Jone 11:16 - BAṈARA KO VAIRU AMA LEVELEVEO

¹⁶ Sai nio Tomasi, vo “Modi” ṉi sala, ta eri kiolake vokale ama disaipeli madu kasi, “Uri tani, animea kiada mela ta me zio vo sase, tu animeta me vou vo sase!” kiolake.

Jone 11:16 교차 참조

Matiu 10:3

Pilipi, ni Batolomiu, Tomasi, ni Matiu vo takisi ko maba, ni Jemisi vo Alepiasi vo meqora, ni Tadiasi,

Matiu 26:35

Ni Pita ta eri kiolake, “Maba kebe vouvaelou ṉo sate melai aṉata pui aba taṉa zoliovou!” kiolake. Ni sea kiadama disaipeli madu ti omadeuvo kikelake vo jari.

Maka 3:18

Ni Aduru, Pilipi, ni Batolomiu, ni Matiu, Tomasi ni Jemisi vo Alepiasi vo meqora, Tadiasi ni Saimone vo oka zariovini rupasimo Izireli qoqono Romu ko vailo kale azo, tu ke ṉavi ke lojolou,

Luke 22:33

Ni Pita ta o opatake ni eri kiolake, “Lekasa, aṉata lula a inainaova tu a zio pirito pade kale ṉo sase ni a vou ṉo sase!”

Luke 6:15

ni Matiu ni Tomasi, ni Jemisi Alepiasi vo meqora, ni Saimone, kala pado sekale ala se keka zariovini rupasimo Izireli qoqono Romu ko vailo kale azo tu ke ṉavi ke lojolo.

Jone 11:15

melai meko tauvemelo ko kio kale avo aṉata a zoleiva ta aṉata pui vokasi a eva, ako so inio meta me duvevo puelou aṉa. Ariamo tu meda zio vokasi,” kiolake.

Jone 11:8

Ni se disaipeli madu ta ke vati tiorikake vo, “Tanala, maba vairutu inio saizamu kebe ṉa zarilavo taiṉo ṉo lado kale, melai ṉota ṉo bitoeka vaito sai!” kikelake.

Jone 13:37

Nio Pita ta eri kiolake, “Lekasa, noi sole inio aṉata pui aba lulueṉou ṉo erisaṉa? Ako aṉata a inainaovani lala inio tu aṉata aṉa vou ṉo sole,” kiolake.

Jone 14:5

Melai Tomasi ta eri kiolake vokasi, “Lekasa, eṉeta pui ṉeqai nianiia sai ṉoṉo zio ka kiṉolakoi, sole noni kale inio eṉeta ṉeqai nianiiovou koa keve tu eṉeta ṉe barolou sai?”

Jone 21:2

Saimone Pita, ni Tomasi “Modi” o ṉi sala, ni Nataniala Kena peuru kale ala Qalili rana, ni Zebeti ko omuqa lasive meqora kidi, ni mata kama omuqa Jisu ko disaipeli kidi ta ke padoivake omadeukoi.

Iruruputo 1:13

Seta kekai amaqeake koa matu peuru ni kekai zakeike okate ama lose kale sai seke evakoi: Pita, Jone, Jemisi ni Aduru, Pilipi ni Tomasi, Batolomiu ni Matiu, ni Jemisi Alepiasi vo meqora, ni Saimone kala pado sekale ala se keka zariovini rupasimo Izireli qoqono Romu ko vailo kale azo tu ke ṉavi ke lojolo, ni Jiudasi Jemisi vo meqora.