Jone 11:55 - BAṈARA KO VAIRU AMA LEVELEVEO

⁵⁵ Ni se Jiu amu ko Alokato ko Ṉojola ko taku ta sipole kota baroake, nio kubo maba madu ta ke peatake peuru poso kale azo Jerusalema peuru kale tu seta ke bulebuleilo puliako baro koa ṉojola.

Jone 11:55 교차 참조

Matiu 26:1

Ni Jisu ta o paikake mati nianiiekiko komia kiadama quli, ni vota eri kiolake voko disaipeli madu kasi,

Matiu 26:2

“Meta lula meqai nianiia ta oqotiṉa inio Alokato ko Ṉojola ko matuma ṉaniu. So keru inio aṉa maba a eveni lala ta ke luavilou se aṉako kana madu kasi, ni ke vouvaelou aṉa korosi topi,” kiolake.

Maka 14:1

Ni omuqa ṉaniu ta ikoana ti Alokato ni Isiti pide ama Bereti ko Ṉojola ikio. Ni se raura kama siama madu ni se Mosese ko Bazu kekai nianiiekatani ta ke erekake ko korokorotato tu ke noqoevo vo Jisu moizavole ni ke vouvaevo kikelake.

Luke 22:1

Ni se Jiu amu ko ṉojola isiti pide ama bereti ko Alokato ko Ṉojola ka kikelako ta sipole kota baroake.

Jone 12:1

Ni varimuja ṉaniu ikoana ti kota barolou Jiu amu ko Alokato ko Ṉojola, nio Jisu ta o olake Betani peuru kale, sai Lazarasi o evakoi, voa maba vo lula o saeviveni voukale azo.

Jone 13:1

Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.

Jone 18:28

Ni seta ke vati olake vo Jisu Kaepasi ko pade kasi azo Romu ala Qavuna, vo Paelati ko matu pade kasi. Koa taku ta omadeu lekito, nio se Jiu amu ta pui ke amaqeake voa Qavuna ko pade kale, ako vota pui Jiu ala ni seta Jiu amu sole, ako seta keka zariake tu bulebule amu ke roveo kuo ko Alokato ko ṉojola ko sailao koa ṉaniu kale ama kikelake sole.

Jone 2:13

Ni koa taku ta sipole se Jiu amu ko Alokato ko Ṉojola ko taku, so sole Jisu ta ota olake Jerusalema.

Jone 2:6

Se Jiu amu ko lotu ko kama bazu ta pusailo ikio, sole koko kio kale avo ta varimuja matu vaka ju ta kobeta papuake sai, ko omadeu ta karabete ma zouke toni qaloni ju ko teamukako.

Jone 5:1

Ni koko tova inio Jisu ta o olake Jerusalema peuru kale, kai zomanole kama pado Jiu amu ko lotu ṉojola.

Jone 6:4

Ni koa taku ta Alokato ko Ṉojola ko taku se Jiu amu ko ta sipole kota evake.

Iruruputo 21:24

Ola sekasi ni pa mati zomane seko tabutabuo ko bulebuleilo kale, ni ṉota ṉoma tabarikou seke siqaeko ama biaṉa poso, tu seta ke okotikou seko tabutabuo ni qopu rui ke elou. Sokale kude inio kiadamu ta kekai nianiiovou kiadama ṉo ṉa kikelani avo ta pui tuvevo kopa elou, ako ṉo ṉavi ta ṉobe kati vaila vo Mosese ko Bazu sole.

Iruruputo 21:26

So sole Paula ta o odiemake sea ariku maba ni koko raneo kale vota okai zomanake koa bulebuleilo se sate. Ni vota o amaqeake Jelepade kale ni o bazuemake sai ke iruruputani latau ṉaniu tiniavo inio ko elo avo koa bulebuleilo ko taku ti kobeta barou koko paka, so keru seke erekou keru ke ṉaviṉavi ko siqasiqa.

Iruruputo 24:18

Ni so keru aṉa komi abe ereka keru inio seta ke lati inotake aṉa Jelepade kale so keru aṉa lula a okotika keru aṉako bulebuleilo ko iruruputo. So keru ta puliama matuma vaki kopa eve aṉa sase ni puliama ṉiṉoreo kopa eve koa taku.

1 Koriniti 11:28

So sole vo maba ta o korotiko voko kerukeru o ṉavi saita inio vota o kuovou koa bereti ni okai nozuekou koa vaini ko ju.

Jemisi 4:8

Kuemo Baṉara ko sipole, ni vota o kilou meko sipole. Meta liliziomo meko sarueko poso kale azo, me sarueko poso samela! Rurubiatana ikomo meko bulo poso, mea maba poso mela me meqai lipalipaitani mela ko sidopu!