33 Ni Jisu ta o keake koko zialo, ni mata o meake sea maba poso seke evani ko sase zialo, ni kota kota va tibaekake voko bulo, ni matu duki kota va ikake.
Ni Jisu ta o meake se ni omai korakoraivake, ni mata duki ota evake, ako seta matu meomeo kamu ni keta saruiva sole. Nio Jisu ta eri kiolake voa maba kasi, “Ṉota totozika ṉoko ṉase,” kiolake. Ni vota o totozikake ni kova pizatake koa ṉase.
Ni sea maba poso, seke eveni pade kale Mere sase patukikole ko, ta ke keake koko lojo ni koko taukavoa saqoro, ni ke luluekake ko. Seko kerukeru kale ta kota kota ola niami kasi zialole kikelake sole.
Ni Jisu ta mata eri kiolake, “Erisaṉa aṉata tumanioro ada eva ni aṉata niuniala ada eva. Noni kiavou esa? —‘Mama pakiela aṉa komia taku kale azo’ kiavou? Koe pui so kiavou, ako komi kio aqai kuevima, sole aṉata a zio komia tola sama taku kale.
Ni Jisu ta o paikake voko bazubazu ni vota upotuqu ota evake voko auvana kale, ni eri kiolake, “Aṉata a bazuemela me, kala me azo ta o saiqorilou aṉa,” kiolake.
Animevo Ṉisa Siama ta o rovea lainike animeko lekuleku poso ko upotuqu, ako vota anime jaria maba o eveni sole, so sole vota o toraeke kiadama quli koko zolizolievema quli, omadeuvo anime me doraekako jari, melai vota pui opa sarueke.
