Jiudi 1:3 - BAṈARA KO VAIRU AMA LEVELEVEO

³ Aṉako baerebaere poso mela, aṉata aqa matu zariovi tu rikito mekasi tu kai bazuto ko pakio animea kiada mela me ṉeamukako, melai aṉata a qea ta uri tu a rikito mekasi tutumazi avole tu a mela titio meko piza kai oqu koa tuveano besizio pide ama vo Baṉara lula o katimelema me voko mabamu mela.

Jiudi 1:3 교차 참조

Iruruputo 17:3

ni vota o rupasikake ko kikolani ni omai uria bazuekake koko tuveano vo Baṉara o soroevo ala va kioveni Pakio ko tolailo ni voko mata saevo voukale azo ta ko pidokiovi seko Tabu ama Buka kale. Vota eri kiolake, “Nea Jisu vo aṉa a qasevani mekasi, vo inio vo Baṉara o soroeveni Pakio,” kiolake vo Paula.

Iruruputo 18:28

Ako voko piza kama zakaremu puto sama pesio kale inio vota zara o imake se Jiu amu voko vaki ale ama tuvevo taka kaseko kale ko Tabu ama Riki kikolani ta vo Jisu inio vo Baṉara o soroeveni Pakio.

Iruruputo 20:27

Ako aṉata pui aba lupaovi kaseko vo Baṉara ko pado ama vatolo mekasi sole.

Iruruputo 4:12

Vokale ko kiada inio animeta me roveovou pakio; ni puliala mata kala peuru ma peuru kale ala ta opa katimele vo Baṉara tu vota o pakiemelo anime,” kiolake.

Iruruputo 6:7

Nio vo Baṉara ko bazubazu ta kobeta olake pailailo. Ni seke tuvevo putani ko ataataiti Jerusalema ke eveni ta matu kubo kota evake, ni matu kubo siama madu ta ke tuvevo putake koa taku.

Iruruputo 9:13

Nio vo Ananaiasi ta o opatake ni eri kiolake, “Lekasa, matu kubo maba madu ta lula kevai bazuta nea maba aṉa kasi ni kiadama tapata poso vo o erekako ṉoko maba madu kasi Jerusalema ke evani kasi.

Iruruputo 9:22

Melai Saula ko bazubazuto ta matu ti matu piza kota evake, ni voko tuvevo iko vo Jisu ta vo Baṉara o soroevani Pakio nio kio ta matu niuniala ko imake se Damasikasi ke evani Jiu amu so sole seta pui ke roveake pizato seko vati zolizoliekinio kale vo.

1 Koriniti 15:3

Aṉata a melai pakeke me ko quli ko lula aṉa a qoako a ṉavi koa matu qulepo ama bazu, eri kikolako: Vo Karisito ta o mela vovi animeko sarueko poso kale avo, Tabu ama Riki kikolani jari;

Qelesia 2:5

Melai eṉeta puliama rora ṉeba katime sea lipalipa kamu! Ako eṉeta ṉeqai zariake sole tu kati qaraqarato ko Uri ama Bazu ko tuveano tu me kaqe sole.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

Qelesia 6:11

Kemoni komia matuma riki erisana a ṉaviko ṉase kale a mela rikiekako!

Epesasi 1:1

Aṉa Paula lala vo Jisu Karisito vo apositolo lala, aṉa apositolo a eveni lala vo Baṉara ko vatolo kale, ta a mela rikita me Epesasi amu mela vo Baṉara ko maba poso mela meme duvevo puevani mela vo Jisu Karisito.

Pilipai 1:1

Aṉa Paula lala ta a rikieka komia riki Timoti sate, vo Jisu Karisito ko nabulu kidi qela, mea kiada mela kasi vo Baṉara ko maba poso mela me omadeu me vati evani mela vo Jisu Karisito meme evani mela Pilipai, ni so jari me lotu qoqono ko vilua pikopiko ni tauvezato ko maba poso mela kasi.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Kolosi 1:2

Aṉata a joroeka komia leta me Kolosi peuru kale amu mela kasi vo Baṉara ko qoqono mela kasi, eṉeko kerula kama tamania kale amu mela, lula omadeu me evani mela vo Karisito sase. Eqeta qe vararaita tu vo Baṉara animevo Mama ta o katimelou ko tauvezato sama roquano ni bule.

