi nio lula a bitoemela mea toni omuqa, melai kala me azo ta Setani vo maba inio!” kiolake.

Iruruputo 1:16

“A baerebaere poso mela, Tabu ama Riki kale ko kaseima quli ta lula tuvevo kota eva Tabu ala Auvana o kasekema Devita kale kude, vo Jiudasi ko pidokivo kale, vilua pikopiko oma eveni se Jisu ke noqoeveni. Ni kota ko malezikake ni so ko kake, ako Tabu ama Buka kale ama pidokato ta ko puratika kiada keru koko epa sole.

Iruruputo 1:2

ti kobeta baroi koa ṉaniu vo Baṉara o koivievo keru vo aukale. Puliako vo koilo aukale ta vo Tabu ala Auvana ko pizato kale vota o katimake ko bazu sea maba poso vo o pitoemeni tu voko apositolo madu ke elo.

2 Koriniti 4:5

Ako eṉeta pui ṉeqai bazubazuta ṉe ṉavi kale avo melai eṉeta ṉevai bazuta vo Jisu Karisito inio Lekasa kio, ni eṉeta meko nabulu poso ṉela vo Jisu ko kio kale sole.

Hiburu 4:13

Pulia quli ta ko rovea tava daipailo vo Baṉara, kiadama quli peuru ma peuru ko ereima ta kasale voko keazato kale. Animea kiada mela ta me lojolou voko kuleto ni animeta meqai eraeraovou kiadama quli ko lula anime me erekako quli.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.