Jone 1:29 - BAṈARA KO VAIRU AMA LEVELEVEO

²⁹ Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!

Jone 1:29 교차 참조

Matiu 1:21

Kota ko alilivou kala meqora ni ṉota ṉovai nokaekou o ṉi ta Jisu, ako vo inio vo o pakiemo ala se maba poso seko sarueko poso kale azo sole,” kiolake.

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Jone 1:35

Ni koko raneo kale inio Jone ta mata obeta evake sai omuqa voko disaipeli kidi sase,

Jone 1:36

ni so keru inio vota o veake vo Jisu obeta taliake pui matu vaṉa vokasi azo, nio eri kiolake nioqa kasi, “Keatini, vo Baṉara vo Sipi Meqora vo siqasiqa o elo ala,” kiolake.

Jone 1:43

Ni koko raneo kale inio Jisu ta ota zio kiolake Qalili rana, so sole vota o zolaike ni ota olake. Ni vota o veake vo Pilipi sai ni eri kiolake vokasi, “Luluela aṉa!” kiolake.

Jone 2:1

Ni omuqa ṉaniu ko tova Jisu o vati pesiake vo Nataniala saita, ta ko ereike kama pado rorotato Kena peuru kale, Qalili rana. Ni Jisu ko niania ta ko keve sai rorotatole,

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Jone 4:42

nio sai nio seta ke bazuekake koa rekoreko, “Pui ṉoko vai bazuto kale inio eṉeta ṉe duvevo puta, melai ṉe ṉavi eṉeta ṉeda va viqa vo, so sole eṉeta ṉevai nianiia ta vo tivoine vo peuru ma peuru vo Pakio,” kikelake.

Jone 6:51

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Iruruputo 8:32

Koa kobu Tabu ama Riki vo o tiromikema ta eri nio kikovevo: “Vota moiza o eve omadeuvo ko sipi ke kati olako vouvaekole jari, Ni vota omadeuvo sipi ko meqora ko pui ko kujinako koko tou keta ka kobueka keru jari, vota pui opa pesiovi.

1 Koriniti 15:3

Aṉata a melai pakeke me ko quli ko lula aṉa a qoako a ṉavi koa matu qulepo ama bazu, eri kikolako: Vo Karisito ta o mela vovi animeko sarueko poso kale avo, Tabu ama Riki kikolani jari;

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Qelesia 3:13

So inio vo Mosese ko Bazu ta levezo saṉa ko imele anime, melai vo Karisito inio ota mela ṉamuke koa levezo, ni o besiemele anime koa levezo ko zaekale azo. Ako ko Tabu ama Riki kikovevo ta eri nio sole, “Seke soilo amu ore topi ta keta leveziovou,” kikovema.

1 Timoti 2:6

vo pui opa katiziovini tu o vou kiadama maba kaqe tu vota oma tabariko seko rupasio seko ruqe kale azo. Koa voko vou ikio lula ko mamola pueke vo Baṉara ko tutututuki ama taku kale vo Baṉara ma zario kiadama maba poso tu ke pakio.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 2:17

So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

1 Pita 1:19

Melai Baṉara ta o tabarimele me vo Karisito ko qulepo ama dara kale, voa siqasiqa Sipi ko Meqora jaria bulebule ala ni remedemede pide ala kale.

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Jone 2:2

Ako vo Jisu kale inio animeko sarueko ta ko akoiva. Ni pui animeko sarueko ko kiada melai kiadama maba poso ko sarueko melai ko rovea akoilo.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.

1 Jone 4:10

Ni tuvevo ama roquano ta vo Baṉara ko roquano anime kasi ama ikio, ni pui animeko roquevo vo Baṉara. Ako vo Baṉara inio o roquemele ni o soroeve vovo Meqora tu ota mela akoeko animeko sarueko poso vovo Meqora ko voukale.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo

Kelokelozato 12:11

Seta lula ke koqotaevo vo, vo Sipi Meqora ko vou ko dara kale ni se kekai bazutema tuveano kale, ni seta pui kepa katiziovi tu ke vou.

Kelokelozato 13:8

Kiadama maba poso peuru ma peuru kale amu ta ke ilusivou vo, sea kiadamu se pui kopa tama rikiziovini seko ṉi puliako peuru ma peuru ereilo, voa Sipi Meqora vo lula o vouvaini kasi azo ko kuevako noqola kama saevo samu ko ṉi ko buka topi.

Kelokelozato 14:1

Ni koko tova ta mata kama pado uloito jari ama kelokelozato a qeake. Aṉata a veake kala Sipi Meqora ta obeta lojoake Zaione sopu kale 144,000 maba madu sate se voko ṉi ni vovo Mama ko ṉi lula kota ma rikiziovini seko kape poso topi.

Kelokelozato 14:10

ta ke kovou vo Baṉara kasi azo ama matuma koqotato, ko akoekato pide ama, omadeuvo kala ta o nozueka ko matu piza kama vaini ko ju jari puliama ju valuvalu ju sama! Sea kiadamu ta ke matu tolailou uza kale ni vualavuala kama naikale se tabu ama mateana poso ni vo Sipi Meqora ko tanama kale.

