14 Esa kala ta vere ala me azo, vota o nokaemou se lotu tanamu, tu ke zio tu ke vati vararaito vo ni kevai loqaeko ko oela meresini vo Lekasa Jisu ko ṉikale.
Ni seta kebe kamakou ko vou sama dole, ni ke nozuekou vou sama quli melai pui kepa vouvou. Ni kemai ivikou seko ṉase se vere amu ni seta keta urikou,” kiolake vo Jisu.
Ni nioqata qo pitoemake lotu qoqono poso kale se lotu tanatanamu se koko kuleto keta ka elo amu, ni nioqako vararaito ni tabutabuo kale nioqata qo vaemake vo Baṉara vo kevai oquini ko vailo kale.
Ni so keru seke baroi keru Jerusalema inio se lotu qoqono ta ke baroekimake se, ni so jari se apositolo madu ni lotu tanatanamu, ni Paula ni Banabasi ni mata kake ta ke kasekake kiadama quli vo Baṉara o erekako quli seko iruruputo kale.
Ni Pabiliasi vo mama, vo tataṉo ni dara suru ko voani, ta obeta tekuake kobo topi. Nio Paula ta o amaqeake voko lose kale, ni o vararaitake, ni ovai ivikake voko ṉase, ni o urikivake vo.
Ni Pita ta o saqorimake sea kiadamu koa lose kale azo, ni o iqeiqeake ni o vararaitake. Ni vota o lilitake koa vouma tupu kasi ni eri ka kiolake, “Tabita, loje!” kiolake. Ni kota ko leqosikake ko vilu, ni kota ko veake vo Pita, ni kota kota papuake.
Aṉata a vaeṉe ṉo Kiriti udu kale, tu ṉota ṉo uria korotikou ko pui nio ko paizaivako iruruputo, ni ṉo bitoemou se lotu tanamu peuru poso kale. Ṉota ṉo qerukeruekou aṉako bazu poso, ko eri kio sama.