1 Tesalonaika 2:2

Meta meqai nianiia ko eṉeko niumaniumaeṉelo ni naqueṉelo Pilipai peuru kale puliako eṉe kilo sai mekasi Tesalonaika peuru kale. Ni sai meko peuru kale melai kubo maba poso ta ke kanaekiṉele eṉe, melai vo animevo Baṉara ta o parani pueṉelake eṉe ni eṉeta ṉe melai bazuekake me koa Uri ama Bazu koko kuevako vokasi azo.

1 Timoti 1:18

A meqora Timoti, ṉota kerukerueka sea lotu tanatanamu ṉati kikevevo ṉo va nabuluputo kale avo vo Jisu Karisito. Ṉota vakovako ika koa zuvarato sama pesio poso seke katiṉema ṉo inio ṉota uria pazokinio ṉo elou,

1 Timoti 6:12

Matu madoe tu pizate ṉoko oqu ko saevo kale, omadeuvo vo rereo ko maba jari vo oka zariani pizato voziekinio kale, tu ṉo qovou koko mamola, ko ikio ko noqola kama saevo. Ako ko ikio koa noqola kama saevo vo Baṉara lula o ṉati nokaekema ṉo so keru ṉo parani putole kai bazuto ṉo eve keru ṉoko oqu ni kubo maba madu keta ṉa viqe keru ko.

2 Timoti 1:13

Ṉota vinavina noqoeko eve koa tuvevo ama bazu poso ko lula aṉa a ṉati vakakukema tu ṉota ṉo lulueko ko, ni kai saeve koa oqu ni roquano ko animeko omadeu vati elo vo Jisu Karisito ko katimelako.

Taitasi 1:4

Aṉata a rikita ṉo Taitasi ṉa kasi aṉavo maba meqora jaria laṉa vo Jisu Karisito vai oqu kale. Ni aṉata a vararaita tu vo Baṉara animevo Mama ni Jisu Karisito animevo Pakio ta o katiṉou ṉo voko pakiezato sama roquano ni bule.

Hiburu 13:22

A visi poso, aṉata a basemela me tu paṉao kale viqomo aṉako zuvarato sama bazu. Komia leta aṉa a rikiekako mekasi ta puju ama.

Hiburu 6:9

A roquemelani mela lolo poso, aṉata soa kaseko abe eva melai aṉata a melai uria nianiia me, ta meta me luluekou ko uri ama kalo pakio ko.

1 Pita 5:12

Aṉata a rikieka komia puju ama riki mekasi Sailasi ko tauvelo kale. Ni aṉata avai nianiia ta vota kala pado animevo tamania kale ala kerula kala vo Jisu Karisito kale. Aṉata a mela rikita me tu a zaubarimelo me ni a melai bazueko ko quli aṉa a uria kai nianiiako quli, ako komi ta tuvevo ama vo Baṉara ko tauvezato sama roquano sole. So sole meta pataitomo koa tauvezato sama roquano kale.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

2 Pita 2:21

Pui kepa kai nianiiovi ko sidopu ko keve tea uri. Melai kekai nianiiovi saita inio ke vaeke ko tabu ama bazu koko katiziovima sekasi ta maba pui uri sole.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.

Jiudi 1:17

Melai kerukeruekomo, me a lolo poso mela! Meta kerukeruekomo ko quli lulavo ke melai bazuekema vo animevo Lekasa Jisu Karisito ko apositolo madu.

Jiudi 1:20

Melai me a baerebaere poso mela, meta rapukomo me ṉavi meko matu tabu ama oqu kale. Meta vararaitomo vo Tabu ala Auvana ko pizato kale,

Kelokelozato 12:11

Seta lula ke koqotaevo vo, vo Sipi Meqora ko vou ko dara kale ni se kekai bazutema tuveano kale, ni seta pui kepa katiziovi tu ke vou.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.