Kelokelozato 14:4

Se inio sea maba madu se pui kepa vaeveni vo Baṉara tu ke ilusiko lipalipa kama quli, omadeuvo kala maba vo pui o vaekani o reko tu o pauveko edoloma jari. Seta ke lulueva vo Sipi Meqora kiadakoi sai vo o olakoi. Seta lula ke tatabarai ni keta pitasiovi kiadama se ruqe ama maba madu kasi azo, seta omadeuvo koa kuleto ama epa kiaro kale ama jari koko katiziako vo Baṉara ni voa Sipi Meqora kasi jari.

Kelokelozato 15:3

Ni seta kevai keraoke Mosese vo kera, Baṉara vo nabulu, ni voa Sipi Meqora vo kera, eri kiolani: “Raura kala ni Kiadama Pizato sala Baṉara ṉa, kiadama ṉoko iruruputo ta matu aqasiele ama! Kiadama toutou ni qoqono poso vo Aikovakova ṉa, kiadama ṉoko kalo ta sidopu ni tuvevo ama!

Kelokelozato 17:14

Ni seta ke vati pazokiniou vo Sipi Meqora, melai vo Sipi Meqora, ni se o nokaemeni ni o pitoemeni ni se piza kama oqu samu ke luluevani vo, ta ke koqotaemou se, ako vota piza kala Lekasa kiadama lekasa poso azo ni vota piza kala Aikovakova kiadama aikovakova poso azo sole,” kiolake vo mateana.

Kelokelozato 19:7

Animeta me zurailo ni me zoleilo, ni mevai ilusiko voko lekasa puo! Ako vo Sipi Meqora ko bau vuato ko taku ta lula kota baroa sole, ni voko reko ta lula koka inainaovako ko navi sole.

Kelokelozato 19:9

Ni vo mateana ta eri kiolake aṉa kasi, “Rikieka ko eri kio: Maurumauru amu se lula ke taipaziani vo Sipi Meqora ko bau vuato kale,” kio. Ni vo mateana ta o paqulikake koa pesio, ni eri kiolake, “Komi poso ikio vo Baṉara ko tuvevo ama pesio poso,” kiolake.

Kelokelozato 21:14

Voa matu peuru ko idi ta ko erei toni omuqa lado vola ko matu lado kale, vo Sipi Meqora ko toni omuqa apositolo madu ko ṉi kokai rikiziovima.

Kelokelozato 21:27

Melai puliama kuna kama quli ta kopa amaqeovou koa matu peuru kale, ni puliala vo o erekani ko qurato sama quli ni vo o lipalipatani. Se lula kota ma rikiziovini seko ṉi poso vo Sipi Meqora ko noqola kama saevo samu ko ṉi ko buka topi ko kiada inio ke amaqeovou koa matu peuru kale.

Kelokelozato 21:9

Ni kala pado sea sikeura mateana poso se sikeura teamuteamu sikeura tovatovama ave kokai sukatako samu kale ala mateana ta o kuevake aṉa kasi ni eri kiolake, “Kua tu aṉa kaseko ko sinaqu rusu, vo Sipi Meqora ko reko,” kiolake.

Kelokelozato 5:6

Nio aṉata a veake kala pado Sipi Meqora vo obeta lojoani papupapu ko tiania nio ko ariku saevoma biaṉa poso ni sea lekasa poso ta ke qoloevake vati lojolo vo. Voa Sipi Meqora ta lula ota vouvaini jaria velo ala inio. Vota sikeura sotasota kala ni sikeura vilu ala, ko ikio vo Baṉara ko sikeura auvana vo o soroekema pado ama peuru ma peuru kale.

Kelokelozato 5:8

Vo o koake koa buka ti koa ariku saevoma biaṉa poso ni sea karabete ariku lekasa poso ta ke loqunake voa Sipi Meqora ko kuleto. Seta kekai okotake noqoeko ko mike, ni ko qolo lolulolu poso ko uria tui kama bube ko sukatikake, koko kio ni kalo ta vo Baṉara ko maba madu ko vararaito ikio ko.

Kelokelozato 6:1

Nio aṉata a veake voa Sipi Meqora ta ota va rupasikake kuleto ala koa polopolozi buka ko sikeura vinavina kale ala, ni aṉata ada va viqake kala pado koa ariku saevoma biaṉa kale ala ko au kalea paka ko kelato jari ama kora, “Kua!” kikolako.

Kelokelozato 6:16

Nio seta eri kikelake koa sopu poso ni koa lado poso kasi, “Ṉelai pialomo tu daipaeṉelomo eṉe vo papupapu topi o papuani ko vilu kasa azo ni voa Sipi Meqora ko korakorailo kale azo!

Kelokelozato 7:14

“Tanala, aṉata pui amai nianiia,” va kialake. Nio vota eri kiolake aṉa kasi, “Ni nio sea maba madu se lula ke pakiziani koa matu tapata kama niumaniumato ko poro kale azo. Seta lula vairu ke ika seko rosia sabosabo poso ni seta lula tapo ke ika vo Sipi Meqora ko vou ko dara kale.

Kelokelozato 7:17

ako voa Sipi Meqora, vo obeta papuani tianiama papupapu topi, ta sevo vailo ko maba oma elou, ni vota o odiemou se noqola kama saevo ko katimako ju sama orori kasi. Ni vo Baṉara ta ota ma zautekou seko vilu kale ama deumu.”