Jiudi 1:4 - BAṈARA KO VAIRU AMA LEVELEVEO

⁴ Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Jiudi 1:4 교차 참조

Matiu 13:25

Melai omadeu ipu sea kiadamu ko maroṉo keru, vovo kana ta o olake ni o papaka ko rabu voko vuiti kiaro ko poro kale ni ota olake.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Iruruputo 15:24

Lula ṉe viqa ta kake eṉeko maba poso seke keveni eṉeko poqala kale azo ta tapata ni upotuqu ke imela seke kasekako quli kale; melai eṉeta pui ṉeba soroeme se tu seta so ke imelo.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

1 Timoti 5:8

Melai voa maba vo pui o mati vailani voko mabamu, ta o vaekani nio ko lotu saevo, ni vo pui oma lilitani voko saidi kale amu ta kala matu ruqe ala maba, vo omai paloasani se kutumana kamu koa voko ruqe ama kalo kale.

2 Timoti 2:12

Animeta me bataitou tapata kale nio animeta me lekasa puovou vo sase. Animeta meda va zoliovou vo nio vo melai ota mela zoliovou anime.

2 Timoti 3:6

Kake sea maba poso ta ke olaolaita maba poso ko pade kale ni ke lipalipaema se pui uri ama lezu sama rekoreko poso se duki amu seko sarueko poso ko kuiripato kale ni seke saruivani seko lulueko kale kubo azaazama vatolo poso.

1 Pita 2:16

Ni meta saevomo ruparupasi ama maba poso jari; melai meta pui eri kimevou, “Eṉeta ruparupasia ṉela, so sole ṉe rovea ereko ko ruqe.” Melai meta vo Baṉara ko mabaku emo.

1 Pita 2:8

Ni ko Tabu ama Riki ta eri nio mata kikolani, “Nei nio voa lado se maba poso tupara o imo ala ni voa ripi vo o pimo ala,” kikolako. Ni seta keta tuparia, ako seta pui tuvevo ke ika sole vo Baṉara kiolani; so inio vo Baṉara ko vatolo kikovevo sekasi.

1 Pita 4:18

Ko Tabu ama Riki kikolani jari, “Kota matu tapata tu vo sidopu ala maba melai o pakiovou; so sole se kevai kideipani vo Baṉara ni boutare ke erekani ta tuvevo avole seta matu tapata ke elou.”

2 Pita 2:10

Ni koa koqotato ta matuvole komai barolou se ruqe ama kalo kebeta erekatani, se ke ṉaviko ruqe ama tupu ko zario ke luluekani maba poso, ni se kekai kaikuapani vo Baṉara ko bazu. Nia lipalipa kama nianiiekato ko maba poso ta ke ereka ke ṉavi keka zariako quli ereko ni kekai aikaiva koa kalo. Ni seta pui ke ṉava ruqe kasemo se aukale ama mateana madu.

2 Pita 2:7

Melai Baṉara ta o pakievake vo Lote koa omuqa matu peuru kale azo. Ako voa sidopu ala maba Lote ta duki oka evake sea ruqe ama maba poso ko olavo puto sama saevo sole.

2 Pita 3:7

Ni koa omadeuma vo Baṉara ko pesio kio ko kati vaila ko erisaṉama au ni peuru ma peuru, anime mebe kai evako. Ni komia omuqa quli ta kobeta taruana tu ko siqailou uza kale. Ni kota kobeta taruanou ti kobeta barolou se Baṉara kevai keduani maba poso ke titiziovou keru ti ke ṉamuilou keru heli kale.

1 Jone 2:22

So sole lala inio lipalipa kala? Vo inio voa maba vo eri kiolani, Jisu ta pui vo Baṉara o soroeveni Pakio inio, kiolani. Ni voa maba vo Jisu ta pui voa Pakio kiolani, vo inio vo Karisito vo kana, vo okai kaikuapani nioqa, vo Meqora ni vo Mama.

Jiudi 1:15

tu o kati kilo ko titizato sea kiadamu tona, tu omai kuiriko sea kiadamu seke erekako sarueko poso, ni kiadama seko ruqe kasevo vo Baṉara seko ruqe ama pesio poso kale!”

Jiudi 1:18

Seta eri kikeve mekasi, “Tovatovama taku ko barou keru, so keru inio seke melai balebaleito amu me ta ke puratou, seke lulueko amu ke ṉaviko kutumana kama zario poso.”

Kelokelozato 15:4

Lala inio pui opa taṉa panaovou, Baṉara? Lala inio ota ka lupaovou taṉa kaseko ṉoko naizato? Puliala! Ṉo tisoiko ṉo qiada Tabua laṉa. Kiadama toutou poso ta ke kilou ilusatole ṉoko taqo kale ako kiadamu ta lula ke kea ta ṉoko iruruputo ta sidopu ama sole.”