Jone 12:42 - BAṈARA KO VAIRU AMA LEVELEVEO

⁴² Melai kubo se Jiu ama tanatanamu ta ke tuvevo pueve vo Jisu, melai seta pui kepa kai erierite ubutiana ako seta keta ma ṉake se Parese madu sole, tu pui ke tizaemou se zio ilusato ko pade kale.

Jone 12:42 교차 참조

Matiu 10:32

Ni Jisu ta mata eri kiolake, “Aṉata a bazuemela me, vo o bazubazuemo ala se maba madu ko vota aṉavo inio, aṉa melai a bazuevou aṉavo aukale ala Mama ta vota aṉavo inio.

Luke 12:8

Ni Jisu ta mata eri kiolake, “Aṉata a bazuemela me, vo o bazubazuemo ala se maba madu ko vota aṉavo inio, aṉa maba a eveni lala melai a bazuemou vo Baṉara ko mateana poso ta vota aṉavo inio.

Luke 23:13

Ni Paelati ta o padoemake se raura kama siama madu ni lekasa poso ni maba poso,

Luke 6:22

Meda zoleiva tisoiko so keru se maba madu ke melai kideipou keru, ni ke kupemelou keru me, ni ke maulumauluemelou keru, ni ruqea mela mela kikevou keru meko luluelo kale avo aṉa maba a eveni lala!

Jone 11:45

Ni kubo madu sea maba poso seke kuevini Mere soipikole ta ke keake vo Jisu o erekema aqasiele ama quli, nio seta ke tuvevo puevake vo.

Jone 12:11

ako voko kio kale kubo Jiu amu ta ke vaemake se siama madu ni ke tuvevo puevake vo Jisu sole.

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Jone 19:38

Ni koko tova inio kala pado maba ta o kuevake sai, vota Arimatiala Josepa. Vota kala pado vo Jisu o tuvevo pueveni, vo pui kasa opa eveni ako vota ota ma ṉae se Jiu ama tanatanamu sole. Ni vota o pasekake Paelati kasi Jisu ko tupu tu o zarieko tu o kati zio. Nio Paelati ta ova zariekake koa tupu tu vota o kati zio, so sole Josepa ta o olake nio opa borikake.

Jone 3:2

Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Jone 7:13

Melai puliala ta ovai pesipesitake vo ubutiania keta ma ṉake se Jiu ama tanatanamu sole.

Jone 7:31

Melai kubo madu koa padopadoilo kale amu ta ke tuvevo puevake vo, nio eri kikelake, “Nei tivoine voa Baṉara o soroevani Pakio o kuevini, vo puliala ota vai paloasani vo o erekako aqasiele ama iruruputo,” kikelake.

Jone 9:22

Voko mama ni niania ta so kiqolake, ako nioqata qota ma ṉake se Jiu ama tanatanamu sole. Ako se inio lula ke nakatikani vo Jisu ta vo Baṉara o soroevani Pakio kio okai eraeraovo ala ta keta va kaitikou voko zomano ilusato ko pade kale kio sole.

Jone 9:34

Sai nio seta ke vati tiorikake vo seko korakorailo kale, “Ṉota ṉo alile ni ṉo rapukeni ṉa ṉoko niania ko sarueko sate, melai ṉota ṉoqa zaria nianiiekiṉelo eṉe kio?” kikelake. Nio seta ke kupevake vo ilusato ko pade kale azo.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 10:10

Ako animeko oqu kale inio animeta sidopu me eva vo Baṉara ko kelokelozato kale sole, ni animeko saruilo kai eraerao kale inio me bakia.

1 Jone 4:15

Ni kala ta eri kiovou, “Aṉata tuvevo a iva vo Jisu ta vo Baṉara vo Meqora” kiovou, ta vo Baṉara ta o elou vo tona, ni vota o elou vo Baṉara tona.

1 Jone 4:2

Ni eria kai nianiio nio me elou vo Baṉara vo Auvana inio o erekani koa bazu. Vo Jisu Karisito ta o saqore komia peuru ma peuru kale ni maba ota eve kio tuvevo o ivo ala auvana inio vo Baṉara vo Auvana.