Jemisi 4:11 - BAṈARA KO VAIRU AMA LEVELEVEO

¹¹ Meta pui kuirikinio me ṉavio kude, me aṉako tamania kalea mela. Ako vo kuiripato saṉa o ivani kala lotu maba ma o titizivani, vota kuiripato saṉa o ika ko Tabu ama Bazu ni vota o titizika. Ni meta me ditizikou ko Tabu ama Bazu, ta me inio ko me pui me zorikani mela ko Bazu, ni me inio me ditizikani mela ko.

Jemisi 4:11 교차 참조

Luke 6:37

Ni vo Jisu ta obeta olake bazubazuto ni eri kiolake sekasi, “Meta pui me ditizimou edolomu, nio mata Baṉara ta pui o titizimelou me. Ni meta pui kuiripato saṉa me imou edolomu inio Baṉara ta pui kuiripato saṉa o imelou me. Ni meta meda ma akoekou seko sarueko seke saruekani mekasi inio Baṉara ta ota mela akoekou meko sarueko.

Romu 2:1

Melai ṉoṉo ditizimani ṉa se edolomu koa ruqe poso kale ta pui ṉoba taka zoliovou, ko ṉota kala pado ṉa inio sole. Ako so keru ṉo ṉobe titizima keru se, ṉo melai ṉobe ereka soama iruruputo seke erekako jari ama, ṉota ṉoda kuirizia inio ṉo ṉavi.

Romu 2:13

Ako sidopu elo vo Baṉara ko kelokelozato kale ta pui maba madu ko viqo kale ko Bazu inio, melai ereko kale ko Bazu kikolani.

Romu 7:7

Noi nio mata kimevou, vo Mosese ko Bazu ta sarueko ikio kimevou kio? Maba pui! Ako koa Bazu ko nianiiekato kale inio aṉata a baqumuka ta ko sarueko ta sarueko ikio. Ako koa Bazu ta pui ko bazuela aṉa ko eri tea, “Ṉota pui viluloqu tavai elo kala maba ko quli,” so tea aṉata pui nio aba paqumuko koa viluloqu ko kio ni kalo.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 12:20

Aṉata ada ṉava aṉako barolo keru sai tu kelo kama edolovo elo meko, aṉa pui a mela zariani jari me, ni meta me qelou aṉako edolovo elo, pui meko aṉa la zario tu so jari a elo. Aṉata ada ṉava tu aṉata a qelou kama aivekinio ni konoekinio, korakorailo ni kiadailo, kama tirazo ni maba kai pesio, aikailo ni birebire elo.

Epesasi 4:31

So sole meta vaekomo kiadama pasopasoilo ni korakorailo ni bomuilo ni karaṉo ni ruqe kasemo edolomu. Ni meta pui mata me erekou kama kideipo sama quli.

1 Timoti 3:11

Seko reko poso melai uri ama kalo saṉa ke elou ni pui kekai pesiovou ko maba, ni seta pui ke matu nozuekou ko piza kama ju melai seta kiadavoa kerula kamu ke elo.

2 Timoti 3:3

seta puliama roquano samu, ni odouvo pide amu, se kekai pesiani ko maba, ni pui ke uria odiziani ke ṉavi, seta niumaniuma kamu, ni kekai kideipani ko uri;

Taitasi 2:3

Omadeuvo jari ṉota bazuema se qole ama reko poso tu ke ereko uri ama kalo koko malezimo ama sea rekoreko se Baṉara ko maba madu. Seta pui kekai pesiovou ko maba ni pui piza kama ju ko mabaku ke elo. Seta kekai nianiiekatou ko uri ama kalo,

Jemisi 1:16

Me a lolo poso a roquemelani mela, meta pui zariemo kake tu seta ke saruemelo me!

Jemisi 1:19

Lolo poso, me a roquemelani mela, meta kerukeruekomo komi quli! Kiada mela meta dikidauputole viqomo, melai pui jijiro pesio elo ni pui kapi avole korakorailo.

Jemisi 1:25

Melai vo o vinaivani sidopu ama bazu kale, maba poso ko rupasimako, ni vo pui o lalamatani ereko ko, ni pui o utu viqani ni o ukaka puekani, ni vo okai iruruputani, vo inio voa maba vo Baṉara mauru o ivo ala vo o erekako quli kale.

Jemisi 2:8

Meta me zorikou tuvevo avole vo Baṉara ko lekasa puo ko bazu, koko kaseivako Tabu ama Riki kale, ko eri, “Meta roquemomo kiadamu omadeuvo me ṉavi me roquiva jari,” ko ikio ko sidopu ko ereko.

Jemisi 5:10

A lolo poso mela, meta kerukeruemomo se poropita madu seke pesiovini Baṉara ko ṉikale, ni luluekomo seko inobea taruano seko tapata taku keru.

Jemisi 5:7

A lolo poso mela, meta inobea taruano emo, ti kobeta barolou vo Lekasa Jisu ko vaito ko taku keru. Keatini, vo papato ko maba ta o uria tareka ko uri ama epa miduku ko, ni vota o uria tareka ko nioro ni ṉaniu tu ko muqariko ko sailao.

Jemisi 5:9

A lolo poso mela, meta pui ṉuruṉuruekinio me ṉavio kude, so inio vo Baṉara ta pui o titizimelou me. Vo Titizato ko Maba ta sipole, vota obeta inainaova tu kasa o elo.

1 Pita 2:1

So sole meta vaekomo kiadama meko ruqeruqe ama kalo ni lipalipato. Ni meta pui se kekai lipalipaitani ko sidopu jari kalo. Ni pui me qonoilou ni pui me ruqe kasemou se edolomu. Meta me vaekou koa kiadama quli meko saevo kale azo.