Jone 12:31 - BAṈARA KO VAIRU AMA LEVELEVEO

³¹ Erisaṉa ta komia peuru ma peuru ko titizato ko taku ni erisaṉa komia peuru ma peuru ko lekasa Setani ta o ṉamuilou.

Jone 12:31 교차 참조

Matiu 12:28

Ako aṉata pui vo Setani inio o katila ko pizato inio a rerika ko ziolo poso sole, melai vo Baṉara vo Auvana kale inio, ni kokale nio meta me duvevo puekou ta vo Baṉara ko lekasa puo ta lula ko melai baroa.

Jone 14:30

Erisaṉa azo aṉata pui matu kubo quli mata aba kasekou mekasi, ako vo Setani vo peuru ma peuru ko kutumana kale ala lekasa ta obeta kueva sole. Vota maba pui opa roveovou koqotaelo aṉa,

Jone 3:19

Nio eri nio koa titizato: vo zakaremu ta o kuevi komia peuru ma peuru kale, melai se maba madu ta ke matu roqueke ko kutumana voko zakaremu kasi azo, ako seta boutare samu sole.

Jone 9:39

Nio Jisu ta eri kiolake, “Aṉata a quevi peuru ma peuru kale korotato sate, tu se leqa kamu ta ke keazatou, ni seke keazatani ta leqa ke elou,” kiolake.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

1 Koriniti 1:20

So sole se nianiiomu ni seke lezumatani maba madu ta pulia quli jari, ni so jari se roverove amu kai zolizoliekinio kale seko kerukeru komia ruqe ama peuru ma peuru ko.

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Epesasi 6:12

Ako anime me qati pazokiniako ta pui tupu kale ama sole, melai anime me qati pazokiniako ta vo Setani ko ruqe ama lekasa puo kale ama ziolo aukale ko evako, komia kutumana kama peuru ma peuru kale ko lekasa puako ruqe ama pizato poso.

Kolosi 2:15

Koa korosi topi Karisito ta o koqotaekake kiadama ziolo poso ko pizato. Vota uria zakaremu oma ikake se maba poso vo inio vo raura kala, vo o koqotaekani ko ziolo poso.

Hiburu 2:14

Anime vo sasarusu mela mela kiolani mela, ta me jaevani mela marabau ni dara kale, so sole o ṉavi Jisu ta anime jaria maba o evake ni okai saevake ko tupu kale ama saevo. Vota maba o evake tu voko voukale ta o niumaevo vo Setani, vo vou ko pizato sala.

1 Jone 3:8

Ako vo Setani inio o saruekeni koko tanitanila keru azo, ni vo obeta ziovo ala ereko ko sarueko ta vota vo Setani vo maba inio sole. Melai vo Baṉara vo Meqora ta o kuevi niumaekole vo Setani ko iruruputo.

1 Jone 4:4

A meqora poso, meta vo Baṉara ko mela so sole meta lula koqo me ime se lipalipa kama poropita madu, ako vo Baṉara vo Auvana me tonala ta piza kala sole obe vai paloasani vo Setani, vo komia peuru ma peuru ko ruqe ama maba poso tonala.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.