Jone 1:45 - BAṈARA KO VAIRU AMA LEVELEVEO

⁴⁵ Nio Pilipi ta o luluevake vo Jisu, ni koko tova inio vota o veake vo Nataniala ni o bazuevake vo, “Eṉeta ṉe veala vo tivoine vo o kaseini vo Mosese ko Bazu kale, ni se poropita madu ko riki kale. Vo inio vo Nazareti ala Jisu, Josepa vo meqora,” kiolake.

Jone 1:45 교차 참조

Matiu 10:3

Pilipi, ni Batolomiu, Tomasi, ni Matiu vo takisi ko maba, ni Jemisi vo Alepiasi vo meqora, ni Tadiasi,

Matiu 13:55

Ako nei ta vo kamada vo meqora inio ni Mere ikio voko niania, ni Jemisi ni Josepa ni Simeoni ni Jiudasi ta voko visi poso,

Matiu 2:23

Nio vota Nazareti peuru kale o evake, tu vo Baṉara kiovevo se poropita madu kale kude ta tuvevo ko elo, ko eri kikovema, “Voa Pakio ta Nazareti ala o elou,” kikovema.

Matiu 21:11

Nio sea vaki seke kuevini Jisu sase ta eri kikelake, “Nei ta poropita Jisu inio Nazareti peuru Qalili tanala,” kikelake.

Maka 14:67

Ni kota ko veake vo Pita obeta ṉadarake ni ko toiritoirivake, ni eri kikolake, “Ṉo melai vo Nazareti ala Jisu kalea laṉa, kio?” kikolake.

Maka 6:3

Ako vota kamada inio, ko Mere vo meqora, ni voko visi poso inio se Jemisi ni Josepa ni Jiudasi ni Saimone, ni voko saqi poso melai koi nio seko peuru melai,” kikelake. So sole seta maba kevai kaikuapake se Nazareti amu.

Luke 18:37

Nio seta ke bazuevake, “Nazareti ala Jisu ta ota alokata,” va kikelake.

Luke 2:4

Nio Josepa ta o olake Nazareti peuru kale azo, sai Qalili azo, Betelihema peuru kale, sai Jiudia, vo Aikovakova Devita o alile ni o rapukekoi. Josepa ta o olake sai ako vota kala pado vo Devita ko toutou kale ala sole.

Luke 2:48

Ni voko mama ni niania ta qota matu polosake so keru nioqa qo veve keru vo, nio voko niania ta eri kikolake vokasi, “Meqora, noi sole inio ṉota ṉo erekala eri ama quli eqe kasi? Ṉovo mama ni aṉa ta matu tiṉoliṉoli qeta eva vailiṉole ṉo,” kikolake.

Luke 24:27

Nio Jisu ta oka zakaremu puekake nioqa Tabu ama Riki kikovevo vokale avo, Mosese o rikiekema buka poso kasi azo ti kiadama poropita madu ko riki poso kasi.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Luke 3:23

Ni Jisu o tanieke keru voko iruruputo ta vota esa zouke toni sabere ala keru inio. Jisu ta Josepa vo meqora inio, kikelake se maba poso. Josepa ta Heli vo meqora,

Luke 4:22

Nio sea kiadamu ta keva matu zoleike vo ni aqasiele kekai evake koa matu ileile ama pesio poso vo o rukuekema. Nio seta eri kikelake seko vuzeilo kale, “Koe, nei ta pui vo Josepa vo meqora soikoni!” kikelake.

Jone 1:44

Pilipi ta Betiseida peuru kale ala, koa omadeuma peuru sai Aduru ni Pita qo evakoi zala.

Jone 12:21

Ni seta ke olake kala Jisu vo disaipeli Pilipi kasi, Betiseida ala Qalili rana, ni eri kikelake, “Tanala, eṉeta ṉeva zaria velo vo Jisu,” kikelake.

Jone 14:8

Sai nio Pilipi ta eri kiolake vokasi, “Lekasa, uria kasa ṉela iva vo Mama tu eṉeta ṉe uria vai nianiio,” kiolake.

Jone 18:5

Nio seta eri kikelake, “Nazareti ala Jisu inio ṉe vailiva,” kikelake. “Aṉa inio vo vo lala,” kiolake. Ni Jiudasi, vo o saiqorivani, ta obeta lojoake seko tiania.

Jone 18:7

Ni Jisu ta mata o kuimaemake se, “Lala inio meme vailivani?” kiolake. “Vo Nazareti ala Jisu inio,” kikelake.

Jone 19:19

Ni Paelati ta o rikiekake kama pado bazu nio se pazokinio ko maba poso ta ke nasoekake korosi topi, “Nei nio vo Nazareti ala Jisu, se Jiu amu vo Aikovakova” kikolako.

Jone 21:2

Saimone Pita, ni Tomasi “Modi” o ṉi sala, ni Nataniala Kena peuru kale ala Qalili rana, ni Zebeti ko omuqa lasive meqora kidi, ni mata kama omuqa Jisu ko disaipeli kidi ta ke padoivake omadeukoi.

Jone 6:42

Sai nio seta eri kikelake, “Pui nea maba inio vo Jisu, vo Josepa vo meqora? Vo eṉe ṉeda vai nianiiani voko mama ni niania kidi. Noi sole inio vota so kiola, vota o saqoreni aukale azo?” kikelake.

Jone 6:5

Ni o lilililitake vo Jisu nio o keake matuma vaki kebeta kuevake vokasi, nio Jisu ta eri kiolake Pilipi kasi, “Lai nio animeta me databaraekou ko sailao nia maba poso kekai malezo ama tu animeta me niaemou se?” kiolake.

Jone 6:7

Nio Pilipi ta o vati tiorikake vo, “Koe, varimuja kaboso ko tabara kale ko tatabarailo ama bereti melai pui kepa kai malezou nia vaki!” kiolake.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Iruruputo 22:8

Ni aṉata a vati tiorikake, ni eri va kialake, ‘Lalaṉa inio ṉo, Lekasa?’ kialake. Ni vota eri kiolake, ‘Aṉa Jisu Nazaretia lala, aṉa ṉoṉo niumaniumaelani lala,’ la kiolake.

Iruruputo 26:9

“Lulali aṉa melai a qerukerutake ta sidopu ikio tu aṉata a erekou kiadama quli aṉa aqai kanaekiko ama vo Nazareti ala Jisu ko ṉi.

Iruruputo 3:6

Melai Pita ta eri kiolake vokasi, “Aṉata puliama siliva ni qolo seleni salala, melai aṉata ikoana ka pado quli salala ni ko quli kio a qatiṉou ṉo. Sole vo Nazareti ala Jisu ko ṉikale aṉata a bazueṉa ṉo tu ṉota loje ni tali!” va kiolake.