Jemisi 5:9 - BAṈARA KO VAIRU AMA LEVELEVEO

⁹ A lolo poso mela, meta pui ṉuruṉuruekinio me ṉavio kude, so inio vo Baṉara ta pui o titizimelou me. Vo Titizato ko Maba ta sipole, vota obeta inainaova tu kasa o elo.

Jemisi 5:9 교차 참조

Matiu 24:33

Ni so jari nio mata so keru meme qelou keru kiadama quli ko aṉa a melai bazuekako quli ko ereilou keru inio meta meqai nianiiovou ta koa vairu ama taku vo Baṉara ko lekasa puo ko ta sipole kota barolou.

Maka 13:29

Ni so jari nio mata so keru meme qelou keru kiadama quli ko aṉa a melai bazuekako aukale ko ereilo ama quli, meta meqai nianiiovou ta koa vaini ama taku vo Baṉara ko lekasa puo ko ta sipole kota barolou.

Maka 6:19

Ni so keru azo inio ko Herodiasi ta kovai kaikuapake vo Jone ni kovai zariake vouvaevo, melai kota pui ko roveake,

1 Koriniti 10:11

Kiadama komi quli poso koko ereima se tona ta kama uri ama balauvato ikio ko evema anime kasi, ni kota ko rikiziovi lula tu animeko bazu kaqe. Ako komia lulavo ko ereima quli ta ko zuatike vo Karisito ko tuveano, ni anime inio lula ko melai baroani mela koa tuveano sole.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 9:7

So sole meta azaaza katizato me elou me ṉaviṉavi ko bulo poso kale ama pitoto kale, pui omuqa kerukeru kale ni kama zuruzuruto kale kude; ako vo Baṉara ta o roqueva voa maba vo zoleilo kale o katizatani sole.

Qelesia 5:14

Ako koa kiadama vo Mosese ko Bazu ta komia omadeu pado Bazu topi ko kiada, ko eri kikolako, “Roquema edolomu omadeuvo ṉo ṉavi ṉo roquiva jari,” kikolako.

Qelesia 5:26

Ni animeta pui me aikailou, ni pui me niumaekiniou ni pui me qonoekiniou me ṉavio kude.

Jemisi 4:11

Meta pui kuirikinio me ṉavio kude, me aṉako tamania kalea mela. Ako vo kuiripato saṉa o ivani kala lotu maba ma o titizivani, vota kuiripato saṉa o ika ko Tabu ama Bazu ni vota o titizika. Ni meta me ditizikou ko Tabu ama Bazu, ta me inio ko me pui me zorikani mela ko Bazu, ni me inio me ditizikani mela ko.

Jemisi 4:12

Omadeu pado Baṉara o kiada inio Bazu o katizatani ni o titizikani ko maba. Vo o kiada inio o pakiemani se maba poso ma o niumaemani se. Nonia kerukeruilo inio me eva me, nio meta me ditiziva edolola maba?

Jemisi 5:10

A lolo poso mela, meta kerukeruemomo se poropita madu seke pesiovini Baṉara ko ṉikale, ni luluekomo seko inobea taruano seko tapata taku keru.

Jemisi 5:7

A lolo poso mela, meta inobea taruano emo, ti kobeta barolou vo Lekasa Jisu ko vaito ko taku keru. Keatini, vo papato ko maba ta o uria tareka ko uri ama epa miduku ko, ni vota o uria tareka ko nioro ni ṉaniu tu ko muqariko ko sailao.

1 Pita 4:5

Melai seta ke uria kasa puekou seke erekako ruqe Baṉara kasi voko titizato ko ṉaniu kale, vo lula o inainaovani tu o titizimou se saevomu ni se lula ke vovini.

1 Pita 4:9

Ni meta baroekiniomo me ṉavio kude meko pade kale puliama ṉuruṉuruo sate.

Kelokelozato 3:20

Ako keatini! Aṉata a lojoa veutu tona ni a dubitubita; so sole vo ota la viqo ala aṉako kora ta ola veukou ko veutu, nio aṉata a amaqeovou voko pade kale ni a zomanou vuato vo sase, ni vo melai o zomanou vuato aṉa sase.